Tutelonomi 16:9 - Chahta Holisso Holitopa 1886

⁹ Nitak hullo untuklo ho̱ ish hotihna hi oke; nitak kaniohmi ho̱ onush a̱ ishit bʋsha ya̱ ishit bʋshlit, isht ish ia mak inli hosh, nitak hullo untuklo ka̱ hotihnʋt isht ish iashke.

Tutelonomi 16:9 Iomraidhean Croise

Eksotʋs 23:16

Micha hʋsh toksʋli osapa ya̱ nana ish hokchi tukma nawaya ʋmmona ʋmo impʋchi, micha nahoyo impʋchi, afʋmmi ont tahakma osapa ish atoksʋli tuk ʋt na ish hoyokmʋt isht hʋsh a̱sha hi oke.

Eksotʋs 34:22

Micha onush ʋmo waya ʋmmona wek puta impʋchi ya̱, micha afʋmmi ont taha, na waya hoyo impʋchi ya̱ ish holitoblashke.

Apostel isht Anumpa 2:1

Atuko̱ Pentekost nitak ʋt ont ʋlhpiesʋt taha ma, momʋt im anukfila ai achʋfʋt mih achʋfa yo̱ chieya tok.

1 Kolinhlian 16:8

Yohmi kʋt Efesʋs ak o̱ anta li̱ Pentekost ai onak mak a chi̱ hoke.

Tutelonomi 16:10

Micha nitak hullo puta impʋchi ya̱ chin Chitokaka Chihowah ya̱ isht ish aiashakmʋt, chin Chitokaka Chihowah yʋt na chi yukpali tuk pulla mak o̱ ilap ahnit chibbak foyuka im issa ya̱ aieninchit chin Chitokaka Chihowah ya̱ ish imashke.

Tutelonomi 16:16

Kanima ho̱ ai atokoli tukma, nakni chim a̱sha moma kʋt chin Chitokaka Chihowah ya̱ afʋmmi achʋfakma, hituchina ha̱ itikba ya̱ im itʋnaha hi oke: pʋska ik shatʋmmo impʋchi, micha nitak hullo puta impʋchi, micha tabenakel ai impʋchi: micha ibbak bieka hosh Chihowah itikba ya̱ ona he keyu hoke:

Heblu 2:1

Yohmi hoka nana e haiyaklo tuk puta kʋt ahah ahni fehna hosh il anukfihinla hetuk, e yʋmohmi keyukmʋt, nitak kanima ka pi̱ kʋnia hinla hoke.

Luth 2:23

Yʋmohmi na Boas ohoyo himita ʋhleha im ai asha kak o̱ apotoʋt ʋlbʋllit ahanta na bali bʋshli; micha onush bʋshli aiena kʋt ont taha tok; mihma ipokni ta̱kla ahanta tok.