Tutelonomi 15:11 - Chahta Holisso Holitopa 1886

¹¹ Yakni yash ilbʋsha yʋt ik ai iksho ka he keyu hoke: yʋmohmi kak o̱ chitibapishi ha̱ ilbʋsha ya̱, micha nana ik im iksho yakni yash chim ai asha ka̱ chibbak a̱ auatʋchit ish i̱ wakʋmma hi oke, chim achi lishke.

Tutelonomi 15:11 Iomraidhean Croise

Eksotʋs 23:11

Amba afʋmmi ont ishtuntuklo hokʋno, fohʋt lumʋt itoyulashke; yʋmohmi ho̱ chim okla ilbʋsha yʋt ai ʋpashke; atuk o̱ ashanchi na, nampoa oktak aiasha ak osh ʋpashke. Pa̱kʋpi chim ahollokchi, micha alif chim ahollokchi aiena yʋmmak inli ish chohmichashke.

Mahlu 26:11

Ilbʋsha yokʋto hʋchim a̱sha bilia cha tuk: amba ʋno yokʋto hʋch ibatakla li̱ bilia keyushke.

Mahlu 5:42

Nana chim asilhhakma, ish imashke: mikmʋt chim a pota bʋnna hoka, chik i̱ shanaiyo kashke.

Mark i̱ Holisso 14:7

Yohmi hoka ilbʋsha yak okʋto hʋchim a̱sha bilia chatuk: yohmi hokʋt yʋmmak okʋno peh nitak kaniohmi ho̱ hʋchishno hʋsh ahnikmʋt, nana achukma ka hʋsh i̱ yʋmihcha hinla hoke; amba ʋno ʋto hʋchi takla anta li̱ bilia keyushke.

ʋBanumpa Luk Ʋt Holissochi Tok 12:33

Na hʋchim a̱sha kʋt hʋsh kanchi cha, ilbʋsha ya̱ hʋsh habenʋchashke: tʋli holisso i̱ shukcha yʋmmak okʋt nitak nana ont a sipokna he keyu, na‐holitompa nitak nana taiyaha he keyu ʋt ʋba itonla; hu̱kopa nana hosh ai̱ i̱ bilincha he keyu, mikma shu̱shi mʋt okpʋna he keyu, yak o̱ isht hʋsh il atahlashke.

Chan 12:8

Ilbʋsha yak okʋto hʋchim a̱sha na bilia chatuk; amba ʋno ak okʋto hʋchim anta li̱ a bilia he keyushke.

Apostel isht Anumpa 2:45

Micha im osapa puta, ʋlhpoyak aiena kash okla kampela cha, hatak mominchit hatak ʋt nana ho̱ bʋnna hatuk aiyuka ka, i̱ hopela tok.

Tutelonomi 15:7

Chitibapishi ʋhleha aiachʋfa, hatak ʋt ilbʋsha hosh hʋch itin takla chi̱ holihta okhissa moma anu̱kaka chin Chitokaka Chihowah yʋt yakni chima tuk a̱ ahantakma, chi chu̱kʋsh a̱ ish i̱ kʋllocha he keyu, micha chitibapishi ilbʋsha ya̱ chibbak a̱ ish i̱ pohloma he keyu hoke.

Tutelonomi 15:8

Amba chibbak a̱ auatʋchi hosh ish i̱ wakʋmmi cha, nana bʋnna tuk yʋmma kaniohmi bʋnna ka̱ laua kʋt im ʋlhpesa ho̱ ish im pota hi oke.