Tutelonomi 15:5 - Chahta Holisso Holitopa 1886

⁵ Peh chin Chitokaka Chihowah im anumpa achukmalit haponaklot, anumpa ilʋppa puta moma himak nitak a̱ chim anumpo̱honli li ka̱ ithaiyanʋt ish yʋmihchikma.

Tutelonomi 15:5 Iomraidhean Croise

Atʋloa 19:11

Chi̱ tishu hak kia isht i̱ tohwikeli hoke; yʋmma̱ hulittobli kʋt isht im ʋlhtobah chito yoke.

Tutelonomi 15:4

Ilbʋsha yʋt hʋch itin takla ya̱ iksho hok mak illa hi oke, ish ai isha he ʋlhpesa yosh ish ai isha chi̱ ho̱, chin Chitokaka Chihowah yʋt yakni chima tok a̱ Chihowah yʋt chi yukpali fehna chi̱ hoke.

Tutelonomi 15:6

Chin Chitokaka Chihowah yʋt chim achi tuk mak osh, chi yukpali hoka: mikma oklushi laua ho̱ ish impota hi oke; yohmi kia chishno ʋto ish pota he keyu, micha oklushi laua ho̱ ish i̱ mi̱ka hi oke; amba chishno ano chi̱ mi̱ka he keyu.

Tutelonomi 26:14

Ya̱ya li moma kʋt ak po tuk oke; micha nana achʋfa kia na liteha isht ikbi li tuk keyu, micha nana achʋfa kia illi ya̱ ima li tuk keyu hoke; amba an Chitokaka Chihowah im anumpa ha̱ haiyaklo li mʋt, nana is sʋm apesa tuk moma ka̱ yʋmihchi li tuk oke.

Tutelonomi 4:9

Peh ahah, hʋsh il ahni cha, hʋchimi shilombish a̱ achunanchit hʋsh ieshashke, keyukmʋt, nana puta hʋchi nishkin ʋt pi̱sa tuk ʋt hʋchim ahaksi ná, micha chi okcha̱ya nitak moma ka̱ hʋchi chu̱kʋsh a̱ akohchʋt kʋnia na: amba chiso puta, micha chiso ha̱ ushi puta ka̱ ish im abʋchashke.

Tutelonomi 6:2

Chitokaka hʋchin Chihowah ya̱ ish i̱ nukwia cha, i nan ʋlhpisa bilia moma ka̱, micha im anumpa chim anumpohonli li ka̱, chishno micha chiso, micha chiso ha̱ iso aiena kʋt chi okcha̱yʋt ish ahanta nitak moma kʋt ish ieshi cha, chi̱ nitak ʋt falaiashke.

Filippian 1:27

Nana hʋsh a kaniohmi kʋt Klaist im anumpa ak o̱ isht ai ʋlhpesa kak banashke: yohmi na onʋt hʋchi pesa li hokmá, keyukmʋt kanima a̱ya li ik saksho hokmá nana kia na hʋchim a kaniohmi puta yʋmmʋt shilombish achʋfa, im anukfila achʋfa hosh ʋbanumpa ai yimmi ka hʋsh it iba foho̱ʋt kʋllot hʋsh hieli ho̱ haha̱klo lashke.

Choshua 1:7

Peh kʋllot chim anukfila cha, nukwia ikshot ish amosholi fehnashke; yohmi hosh nan ʋlhpisa moma an tishu Moses ʋt chim apihi̱sa tok a̱ ahah! ahnit ish holitoblashke; ilʋppa isht impak imma hokmá, ʋlhfʋbekimma hokmá nana kia chik i̱ filʋmmo kashke; chi yʋmohmi pulla hosh kanima ish a̱ya puta kʋt chim ai achukma hi oke.