Tutelonomi 14:26 - Chahta Holisso Holitopa 1886

²⁶ Micha chimi shilombish ʋt nana ho̱ bʋnnakmʋt, wak okma keyukmʋt chukfi, keyukmʋt okapaki, keyukmʋt nan ishko kʋllo, keyukmʋt chimi shilombish ʋt nana ho̱ bʋnnakmʋt, yʋmmak o̱ Chihowah chin Chitokaka itikba ya̱ chishno micha chin chuka achʋfa aiena kʋt na yukpʋt impʋt hʋsh ma̱ha̱ya hi oke.

Tutelonomi 14:26 Iomraidhean Croise

Atʋloa 106:14

Amba yakni hayaka ya̱ a pushkʋnoh fehna cha, chukushmi ya̱ Chitokaka ai imomaka pisa tok.

Mahlu 21:12

Yohmi ma Chisʋs ʋt iʋt Chihowa in tempel a̱ ont chukowa mʋt, tempel anu̱kaka ya̱ nana a kanchi, micha a chumpa aiena ma̱ya tuk ash mominchit kocha pit tihleli mʋt, ai impa tʋli holisso ai itatoba puta, mikmʋt pʋchi ʋlhpoba akanchi abinohli aiena kash halʋllit filemohlit kinahlichi tok.

Mark i̱ Holisso 11:15

Atuk osh Chelusalem a̱ okla ai ʋla tok: mihma Chisʋs ʋt tempel a pit chukowa mʋt, tempel anu̱kaka ya̱ nana a kanchi, micha a chumpa aienʋt ma̱ya tuk ash kocha pit yuhli mʋt, anonti tʋli holisso a bohlit itatoba ai‐impa, micha pʋchi ʋlhpoba kanchi ʋhleha im ai om‐binili aiena tuk ash halʋllit filemohlit kinahlichi tok.

1 Kolinhlian 10:6

Yohmi ka nana yakohmi kʋt nan isht a pim ʋlbʋcha hi atuk; yʋmohmi hokʋt okla nan anushkunna tok ak inli ho̱ chokmit nan ik ʋlhpeso puta ka kil anushkunno ka he atuk oke.

Tutelonomi 12:12

Mikmʋt hʋchishno, micha hʋchiso ʋhleha, micha hʋchiso tek ʋhleha, micha hʋchin tishu hatak ʋhleha, micha hʋchin tishu ohoyo ʋhleha, micha Lefait ʋhleha hʋchi̱ holihta okhissa anu̱kaka hikia aiena kʋt, i̱ kashapa micha aiisha he ʋlhpesa ʋt hʋchim ai iti takla ya̱ ik im iksho hoka; awant hʋchin Chitokaka Chihowah itikba ya̱ na hʋchi yukpashke.

Tutelonomi 12:15

Yohmi kia nana ho̱ chi chu̱kʋsh ʋt bʋnnakmʋt, chi̱ holihta okhissa anu̱kaka moma ka̱, chin Chitokaka Chihowah yʋt nan isht yukpali chima tuk mak o̱, ai ʋbit nipi ish pashke: ik kashofo micha kashofa aiena kʋt issi holba nakni, micha issi nakni chohmi ka̱ ai ʋpa hinla hoke.

Tutelonomi 12:18

Amba chin Chitokaka Chihowah ak osh kanima ho̱ ai atokolikma, chishno, micha chiso, micha chiso tek, micha chin tishu hatak, micha chin tishu ohoyo, micha Lefait chi̱ holihta okhissa anu̱kaka ahanta aiena kʋt, chin Chitokaka Chihowah itikba ish ai impa hi oke; micha nana ho̱ chibbak isht ish ishi moma chin Chitokaka Chihowah itikba na, chi yukpashke.

Tutelonomi 12:7

Micha yʋmmak o̱ hʋchin Chitokaka Chihowah itikba ya̱ hʋsh ai impa hi oke; hʋchishno, micha hʋchin chuka achʋfa hʋsh aiena kʋt nana moma ka̱ hʋchibbak onochit ishit hʋsh ahanta na, Chihowah yʋt hʋchi yukpali tuk a̱ hʋchi yukpashke.

Tutelonomi 14:25

Yohmikmʋt tʋli holisso isht ish itatoba cha, tʋli holisso yash takchit, chibbak ish foyuki cha, chin Chitokaka Chihowah yʋt ai atokoli tuk a̱ ish ona hi oke.

Tutelonomi 26:11

Micha nana achukma puta chin Chitokaka Chihowah yʋt chima tok a̱ micha chin chuka achʋfa, chishno, micha Lefait, micha okla ik ithano chi takla aiasha ka̱ ima tuk a̱ isht ish aiyukpashke,