Biblia Todo Logo
Bìoball air-loidhne

- Sanasan -




Tutelonomi 16:15 - Chahta Holisso Holitopa 1886

15 Chihowah ak osh kanima ho̱ ai atokolikma, chin Chitokaka Chihowah ya̱ nitak untuklo ho̱ impʋchi holitopa isht ish im aiashashke: na chi̱ waya moma, micha chibbak na toksa̱hanli tuk moma ka̱ chin Chitokaka Chihowah yʋt na chi yukpala chi̱ hoka; yʋmohmi hoka na chi yukpa pulla hi oke.

Faic an caibideil Dèan lethbhreac




Tutelonomi 16:15
11 Iomraidhean Croise  

Amba hʋchin Chitokaka Chihowah ak osh kanima ho̱ hʋchim apehlichi puta moma ka̱ ai atokolit, hohchifo ha̱ a bohlikma, ai ahanta ak o̱ hʋsh hoya chi̱ hoke; micha yʋmmak o̱ ish ona chi̱ hoke,


Micha nitak hullo puta impʋchi ya̱ chin Chitokaka Chihowah ya̱ isht ish aiashakmʋt, chin Chitokaka Chihowah yʋt na chi yukpali tuk pulla mak o̱ ilap ahnit chibbak foyuka im issa ya̱ aieninchit chin Chitokaka Chihowah ya̱ ish imashke.


Micha chim impʋchi ya̱ nan isht chi yukpashke, chishno, micha chiso, micha chiso tek, micha chin tishu hatak, micha chin tishu ohoyo, micha Lefait, micha okla inla, micha i̱ki iksho, micha ohoyo ʋlhtakla chi̱ holihta okhissa anu̱ka aiasha aiena kʋt na yukpashke:


Kanima ho̱ ai atokoli tukma, nakni chim a̱sha moma kʋt chin Chitokaka Chihowah ya̱ afʋmmi achʋfakma, hituchina ha̱ itikba ya̱ im itʋnaha hi oke: pʋska ik shatʋmmo impʋchi, micha nitak hullo puta impʋchi, micha tabenakel ai impʋchi: micha ibbak bieka hosh Chihowah itikba ya̱ ona he keyu hoke:


Yohmi hosh himak nitak a̱ chin Chitokaka Chihowah ya̱ ish holitobli cha, i̱ hina ya̱ ish ai itʋnowʋt, im anumpa, micha i̱ nan ʋlhpisa bilia, micha im aiʋlhpesa yʋmi̱hinchi ya̱ ish ieshi cha, chi okchayʋt ish apaknʋcha he o̱ chi̱ miha lishke: mikma chin Chitokaka Chihowah yʋt yakni ya̱ ish isha chi̱ hosh yʋmma pilla ish ia ka̱ a chi yukpala hi oke,


Micha chi holitobla hi oke, micha chi yukpala hi oke; micha chi apaknʋcha hi oke; micha chim oshʋto awaya, micha chi̱ yakni awaya, chim onush, micha chim oka pa̱ki, micha chi̱ bila, chi̱ wak awaya, micha chi̱ nanʋlhpoa chipunta puta aiena ka̱, yakni yo̱ chima he yash chi̱ki ʋhleha ha̱ anumpa kʋllo im ilonochi tok ʋt a na chi yukpa lashke.


Lean sinn:

Sanasan


Sanasan