Tutelonomi 16:2 - Chahta Holisso Holitopa 1886

² Chihowah yʋt kanima ho̱ ai atokolit hohchifo a bohlikma, yʋmmak o̱ chi̱ nan ʋlhpoa chipunta, micha chi̱ nan ʋlhpoa hochito aiena ka̱ ai ishit ʋbanʋblit ontia ya̱ ʋbit chin Chitokaka Chihowah ya̱ isht ish ai okpʋchashke.

Tutelonomi 16:2 Iomraidhean Croise

2 Mi̱ko 23:21

Mihmʋt mi̱ko ʋt okla moma ka im apesʋt, Nan itim apesa holisso ilʋppa a holisso hatuk mak o̱ hʋchin Chitokaka Chihowa ya̱ ʋbanʋblit ont ia ya̱ isht hʋsh im aiashashke, achi tok.

Numbas 9:2

Islael im ʋlla ʋhleha hʋt ʋbanʋblit ont ia ʋlhpisa ʋt ont ʋlhpesakma holitoblashke.

Mahlu 26:17

Yohmi tuk o̱ pʋska ik shatʋmmo ʋpa nitak ʋmmona ho̱ nan ithʋna ʋhleha hʋt Chisʋs a̱ im ai ona mʋt, Ʋbanʋblit‐ont ia ish impa chi̱ ka, katima yak o̱ ont e chim ai atahla hi a̱ ish ahni cho? im achi tok.

Mahlu 26:2

Nitak tuklokma ʋbanʋblit‐ontia impa hʋt a̱sha chi̱, mikma Hatak Ushi ʋt iti‐taiyukhʋna ahonʋhlʋt illa chi̱ mak o̱, ishit okla ibbak fohka chi̱ ka hʋsh ithaiyanʋshke, im achi tok.

Mark i̱ Holisso 14:12

Atuk o̱ pʋska ik shatʋmmo nitak ʋmmona ka ʋbanʋblit ontia ya̱ okla ai ʋbi ma, nan im ai ithʋna ʋhleha hash osh, Katima yak o̱ il ia cha, il atahli na ʋbanʋblit ont ia ya̱ ish impa hinla kʋt ish ahni cho? im achi tok.

ʋBanumpa Luk Ʋt Holissochi Tok 22:15

Mihmʋt, Ik si ai ilbʋsho ki̱sha ta̱kla kak osh ai ʋbanʋblit ont ia ilʋppa a hʋch ibai impa ka ahni kʋt aha̱ni li fehna tuk oke.

ʋBanumpa Luk Ʋt Holissochi Tok 22:8

Mihma Chisʋs ʋt Pita, Chan ita tuklo ka pit tihlelit, Iʋt ai ʋbanʋblit ont ia ya̱ hʋsh pim atahli tuk o̱, iloh impashke, achi tok.

1 Kolinhlian 5:7

Yʋmohmi ka ik yʋmmo hʋchia hokʋt, na yʋmmʋska himona mak o̱ hʋchia ha chi̱ kʋt, nan isht shatʋmmi tikba yash isht ile filʋmmichit hʋsh kanchashke. Klaist ʋt na pim ʋbanʋblit ont ia yʋt ʋlhtobʋt illi tok oka.

Tutelonomi 12:11

Yʋmohmikma hʋchin Chitokaka Chihowah yʋt yʋmmak o̱ i̱ hohchifo aiahanta chi̱ ka̱ atokola chi̱ hoke; yʋmmak o̱ nana moma chim ahanchi li tuk mak o̱, na hukmit ishit hʋsh aiokpʋchi, micha nan ʋbit isht hʋsh aiokpʋchi, ishit hʋchi̱ pokoli, micha i̱ walit isht aiokpʋchi hʋchibbak foyuka aiena, micha achukma i̱ shahli moma, anumpa il onochit Chihowah ya̱ hʋsh im ilonochi tuk a puta aiena ka̱ isht hʋsh la hi oke,

Tutelonomi 12:14

Amba chim apehlichi puta ka̱ achʋfa ho̱ kanima ho̱ Chihowah yʋt atokolikma, yʋmmak o̱ na hukmit isht ish aiokpʋchi a̱ ish ai im issa chi̱ hoke, micha yʋmmak o̱ chi̱ miha li tuk moma ka̱ ish ai yʋmihcha chi̱ hoke.

Tutelonomi 12:18

Amba chin Chitokaka Chihowah ak osh kanima ho̱ ai atokolikma, chishno, micha chiso, micha chiso tek, micha chin tishu hatak, micha chin tishu ohoyo, micha Lefait chi̱ holihta okhissa anu̱kaka ahanta aiena kʋt, chin Chitokaka Chihowah itikba ish ai impa hi oke; micha nana ho̱ chibbak isht ish ishi moma chin Chitokaka Chihowah itikba na, chi yukpashke.

Tutelonomi 12:26

Peh na chi̱ hullochi chim asha, micha anumpa ishi lonochi ak illa ho̱ ish ishi cha, Chihowah yʋt kanima yo̱ ai atokoli tukma ish ia hi oke.

Tutelonomi 12:5

Amba hʋchin Chitokaka Chihowah ak osh kanima ho̱ hʋchim apehlichi puta moma ka̱ ai atokolit, hohchifo ha̱ a bohlikma, ai ahanta ak o̱ hʋsh hoya chi̱ hoke; micha yʋmmak o̱ ish ona chi̱ hoke,

Tutelonomi 15:20

Afʋmmi hosh ont afʋmmikma kanima ho̱ Chihowah yʋt atokolikma, yʋmmak o̱ chishno, micha chin chuka achʋfa aiena kʋt chin Chitokaka Chihowah itikba ya̱ ish ai ʋpa hi oke.

Tutelonomi 16:1

Hʋshi Abib a̱ ish ithaiyana cha, chin Chitokaka Chihowah ya̱ ʋbanʋblit ontia isht ish im ieshashke: hʋshi Abib ak o̱ chin Chitokaka Chihowah yʋt ninak o̱ Echip a̱ apehlichit chi kohchi tok oke.

Tutelonomi 16:3

Pʋska shatʋmmi ya̱ aieninchit ish pa he keyu; nitak untuklo ho̱ pʋska ik shatʋmmo, ilbʋsha pʋska pulla ka̱ aieninchit ish pa hi oke; (anukwa̱ya hosh Echip yakni ya̱ kohchʋt ish minti tok okʋt:) yʋmohmi hosh chi okcha̱ya nitak moma kʋt Echip yakni ya̱ kohchʋt ish minti tok nitak a̱ ish ithaiyanashke.