Tutelonomi 15:9 - Chahta Holisso Holitopa 1886

⁹ Ahah ish ai ahni na, Afʋmmi isht untuklo afʋmmi ai i̱ hotofa he ʋt olanlosishke, achi, imanukfila hʋt chi chu̱kʋsh okpulo ya̱ ik chukowo kashke; micha chi holhponayo hʋt ik achukmot, chitibapishi ha̱ i̱ sanali cha, nana kia chik emokma, chi̱ sanalit Chihowah ya̱ im pa̱yakma nan ashʋchi chi̱ toba na.

Tutelonomi 15:9 Iomraidhean Croise

Atʋloa 101:3

Nanah okpulo ya̱ sʋ nishkin itikba tʋkaliche la he keyuh; naksika iʋt ittʋno̱ho̱wa yʋt nanah a kʋniohmi ka̱ shittilema li hoke; si ʋlʋppala he keyuh.

Atʋloa 12:5

“Ilbʋssha ya̱ ilbʋsshalih, nan ik im iksho ʋhleha hʋt kiffa̱ha̱ha kak o̱, himak a̱ wʋkaya lish, ai achukma̱ka bʋnnah fehna tuk a̱ a hilechi la chi̱shke,” Chihowa hʋt achi hoke.

Atʋloa 9:12

Issish hlʋtapa ya̱ ho̱ho̱yo yosh ilbʋssha ʋhleha ha̱ ithaiyana hoka̱: yʋmmʋt pa̱ha̱ya tuk a̱ im ʋhaksih keyu hoke.

Eksotʋs 22:22

Ohoyo i̱ hatak illi, micha ʋlla i̱ki illi, kʋna kia hʋsh ilbʋshala he keyu hoke.

Eksotʋs 22:23

Kaniohmichit hʋsh ilbʋshali na, et a̱ pa̱ha̱ya ka̱ haklo li pulla hi oke.

Eksotʋs 3:7

Mihma Chihowah yʋt, Ʋm okla Echip aiasha ka̱ ilbʋsha ka̱ pi̱hisa li kʋt a̱hlishke, toksʋli ka̱ apistikeli pulla kak o̱ ya̱ha̱ya ka̱ ha̱ha̱klo lishke, nan isht im a nukha̱klo ka̱ ithana li hokʋt.

Mahlu 15:19

Chu̱kʋsh ak o̱ im anukfila okpulo puta, hatak bi̱ka ʋbi, haui toba, ohoyo ik im iksho micha hatak ik im iksho it i̱ luma̱ka puta, hu̱kopa, anumpa ik a̱hlo isht atokoli, Chihowa ik ahobalot anumpuli puta kʋt a toba hoka.

Mahlu 20:15

Ʋno ʋmmi hatuk ʋt ʋno nana aiahni li hosh kanimihchi la hi ʋt ʋm ʋlhpesa keyu̱? ʋno ak osh si achukma kak o̱, chi nishkin ʋt ik ʋlhpeso hoh cho? achi tok.

Tutelonomi 15:1

Afʋmmi untuklo kʋt ont taha aiyukalikma, nan i̱ hotofi ya̱ ish apesa hi oke.

Tutelonomi 24:15

Nitak ont im ʋlhpesakma asitʋbi tuk a̱ ish ima hi oke; micha hʋshi ʋt ont okatula he keyu, ilbʋsha hatuk osh chu̱kʋsh ʋt onʋtoyula hoka, keyukma chi̱ sanalit Chihowah pit i̱ pa̱ha̱ya na, nan ashʋchi chin toba na.

Tutelonomi 31:10

Micha Moses ʋt i̱ mihʋt, Afʋmmi untuklo kʋt ont taha aiyukali i̱ hotofa afʋmmi chu̱kʋsh nuktaiyala ya̱ tabenakel ai impʋchi,

Chemis 4:17

Yohmi hatuk o̱ kʋna hosh nana ai ʋlhpesa ka yohma hi ʋt ithana hosh, yʋmmak ash ik yohmo hokʋto, mihi yosh ashʋchi mak oke.

Chemis 4:5

Chu̱kʋsh pi anukfo̱ka kak osh il it i̱ potʋnna hi a̱ ahni ka Holisso Holitopa ʋt achi ka, ik a̱hlo ho̱ hʋchim ahobo cho?

Chemis 5:4

Yakeh! toksʋli ʋhleha hʋchim osapa puta nana ai ʋmo tuk isht ʋlhtoba he tuk, yʋmmak oka hʋchishno ak osh nana ik ʋlhpesalot falaminchit hʋsh ishi tuk a̱, pa̱ha̱yʋshke: yohmikma nan ʋmo tuk ʋhleha pa̱ya kʋt Sabaolh Chitokaka haksobish a̱ ont chukowa hoke.

Chemis 5:9

Nanasi kia isht hʋch ik it i̱ potʋnno kashke, itiba pishi li ʋhleha ma! yʋmmak keyukmʋt nana isht hʋchim ʋlhpisa hinla hoke. Yakeh! nan apesa yʋt okhissa itikba ya̱ hikia hoke.

1 Pita 4:9

Ik im ʋlhpesot anumpuli iksho hosh it i̱ kanʋt hʋsh it apelʋchashke.