Tutelonomi 16:5 - Chahta Holisso Holitopa 1886

⁵ Chi̱ holihta okhissa kanima kia chin Chitokaka Chihowah yʋt chima ka̱ anu̱kaka ya̱ ʋbanʋblit ontia ai ʋbit isht ish aiokpʋcha he keyu hoke.

Tutelonomi 16:5 Iomraidhean Croise

Mark i̱ Holisso 14:12

Atuk o̱ pʋska ik shatʋmmo nitak ʋmmona ka ʋbanʋblit ontia ya̱ okla ai ʋbi ma, nan im ai ithʋna ʋhleha hash osh, Katima yak o̱ il ia cha, il atahli na ʋbanʋblit ont ia ya̱ ish impa hinla kʋt ish ahni cho? im achi tok.

Tutelonomi 16:2

Chihowah yʋt kanima ho̱ ai atokolit hohchifo a bohlikma, yʋmmak o̱ chi̱ nan ʋlhpoa chipunta, micha chi̱ nan ʋlhpoa hochito aiena ka̱ ai ishit ʋbanʋblit ontia ya̱ ʋbit chin Chitokaka Chihowah ya̱ isht ish ai okpʋchashke.

Tutelonomi 16:4

Hʋsh aiasha fullota moma ka̱ pʋska shatʋmmi nana kia ik a haiako ho̱ nitak untuklashke; micha nitak ʋmmona opiaka ʋbit isht ish aiokpʋchi nipi ʋt ninak a̱ itonla na onna he keyu.

Tutelonomi 16:6

Amba chin Chitokaka Chihowah yak osh kanima ho̱ atokolit hohchifo a bohlikma, yʋmmak o̱ opiakma hʋshi ʋt okatula ho̱ Echip a̱ a kohchʋt ish minti tok ont ʋlhpiesakma, ʋbanʋblit ontia ya̱ isht ish aiokpʋcha hi oke.