Tutelonomi 14:1 - Chahta Holisso Holitopa 1886

¹ Hʋchin Chitokaka Chihowah im ʋlla hʋchia hoke; illi pulla kak o̱ hʋsh ile bʋshla he keyu, micha hʋchi nishkin iti takla ya̱ hʋsh yushmilalicha he keyu hoke.

Tutelonomi 14:1 Iomraidhean Croise

Genesis 6:2

Chitokaka ushi ʋhleha hʋt hatak ushetik ʋhleha hʋt aiokli ho̱ pisa tok: mihmʋt aiahni tuk aiyukali kʋt ishi cha, itauwaya tok.

Genesis 6:4

Nitak yʋmma foka ka̱ hatak hofaloha yʋt yakni paknaka ya̱ aiasha tok; atuk o̱ i̱ himmak ak kia Chitokaka ushi ʋhleha hʋt hatak ushetik ʋhleha ha̱ itauwayʋt ma̱ya na, ʋlla ya̱ okla im eshi tok o̱, yʋmmak ash osh hatak hlampko chilita cha cha̱shpo ka̱ annoho̱wa fehna tok.

1 Mi̱ko 18:28

Mihma chitoli hosh pa̱ha̱ya mʋt, a yʋmihchi chatuk osh, bʋshpo, micha tʋli halupa isht ile bʋshli na, issish ʋt mitafʋt o̱ yanahanli tok.

Lefitikʋs 21:5

Noshkobo ha̱ yushmilali ikba he keyu, micha nutakhish chukbika ya̱ sha̱fa he keyu, micha nipi ya̱ ile bʋshla he keyu hoke.

Chan 1:12

Amba laua kaniohmi hosh ahninchit, ilapo hohchifo ha̱ i̱ yimmi hokʋno, Chihowa ushi ʋhleha toba chi̱ mak o̱ isht ai ʋlhpesa ka ima tok;

Chan 11:52

Yohmi kʋt okla yʋmmak bana hi o̱ keyu; amba Chihowa im ʋlla ʋhleha kanima ai it afimimpʋt a̱sha tuk aiena ma hoyot a miha chʋfa ho̱ ai itahoba he ak o̱, tikbanli anoli ha tok.

Loman 8:16

Shilombish Holitopa ak inli hosh pimi shilombish a̱ nan isht atokowa it ibai anohonli kʋt, Chihowa im ʋlla ʋhleha pia ka anolishke,

Loman 9:26

Yohmi ka, Ʋm okla hʋchia keyu ai im ahanchi tok ash inli, yʋmmak o̱ Chihowa okcha̱ya im ʋlla ʋhleha a hohchihi̱fa he mak oke.

Loman 9:4

Yʋmmak osh Islael isht atiaka ʋhleha hoke: yʋmmak o̱ ushi isht a toba, micha Chihowa yʋt holitopa fehnʋt im otaiyani, micha nan it im ʋlhpisa puta, micha ʋba nan ʋlhpisa in tonla, micha Chihowa isht aiokpʋchi, micha ai okcha̱yʋt bilia puta im issa tok aiena kʋt immi hoke:

Loman 9:8

Yohmi kʋt haknip imma im ʋlla ʋhleha hokʋto, Chihowa im ʋlla ʋhleha keyu hoke: amba im issa tok ʋlla ʋhleha hak osh isht ai unchululi mak osh toba ho̱ mak a chi̱ hoke.

2 Kolinhlian 6:18

Yohmikmʋt hʋch I̱ki toba likma, anonti hʋchishno ʋt sʋso ʋhleha, sʋsotek ʋhleha hʋsh toba hi oke, Chihowa nana moma i̱ shahli hʋt achishke.

Kaleshan 3:26

Klaist Chisʋs a̱ i̱ yimmi pulla hosh hʋsh moma kʋt Chihowa im ʋlla hʋchia hokʋt.

Tutelonomi 13:18

Chin Chitokaka Chihowah im anumpa ha̱ ish haponaklo cha, im anumpa moma ka̱ himak nitak a̱ chi̱ miha li ka̱ ieshit chin Chitokaka Chihowah itikba ya̱, aiʋlhpiesa kak o̱ ish yʋmihchikma, chi apaknʋchashke, achi tok.

Tutelonomi 32:6

Okla im anukfila iksho, micha ik hopoyukso ma; yʋmohmi hosh Chihowah ya̱ hʋsh im atobbi cho? chi̱ki yosh chi chumpa tuk keyu cho? chikbi cha kʋllochit chi hilechi tuk keyu cho?

1 Hlessalonian 4:13

Yohmi kia itibapishi li ʋhleha ma! nusi ʋhleha ak okʋno hʋch ik im ithano ka he ahni li keyu, inla yʋt nana ai okcha̱ya pisa he ik ahno yo̱, chohmit ik hʋchi nukha̱klo ka he ak oke.

Heblu 2:10

Yʋmmak pulla hosh nan oklu̱ha ka ihi̱kbi tok, mih fehna kash inli atuk pulla mak o̱ nan oklu̱ha kʋt toba tok, yʋmmʋt yʋmihcha he im ai ʋlhpiesa hosh ushi ʋhleha laua ka isht a holitopa ka pehlichit isht oho̱na kʋt, yʋmmak ash isht ai okcha̱ya i̱ kʋpitʋni hʋt nan isht ilbʋsha puta ka pihi̱sa hosh isht ai a̱hla hi a̱ im apihi̱sa tok oka.

1 Chan 3:10

Ilʋppak o̱ Chihowa im ʋlla ʋhleha, mikmʋt Setan im ʋlla ʋhleha aiena kʋt isht ai otʋni hoke: kʋna hosh nan ai ʋlhpiesa ya̱ a yʋmohmi keyu, mikmʋt itibapishi ha̱ ik i̱ hullo aiena kʋt, Chihowa ak o̱ ai ibai achʋfa ho̱ keyu hoke.

1 Chan 5:2

Chihowa ya̱ il i̱ hullo, micha im anumpa ʋlhpisa aiena ka e holitobli hokmʋt, ilʋppak o̱ Chihowa im ʋlla ʋhleha ha̱ il i̱ hullo kʋt isht il akostininchi hoke.