Tutelonomi 15:19 - Chahta Holisso Holitopa 1886

¹⁹ Chi̱ nan ʋlhpoa hochito, micha chi̱ nan ʋlhpoa chipunta aiena ka̱ ʋttahpi nakni puta ka̱ chin Chitokaka Chihowah ya̱ ish i̱ hullocha hi oke: ʋttahpi chi̱ wak hobʋk a̱ isht ish toksʋla he keyu, micha chin chukfi ʋlhpoa ʋttahpi hishi ya̱ ish ma he keyu hoke.

Tutelonomi 15:19 Iomraidhean Croise

Eksotʋs 13:12

Ʋttahpi puta im oshʋtto tiwi moma ka̱ Chihowah ish i̱ hullocha hi oke, mikma nanʋlhpoa chim asha puta ka̱ ʋttahpi moma nakni puta kʋt Chihowah immi ha hi oke.

Eksotʋs 13:2

Islael im ʋlla ʋhleha nana hosh hatak okmá, nanʋlhpoa yokmá, nana im oshʋtto ya̱ tiwi ka̱ is sa̱ hullochashke, ʋmmi hoke, achi tok.

Eksotʋs 22:29

Chi̱ na waya ʋmmona ya̱ chim oka pa̱ki, micha alif bila aiena ka̱ is sʋm issa kʋt chik achibalo kashke; chiso ʋttahpi ya̱ is sʋma hi oke.

Eksotʋs 22:30

Chi̱ wak a̱, micha chin chukfi ya̱ yʋmmak inli ish chohmicha hi oke, Nitak untuklo ho̱ ishki ya̱ awant a̱ya hi oke; nitak ont isht untuchinakma is sʋma hi oke.

Eksotʋs 34:19

Im oshʋtto tiwi moma kʋt ʋmmi hoke; micha chi̱ nanʋlhpoa moma tikba ʋtta kʋt wak okma, chukfi hokma nana kia, nakni okmʋt ʋmmi hoke,

Lefitikʋs 27:26

Ʋlhpoa ushi ʋttahpi ak illa hosh yʋmmʋto Chihowah im ʋttahpi ya hi ʋlhpisa hoke, hatak nana hosh hullocha he keyu hoke, wak hobʋk okmá, chukfi nana kia, Chihowah immi hoke.

Numbas 18:15

Nana moma nipi puta ai achʋfa hosh ushʋto ya̱ tiwi na Chihowah ya̱ isht im ʋla puta, hatak okmá, nana ʋlhpoba yokmá nana kia chimmi ha chi̱ hoke: Yohmi kia hatak osh ʋtta ʋmmona yokʋno falʋmminchit ish chumpa pulla chi̱ hoke; micha nan ʋlhpoa ik kashofo ʋtta ʋmmona aiena kʋno falʋmminchit ish chumpa hi oke.

Numbas 18:17

Amba wak chelahpi, keyukmʋt chukfi chelahpi keyukmʋt issi kosoma chelahpi aiena hokʋno, falʋmminchit ish chumpa he keyu hoke, holitopa hoka, im issish a̱ alta ya̱ ish o̱ fimmi cha, Chihowah i̱ balama ya chi̱ ho̱, luak ishit hukmit im issa yo̱ i̱ nia ya̱ luak isht ish hukmashke.

Numbas 3:13

Ʋttahpi moma kʋt ʋmmi hokʋt; Echip yakni ya̱ ʋttahpi moma ka̱ ʋbit tahli li tok nitak mʋt Islael a̱ hatak, micha nanʋlhpoa aiena ʋttahpi puta ka̱ hullochit il ai ishi il tok okʋt; ʋmmi ha chi̱ hoke. Chihowah sia hoke, achi tok.

Loman 8:29

Yʋmohmi ka tikbanli ithaiyana tok okʋto ilap Ushi yak o̱ hoyulba he mak o̱ tikbanli atokohonli mak inli tok; yohmi ho̱ yʋmmak ash ot itibapishi laua ka ti̱kba ʋttahpi ha hi atok.

Tutelonomi 12:11

Yʋmohmikma hʋchin Chitokaka Chihowah yʋt yʋmmak o̱ i̱ hohchifo aiahanta chi̱ ka̱ atokola chi̱ hoke; yʋmmak o̱ nana moma chim ahanchi li tuk mak o̱, na hukmit ishit hʋsh aiokpʋchi, micha nan ʋbit isht hʋsh aiokpʋchi, ishit hʋchi̱ pokoli, micha i̱ walit isht aiokpʋchi hʋchibbak foyuka aiena, micha achukma i̱ shahli moma, anumpa il onochit Chihowah ya̱ hʋsh im ilonochi tuk a puta aiena ka̱ isht hʋsh la hi oke,

Tutelonomi 12:17

Chim onush isht pokoli, micha chim oka pa̱ki ishit pokoli, micha chi̱ bila ishit pokoli, micha chi̱ nan ʋlhpoa hochito ʋttahpi, micha chi̱ nanʋlhpoa chipunta ʋttahpi, micha anumpa ilonochi ish ilonochi tok, micha ilap ahnit nan im issa, keyukmʋt pit i̱ walit im issa chibbak foyuka aiena ka̱ chi̱ holihta okhissa anu̱kaka ya̱ ish aiʋpa he keyu hoke.

Tutelonomi 14:23

Kanima ho̱ hohchifo a bohla chi̱ hosh atokolikma, yʋmmak o̱ chim onush, micha chim oka‐pa̱ki, micha chi̱ bila ishit pokoli, micha chi̱ nan ʋlhpoa hochito, micha chi̱ nan ʋlhpoa chipunta ushi ʋtta ahpi puta aiena ka̱ chin Chitokaka Chihowah itikba ya̱ ish ai ʋpashke; yʋmohmi hosh chin Chitokaka Chihowah ya̱ i̱ nukwia bilia ka̱ ish ithanashke.

Tutelonomi 15:18

Pilla ho̱ ik ia, ish im ahnikmʋt chi̱ kʋllo, ahoba he keyu; afʋmmi hannali ho̱ chin toksʋli kʋt, ilhtono tishu ha̱ inlohmi tuklo ka̱ holitopa tuk ʋt chim iti laui tuk oke: micha chin Chitokaka Chihowah yʋt nana moma ka̱ ish yʋmihchikma, chi yukpala hi oke.

Tutelonomi 16:11

Micha chin Chitokaka Chihowah itikba ya̱, chishno micha chiso, micha chiso tek, micha chin tishu hatak, micha chin tishu ohoyo, micha Lefait ʋt chi̱ holihta okhissa anu̱ka aiasha, micha okla inla, micha i̱ki iksho, micha ohoyo ʋlhtakla hʋch iti̱n takla aiasha aiena kʋt, kanima ho̱ chin Chitokaka Chihowah yʋt hohchifo a bohla chi̱ hosh ai atokoli tukma, yʋmma a yukpʋt ish aiashashke.

Tutelonomi 16:14

Micha chim impʋchi ya̱ nan isht chi yukpashke, chishno, micha chiso, micha chiso tek, micha chin tishu hatak, micha chin tishu ohoyo, micha Lefait, micha okla inla, micha i̱ki iksho, micha ohoyo ʋlhtakla chi̱ holihta okhissa anu̱ka aiasha aiena kʋt na yukpashke:

Heblu 12:23

Micha ʋttahpi im iksa hohchifo hʋt ʋba a holitopa yak o̱ a holihi̱so, micha Chihowa moyuma ka nan im apesa, micha hatak ʋlhpiesa puta imi shilombish ʋt ai a̱hli toba tok,