Tutelonomi 16:7 - Chahta Holisso Holitopa 1886

⁷ Mikmʋt chin Chitokaka Chihowah yʋt kanima ho̱ ai atokolikma ish ai apushli cha, ish pa hi oke: atuk osh onnahinlikma falamʋt chi̱ bina ha̱ ish ona hi oke.

Tutelonomi 16:7 Iomraidhean Croise

2 Mi̱ko 23:23

Amba Chosiah ʋt mi̱ko tok afʋmmi ont isht auahuntuchina kak o̱ Chelusalem a̱ ʋbanʋblit ont ia ilʋppa Chihowa isht im aiasha tok.

Chan 11:55

Atuk o̱ Chu okla nan im ʋbanʋblit ont ia yʋt ai ona̱ hosi tok; mihma ilap nan ai il atahlit ma̱ya chi̱ kʋt, nan‐ʋbanʋblit ont ia yʋt ik ai ono ki̱sha ho̱ yakni yʋmma a̱sht Chelusalem a̱ ia kʋt laua tok.

Chan 2:13

Mihma Chu okla i̱ nan‐ʋbanʋblit ont ia yʋt ai ona̱ hosi hatuk o̱, Chisʋs ʋt Chelusalem a̱ ia tok.

Chan 2:23

Ʋbanʋblit ont ia isht a̱shʋt impʋt ma̱ya nitak o̱, yʋmmʋt Chelusalem a̱ anta cha, na‐fehna puta ka yʋmihinchi na okla pisa mʋt, lauʋt i̱ yimmi tok.

Tutelonomi 12:5

Amba hʋchin Chitokaka Chihowah ak osh kanima ho̱ hʋchim apehlichi puta moma ka̱ ai atokolit, hohchifo ha̱ a bohlikma, ai ahanta ak o̱ hʋsh hoya chi̱ hoke; micha yʋmmak o̱ ish ona chi̱ hoke,

Tutelonomi 16:2

Chihowah yʋt kanima ho̱ ai atokolit hohchifo a bohlikma, yʋmmak o̱ chi̱ nan ʋlhpoa chipunta, micha chi̱ nan ʋlhpoa hochito aiena ka̱ ai ishit ʋbanʋblit ontia ya̱ ʋbit chin Chitokaka Chihowah ya̱ isht ish ai okpʋchashke.

Tutelonomi 16:6

Amba chin Chitokaka Chihowah yak osh kanima ho̱ atokolit hohchifo a bohlikma, yʋmmak o̱ opiakma hʋshi ʋt okatula ho̱ Echip a̱ a kohchʋt ish minti tok ont ʋlhpiesakma, ʋbanʋblit ontia ya̱ isht ish aiokpʋcha hi oke.