Tutelonomi 16:18 - Chahta Holisso Holitopa 1886

¹⁸ Chim apehlichi puta hlopulli, chi̱ holihta okhissa chin Chitokaka Chihowah yʋt chima tok a̱ nan apesa ʋhleha, micha nan ʋlhtoka ʋhleha aiena ka̱ ish ikbashke; mikma okla ha̱ nan ʋlhpisa aiʋlhpiesa ho̱ im api̱hi̱sa hi oke,

Tutelonomi 16:18 Iomraidhean Croise

Eksotʋs 18:21

Micha okla moma ka̱ akohchʋt hatak kʋllo, Chitokaka i̱ nukwi̱ya, hatak a̱hli, nan anushkunna ya̱ shitilema ak o̱ ish ahayuchashke; micha yohmi kak o̱, tahlepa sipokni pehlichi, tahlepa pehlichi, pokoli tahlapi pehlichi, micha pokoli pehlichi ish i̱ hiohlechashke.

Eksotʋs 21:22

Hatak ʋt iti̱ kʋllo cha, ohoyo ʋlla shali yo̱ hotopali, yohmi na, ʋlla ʋt im akʋma, yohmi kia achaha̱ya kʋt ik aiokpulokma, ohoyo i̱ hatak ak osh apesʋt onochi ho̱, nahotopa onʋtula pulla hi oke, micha nan apesa ʋhleha hʋt apesa ho̱ atobba hi oke.

Eksotʋs 21:6

Yohmikma i̱ shahli hʋt nan apesa ʋhleha ha̱ isht im ona hi oke; micha okhissa, keyukmʋt okhissa lapali ya̱ isht ona he ak inli hoke, mikmʋt i̱ shahli hʋt haksobish a̱ chofak ishit bahlit hlumpla hi oke, mikma in toksanli na bilia hi oke.

Mahlu 5:21

Nitak ti̱kba aiasha kʋt, Kʋna kia ish bi na: kʋna hosh inla ʋbi hokʋt nan ʋlhpisa yo̱ isht im ahlekashke; achi tok a̱ hʋsh ha̱klo chatuk.

Mahlu 5:22

Amba ʋno ʋto, Kʋna hosh nana hosh a kaniohmi keyu ho̱, itibapishi ha̱ i̱ nukkilli hokmʋt, nan ʋlhpisa yo̱ isht im ahlekashke: mikma kʋna hosh itibapishi ha̱, Ik chi ahobo, im achi hokmʋt, nan ʋlhpisa kʋllo i̱ shahli ho̱ isht im ahleka he: amba kʋna hosh, Im anukfila iksho chia hoka, im achi hokʋto aiokpuloka luak o̱ ont isht im ahleka hi oke.

Tutelonomi 16:17

Chin Chitokaka Chihowah yʋt nan ishit yukpali chima tuk pulla mak o̱, hatak puta kʋt ai ima he ʋlhpiesa puta kʋt imashke.

Tutelonomi 16:19

Aiʋlhpiesa ʋlhpisa ka̱ ish shanaiyacha he keyu: hahatak yohmi hoka, ish ahna he keyu, micha nahʋlbina ish isha he keyu; na hʋlbina hʋt hopoyuksa nishkin a̱ lʋplichi hoke; micha aiʋlhpiesa im anumpa ha̱ shanaiyʋchi hoke.

Tutelonomi 17:12

Mikma hatak kʋna hosh ilapunla cha, naholitompa isht ʋtta yʋt chin Chitokaka Chihowah itikba ya̱ hikiʋt, yʋmmak o̱ nan isht ai ahanta ka̱ ik i̱ haponaklo, keyukmʋt nan apesa yo̱ ik i̱ haponaklokmʋt, hatak yʋmmʋt illi pulla hi oke; micha Islael a̱ nan ik achukmo ya̱ ishit ish kancha hi oke.

Tutelonomi 17:9

Micha naholitompa isht asha ʋhleha, Lefait ʋhleha, micha nan apesa aiena nitak yʋmma a̱sha tuk a̱ ish im ona cha, ish im asilhha hi oke; mikma yʋmmak osh nan ʋlhpisa anumpa hoka chim anola hi oke.

Tutelonomi 21:2

Yohmikma chim asʋnonchi ʋhleha, micha chi̱ nan apesa ʋhleha aiena kʋt kohchʋt ia cha, illi itola kash hikiʋt ia hosh tʋmaha holihta puta apakfoyupa ka̱ onʋt apesa hi oke.

Tutelonomi 25:1

Hatak ʋt anumpa itachowa nan apesa ʋhleha hʋt nan im apesa chi̱ ho̱, nan ai ʋlhpisa ya̱ ʋlakma, aiʋlhpiesa yano i̱ kashofi cha, yoshuba tuk a̱ anumpa onucha hi oke.

1 Samuel 8:1

Atuk o̱ yakohmi tok, Samuel ʋt sipoknit taiyaha mʋt, ushi ʋhleha ha̱ Islael nan im apesa ikbi tok,