Tutelonomi 15:3 - Chahta Holisso Holitopa 1886

³ Okla inla yano ish i̱ hoya hi oke; amba chimmi ha tuk a̱ chitibapishi hʋt i̱shi ka̱ chibbak ʋt i̱ hotofa hi oke:

Tutelonomi 15:3 Iomraidhean Croise

Eksotʋs 22:25

Ʋm okla ilbʋsha yʋt hʋchi̱ bili̱ka ahanta ka̱ tʋli holisso ish im pota hokmʋt, im atablit chelichi a̱ ish in chohma he keyu, micha chelichi ish onocha he keyu hoke.

Chan 8:35

Yohmi ka yuka hokʋto chuka ya̱ ai ahantʋt bilia chatuk keyu; amba Ushi yokʋto ahanta na bilia chatuk oke.

Kaleshan 6:10

Yohmi hoka hatak moma ka nana il im ai achukma la hi ʋt pin takalikmʋt, e yʋmihchikmʋt, na yimmi in chuka chʋfa ʋhleha yokak heno i̱ shahlichit il i̱ yʋmihchashke.

Tutelonomi 15:2

Micha nan i̱ hotofi yʋt yakohma hi oke: nan ahekʋchi aiyukali hosh in chuka a bili̱ka hatak a̱, nana kia im pota tuk ʋt i̱ hotofa hi oke; in chuka abili̱ka hatak, keyukmʋt, itibapishi ha̱ i̱ hoya he keyu, Chihowah i̱ hotofa hohchifo hoka.

Tutelonomi 23:20

Okla inla hano impotʋt ish chelicha hinla hoke: amba chitibapishi hano impotʋt ish chelicha he keyu: yʋmohmi ho̱ yakni ish isha chi̱ hosh ishia kʋt yʋmma ish ai ashʋt nana ho chibbak isht ish ishi moma ka̱ chin Chitokaka Chihowah yʋt na chiyukpalashke.

Tutelonomi 23:21

Chin Chitokaka Chihowah ya̱ anumpa ilonochi ish im ilonochi tukmʋt, atobbi kʋt ish sʋlaha he keyu; chin Chitokaka Chihowah yʋt chi̱ hoyo pulla hi oka, micha na ish ashʋchi ya̱ hinla hoke.