Tutelonomi 13:8 - Chahta Holisso Holitopa 1886

⁸ Ʋlhpesa, chik im ahno kashke, micha chik i̱ haponaklo kashke: micha chi nishkin ʋt ik i̱ nukha̱klo kashke, ish apoacha he keyu, micha ish luhma he keyu hoke.

Tutelonomi 13:8 Iomraidhean Croise

Eksotʋs 20:3

Naholbat toba inla yʋt sa tikba chim aiasha he keyu hoke.

Tutelonomi 13:7

Yʋmmʋt okla hʋchi apakfopʋt aiasha, hʋchi̱ bili̱ka hokmá, keyukmʋt hʋchi̱ hopaki hokmá, yakni ataha ka̱ in tʋnnʋp ʋttʋt ia hosh in tʋnnʋp ont ʋhli ka̱ aiasha ka̱ i̱ na naholbʋt toba kiloh aiokpʋchi, achikma,

Tutelonomi 19:13

Chi nishkin ʋt ik i̱ nukha̱klo kashke; amba nan okpʋni keyu issish hlatʋbli ya̱ Islael a̱ ai ishit ish kanchashke, yʋmohmi ho̱ aiʋlhpesʋt chi̱ ma̱ha̱yashke.

Tutelonomi 28:64

Micha Chihowah yʋt okla moma ka̱ aiyokomʋt, yakni a taha ka achʋfa ʋttʋt ia hosh, in tʋnnʋp ont ʋhli chi fimma hi oke; micha yʋmmak o̱ naholbʋt toba inla chishno, micha chi̱ki ʋhleha aiena kʋt ish ithana tuk keyu, iti, micha tʋli aiena yo̱ ish im antia hi oke.

Tutelonomi 32:17

Shilombish okpulo ak o̱ nan ʋbit isht aiokpʋchi tok, Chihowah ak a tok keyu; naholbʋt toba ithana ya tuk keyu, naholbʋt toba himona, himona yosh hikia tuk hʋchi̱ki ʋhleha hʋt i̱ nukshopa tok keyu ya tuk oke.

Tutelonomi 7:16

Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.

Tutelonomi 7:2

Micha chin Chitokaka Chihowah yʋt chi tikba ya̱ chibbak fohkikma, issot ish kanchi, mosholichit ish kanchit ish ʋmohmichashke, nan ish itim apesa he keyu, micha ish i̱ nukha̱kla he keyu hoke;

1 Chan 5:21

Ʋlla chipunta ma! na holbʋt toba ya̱ hʋch ik ai ahalaio kashke. Amen.

Nan Apesa 10:6

Mihma Islael im ʋlla ʋhleha hʋt Chihowa itikba ya̱ nana ik achukmo ka yʋmohmit Baalim, micha Ashtalolh, micha Silia i̱ naholbʋt toba puta, micha Siton i̱ naholbʋt toba puta, micha Moab i̱ naholbʋt toba puta, micha Ammon in chipota i̱ naholbʋt toba puta, micha Filistin ʋhleha i̱ naholbʋt toba puta aiena kak o̱ aiokpʋchi cha, Chihowa ya̱ issa cha, ik im antio tok.