Tutelonomi 14:25 - Chahta Holisso Holitopa 1886

²⁵ Yohmikmʋt tʋli holisso isht ish itatoba cha, tʋli holisso yash takchit, chibbak ish foyuki cha, chin Chitokaka Chihowah yʋt ai atokoli tuk a̱ ish ona hi oke.

Tutelonomi 14:25 Iomraidhean Croise

Mark i̱ Holisso 11:15

Atuk osh Chelusalem a̱ okla ai ʋla tok: mihma Chisʋs ʋt tempel a pit chukowa mʋt, tempel anu̱kaka ya̱ nana a kanchi, micha a chumpa aienʋt ma̱ya tuk ash kocha pit yuhli mʋt, anonti tʋli holisso a bohlit itatoba ai‐impa, micha pʋchi ʋlhpoba kanchi ʋhleha im ai om‐binili aiena tuk ash halʋllit filemohlit kinahlichi tok.

ʋBanumpa Luk Ʋt Holissochi Tok 19:45

Mihma tempel a̱ ont chukowa cha, anu̱kaka yʋmma nana a kanchi, micha nana a chumpa aiena ma̱ya tuk ash kocha pit yuhli mʋt,

Tutelonomi 14:24

Atuk o̱ hina ʋt chi̱ falaia fehna cha, isht ish ia he keyukmʋt, micha chin Chitokaka Chihowah yʋt hohchifo ha̱ yʋmmak o̱ a bohla chi̱ hosh atokoli tuk ʋt chi̱ hopaki fehnakmʋt, chin Chitokaka Chihowah yʋt na chi yukpa li mʋt;

Tutelonomi 14:26

Micha chimi shilombish ʋt nana ho̱ bʋnnakmʋt, wak okma keyukmʋt chukfi, keyukmʋt okapaki, keyukmʋt nan ishko kʋllo, keyukmʋt chimi shilombish ʋt nana ho̱ bʋnnakmʋt, yʋmmak o̱ Chihowah chin Chitokaka itikba ya̱ chishno micha chin chuka achʋfa aiena kʋt na yukpʋt impʋt hʋsh ma̱ha̱ya hi oke.