Tutelonomi 16:17 - Chahta Holisso Holitopa 1886

¹⁷ Chin Chitokaka Chihowah yʋt nan ishit yukpali chima tuk pulla mak o̱, hatak puta kʋt ai ima he ʋlhpiesa puta kʋt imashke.

Tutelonomi 16:17 Iomraidhean Croise

Lefitikʋs 27:8

Yohmi kia ilbʋsha hatuk osh ish im apesa tuk a̱ ik onanchokmʋt na holitompa isht ʋtta itikba ya̱ ilotʋnicha he, mikma na holitompa isht ʋtta yʋt ʋlhtoba onocha hi oke; anumpa a̱hlichi ilonochi ash osh yʋmihcha hinla ʋlhpi̱sa ho̱ ʋlhtoba onachashke.

2 Kolinhlian 8:12

Im anukfila ak osh nan tikba yohmikbano ahni ha yatuk okʋno, hatak yʋmmʋt nana ho̱ i̱shi tuk ash isht ʋlhpisa ho̱ ima kʋt isht ai ʋlhpesa hoke, amba yʋmmak ash ot nana hash ik isho ke tuk ak osh isht ik im ai ʋlhpiso chatuk keyu.

Tutelonomi 16:10

Micha nitak hullo puta impʋchi ya̱ chin Chitokaka Chihowah ya̱ isht ish aiashakmʋt, chin Chitokaka Chihowah yʋt na chi yukpali tuk pulla mak o̱ ilap ahnit chibbak foyuka im issa ya̱ aieninchit chin Chitokaka Chihowah ya̱ ish imashke.

Tutelonomi 16:16

Kanima ho̱ ai atokoli tukma, nakni chim a̱sha moma kʋt chin Chitokaka Chihowah ya̱ afʋmmi achʋfakma, hituchina ha̱ itikba ya̱ im itʋnaha hi oke: pʋska ik shatʋmmo impʋchi, micha nitak hullo puta impʋchi, micha tabenakel ai impʋchi: micha ibbak bieka hosh Chihowah itikba ya̱ ona he keyu hoke:

Tutelonomi 16:18

Chim apehlichi puta hlopulli, chi̱ holihta okhissa chin Chitokaka Chihowah yʋt chima tok a̱ nan apesa ʋhleha, micha nan ʋlhtoka ʋhleha aiena ka̱ ish ikbashke; mikma okla ha̱ nan ʋlhpisa aiʋlhpiesa ho̱ im api̱hi̱sa hi oke,