Tutelonomi 16:12 - Chahta Holisso Holitopa 1886

¹² Micha Echip a̱ hatak yuka hosh ish aiahanta tuk ʋt ish ithaiyanashke: micha nan ʋlhpisa bilia ilʋppa puta ka̱ ithaiyanʋt, ish yʋmihchashke.

Tutelonomi 16:12 Iomraidhean Croise

Efeshan 2:11

Yʋmohmi ka nitak cha̱shpo ma haknip i̱ nuta yosh Chentail hʋchia ma, nipi hakshup tʋpa ibbak isht toba hohchifo yʋmmak okʋt hakshup ik tapo hʋchi hochifo hoke.

Tutelonomi 15:15

Micha hatak yuka hosh Echip yakni ya̱ ish ahanta tuk o̱, chin Chitokaka Chihowah yʋt falʋmminchit chi hlakofichi tok a̱ ish ithaiyanashke: yʋmohmi kak o̱ himak nitak a̱ nana ilʋppa mihʋt chim ahanchi lishke.

Tutelonomi 16:13

Chim onush micha chi̱ pa̱ki ya̱ hoyot ish tahli ha yʋt, tabenakel ai impʋchi ya̱ nitak untuklo ho̱ isht ish aiasha hi oke.

Tutelonomi 16:15

Chihowah ak osh kanima ho̱ ai atokolikma, chin Chitokaka Chihowah ya̱ nitak untuklo ho̱ impʋchi holitopa isht ish im aiashashke: na chi̱ waya moma, micha chibbak na toksa̱hanli tuk moma ka̱ chin Chitokaka Chihowah yʋt na chi yukpala chi̱ hoka; yʋmohmi hoka na chi yukpa pulla hi oke.

Tutelonomi 5:15

Micha chishno yak kia Echip yakni ya̱ tishu chia ha tok, atuk o̱ Chitokaka chin Chihowah yʋt ibbak kʋllo, micha shakba ashatapa hosh yʋmma chi kohchi tok a̱ ish ithaiyanashke: yʋmohmi hatuk osh Chitokaka chin Chihowah yʋt nitak hullo nitak a̱ ish holitobla he a̱ chim apesa tok oke.