Tutelonomi 15:23 - Chahta Holisso Holitopa 1886

²³ Peh issish ano chik po ka hi oke, oka chohmihchit aka ish hlatʋbla hi oke, achi tok.

Tutelonomi 15:23 Iomraidhean Croise

Genesis 9:4

Amba nipi ʋt isht okcha̱ya yʋmmʋt im issish ak oka aieninchit hʋsh pa ná,

Lefitikʋs 17:10

Micha hatak nana hosh Islael in chuka achʋfa ya̱ ai achʋfa hokma, keyukmʋt okla inla yosh hʋchim aitin takla ahanta hokma, nana hosh issish kaniohmi nana kia ʋpakma, issish ʋpa tuk hatak shilombish yʋmma sa nashuka ya̱ i̱sht a sanalichi la chi̱, micha im okla im ai itin takla ya̱ fiopa tʋbli la hi oke.

Lefitikʋs 19:26

Nana hoh kia issish aieninchit hʋshpa he keyu hoke; micha nan isht yushpakʋmmi ya̱ hʋsh yʋmihcha he keyu, micha nitak hʋsh apestikela he keyu hoke.

Lefitikʋs 7:26

Micha hʋsh aiasha ya̱ kanima kia hushi okma keyukmʋt nampoa issish nana kia hʋshpa he keyu hoke.

Apostel isht Anumpa 15:20

Amba na holba toba puta isht ai okpulo, micha ohoyo himita itin luma̱ka, mikmʋt nana kʋt nuksitʋt illi puta, micha issish aiena ka ik ahalaio ka chi̱ kak o̱ pit iloh i̱ holissochashke.

Tutelonomi 12:15

Yohmi kia nana ho̱ chi chu̱kʋsh ʋt bʋnnakmʋt, chi̱ holihta okhissa anu̱kaka moma ka̱, chin Chitokaka Chihowah yʋt nan isht yukpali chima tuk mak o̱, ai ʋbit nipi ish pashke: ik kashofo micha kashofa aiena kʋt issi holba nakni, micha issi nakni chohmi ka̱ ai ʋpa hinla hoke.

Tutelonomi 12:16

Peh issish ano hʋsh pa he keyu, oka chohmichit, aka hʋsh hlatʋbla hi oke.

Tutelonomi 12:23

Peh issish ano chikpo pullashke; issish ak osh isht okcha̱ya yoke; isht ai okcha̱ya ya̱ nipi aieninchit ish pa he keyu hoke.

Tutelonomi 12:24

Ish pa he keyu; oka chohmichit aka ish hlatʋbla hi oke.

1 Samuel 14:32

Mihma okla hʋt na wehpoa o̱ yihlepʋt chukfʋlhpoa, micha wak, micha wak ushi aiena ka ishi cha, yʋmmak inli ka ʋbit aka bohli tok: mihma okla hʋt issish a̱ aieninchit ʋpa tok.

1 Samuel 14:33

Yohmi ma Sal a̱ im anolit, Yakeh! okla hʋt issish a̱ aieninchit ʋpa hosh Chihowa ya̱ i̱ yoshubʋshke, achi tok. Mihma, Hʋch ik aia̱hloshke; himak nitak a̱ tʋli chito tonolichit ishit hʋs sʋm ʋlashke, achi tok.