Tutelonomi 13:6 - Chahta Holisso Holitopa 1886

⁶ Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Tutelonomi 13:6 Iomraidhean Croise

Genesis 16:5

Mihma Salai ʋt Eblam a̱, Nana ik sʋm achukmo kʋt chishno ak atuk pulla kak o̱ yʋmohmishke: an tishu ohoyo hatuk a̱ chi shakba fohki li tuk oke: atuk o̱ chakali kʋt il akostininchi mʋt, sa kanimanchishke; Chihowah yʋt ʋno, micha chishno pim itin takla nana ai apesashke, im achi tok.

2 Samuel 1:26

Itibapishi li Chonahlan ma! chisht sʋlbʋshʋshke: is sʋm achukma fehna tuk oke: is sa̱ hullo kʋt atampa fehna kʋt, ohoyo na heh ahni ka i̱ shahli tuk oke.

1 Mi̱ko 18:40

Mihma Elichah ʋt, Baal i̱ hopaii ʋhleha ha̱ hʋsh ishashke: achʋfa kia ik hlakofo kashke, im achi tok. Mihma okla ishi tok: mihma Elichah ʋt bokushi Kishon a̱ isht ona cha, yʋmmak o̱ ai ʋbi tok.

2 Mi̱ko 11:18

Mihma yakni ya̱ okla moma kʋt Baal im aboha ona cha, kinʋffi tok; micha im alta puta, micha i̱ naholbʋt toba puta aiena ka boshulliehit tahli mʋt, Baal naholitompa isht im ʋtta Mattan a̱ alta puta itikba ya̱ ai ʋbi tok: mihma naholitompa isht ʋtta yash osh Chihowa in chuka ya̱ apesʋchi puta ka atokoli tok.

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Eksotʋs 32:27

Mihma Chihowah Islael in Chitokaka ʋt yak achishke, Hatak moma kʋt hʋchi̱ bʋshpo falaia ya̱ hʋsh ilapakshʋnni cha, binah okhissa puta chukowʋt kohchʋt hlopullit hatak moma kʋt hʋchitibapishi ha̱, micha hatak moma kʋt ai itapiha ya̱, micha hatak moma kʋt in chuka a bili̱ka ya̱ hʋsh bashke, achishke, achi tok.

2 Kolinhlian 5:16

Yohmi ka himak a pilla ka haknip imma hatak nana kia il ithaiyana chi̱ keyu: a̱hli, yohmi kia haknip imma Klaist okʋno il ithaiyana tok: yohmi tok kia himak a pilla kʋno yʋmmak ash il ithaiyana chi̱ keyu mak oke.

Kaleshan 2:4

Yohmi ka yʋmmʋt itibapishi ik a̱hlo takla iba chukowa kʋt, Klaist Chisʋs puyulla ho̱ a yuka keyut il aha̱shwa ka pim akostinincha chi̱ hosh lumʋt piba chukowa tok; yohmi kʋt falaminchit pi yukacha chi̱ hatok; yohmi tuk kia ik yohmo ki tok oke.

Efeshan 4:14

Yʋmohmi hosh himak a pilla ma ʋlla pia keyu hosh, oka piakʋchi ka chohmit, anumpa il aiyukali mahli chohmi hatak ʋt nan isht i̱ kostini o̱ isht haksicha chi̱ kʋt, isht im aiihinchi ka ibafohkʋt ke fullokahancho kashke.

Tutelonomi 11:32

Mikmʋt nan ʋlhpisa bilia moma, micha ai ʋlhpiesa yʋmihinchi himak nitak a̱ hʋchi tikba ya̱ takalichi ka̱ ithaiyanʋt hʋsh yʋmihchashke.

Tutelonomi 13:2

Atuk o̱ nan isht atokowa, keyukmʋt na fehna ishit chim anumpuli tuk ʋt ont aia̱hlikma, yʋmmak oka ish ithana chatuk keyu ka̱, Naholbʋt toba inla iakaiyʋt iloh iashke, micha iloh im antiashke, achikma,

Tutelonomi 13:7

Yʋmmʋt okla hʋchi apakfopʋt aiasha, hʋchi̱ bili̱ka hokmá, keyukmʋt hʋchi̱ hopaki hokmá, yakni ataha ka̱ in tʋnnʋp ʋttʋt ia hosh in tʋnnʋp ont ʋhli ka̱ aiasha ka̱ i̱ na naholbʋt toba kiloh aiokpʋchi, achikma,

Tutelonomi 17:12

Mikma hatak kʋna hosh ilapunla cha, naholitompa isht ʋtta yʋt chin Chitokaka Chihowah itikba ya̱ hikiʋt, yʋmmak o̱ nan isht ai ahanta ka̱ ik i̱ haponaklo, keyukmʋt nan apesa yo̱ ik i̱ haponaklokmʋt, hatak yʋmmʋt illi pulla hi oke; micha Islael a̱ nan ik achukmo ya̱ ishit ish kancha hi oke.

Tutelonomi 18:20

Amba hopaii ʋt sa hohchifo pulla ho̱, yʋmma anumpula chi̱ im apesa li tuk keyu ho̱, Anumpule lih mihakmʋt, keyukmʋt, naholbʋt toba hohchifo pulla ho̱ anumpulikmʋt, hopaii yʋmma fehna kʋt illa hi oke.

Tutelonomi 19:19

Yohmikma itibapishi ha̱ nana yʋmihcha he im anukfila tuk a̱ ilap ak o̱ chohmit ish yʋmihcha hi oke: yohmi hosh a hʋch iti takla ya̱ nan ik achukmo ka̱ isht ish kancha hi oke.

Tutelonomi 21:21

Mikma in tʋmaha holihta hatak moma kʋt tʋli ishit boli na illa hi oke: yʋmohmi hosh ahʋchi iti takla nan ik achukmo ka̱ ishit ish kanchashke, mikma Islael moma kʋt haklokmʋt nukshopashke.

Tutelonomi 22:21

Yohmikma ohoyo himita yash i̱ki in chuka okhissa ya̱ isht onakma, in tʋmaha holihta yash hatak ʋhleha hʋt tʋli ishit boli na, illashke; i̱ki in chuka ya̱ haui tobʋt ahanta cha, Islael i̱ yakni ya̱ nana makali ya̱ yʋmihchi hokʋt: yʋmohmi hosh nan ik achukmo ka̱ hʋch itin takla ai ishit ish kanchashke.

Tutelonomi 24:7

Hatak osh itibapishi ʋhleha Islael im ʋlla ʋhleha aiachʋfa yo̱ hu̱kopʋt na kʋnia ikbi, keyukmʋt kanchi, yohmikmʋt hu̱kopa yʋmmʋt illashke, micha nana ik achukmo ka̱ a hʋch iti takla ya̱ ai ishit ish kanchashke.

Tutelonomi 28:54

Yʋmohmi ho̱ hatak ʋt ahah ahnit, ile holitobli hosh chi takla ahanta chatuk kia itibapishi ha̱, micha tekchi i̱ holitopa tuk a̱, micha im ʋlla ʋhleha atampa ashachi tuk ʋt i̱ holhponayo ik achukmot pisa hi oke.

Tutelonomi 29:18

Keyukma hʋch itin takla ya̱ hatak, keyukmʋt ohoyo, keyukmʋt chuka achʋfa, keyukmʋt apehlichi himak nitak a̱ pin Chitokaka Chihowah ya̱ chu̱kʋsh i̱ filʋmmi cha, oklushi ilʋppa puta i̱ naholbʋt toba puta ka̱ ona cha im antia yoba na, keyukma chu̱kʋsh homi cha, nan isht yuwala waya chi̱ kʋt, akshish hʋch itin takla ya̱ itoyula na,

Tutelonomi 8:14

Yʋmohmikmʋt chi chu̱kʋsh ilefehnʋchi cha, chin Chitokaka Chihowah yʋmmak osh Echip yakni akohchʋt aboha yuka ai ishit chi kohchi tuk, a̱ chim a haksa hi oke.

Koloshan 2:4

Micha hatak nana kia anumpa isht yimmichi isht hʋchi haksicha hinla kak o̱ ilʋppa achi lishke.

Choshua 7:13

Wakayʋt, okla ha̱ ish hullochashke; micha onna takla ka hʋsh ile hullochashke; Islael in Chitokaka Chihowa ʋt yakohmichit anumpulishke, Islael chia ma! nan i̱ hullochi atuk ʋt hʋch itintakla takalishke: yohmi hoka nan i̱ hullochi tuk ash ilʋppa ai ile kohchit hʋsh kanchi keyukmʋt, hʋchin tʋnʋp ʋhleha itikba ya̱ hʋsh hiela he keyushke, ish achashke.

2 Pita 2:1

Yohmi kia hopaii ai a̱hli keyu ʋhleha hʋt okla ai itin takla ya̱ ai asha ak inli beka tok a̱, anonti nan ithʋnanchi ai a̱hli keyu kʋt hʋch itin takla ai asha he ak inli; yʋmmak okʋt isht okpula he ai a̱hli isht anumpa keyu puta ka lumʋt isht hʋch iba chukowa mʋt, ilap a̱ chumpa tok, Chitokaka kanchi hosh isht ai okpulo ya̱ tu̱shpa fehnʋt isht il onocha hi oke.

Nan Otʋni 12:9

Mihma sinti chilita chinto, sinti sipokni, nan isht ahullo okpulo, micha Setan achi chatuk, yʋmmak osh yakni moma ka yoshubli chatuk mak o̱ yʋmma a kohchi tok, atuk o̱ aka pilla ho̱ yʋmmak ash ot pit itola tok; mihma im enchil ʋhleha hash ot apehʋt pit kaha tok.

Nan Otʋni 13:14

Yohmi hatuk osh yʋmmak ash ot nan im ai a̱hlit nampoa nukshopa itikba ya̱ na fehna puta ka a yʋmihchi kak osh yakni pakna ai asha puta ka yoshublihinchi mʋt; bʋshpo falaia isht baha tok kia, anonti okcha̱ya tok nampoa nukshopa yʋmma na‐holbachit okla im ikba chi̱ ka, yakni pakna ai asha ʋhleha ha̱ im ahanchi hoke.

Nan Otʋni 20:3

Mihmʋt yʋmmʋt himmakma oklushi puta ik yoshublo ho̱ afʋmmi tahlepa sipokni achʋfa he tuk ʋt ont ai a̱hli ha yo̱, misha pilla ho̱ chekosi itintakla ka i̱ hlitofa hi o̱, yʋmmak ash chiluk hofobi ont ai ʋhli iksho ash pit pilʋt im okshita mʋt, isht in chu̱wa on lapalichi tok.

Nan Apesa 10:6

Mihma Islael im ʋlla ʋhleha hʋt Chihowa itikba ya̱ nana ik achukmo ka yʋmohmit Baalim, micha Ashtalolh, micha Silia i̱ naholbʋt toba puta, micha Siton i̱ naholbʋt toba puta, micha Moab i̱ naholbʋt toba puta, micha Ammon in chipota i̱ naholbʋt toba puta, micha Filistin ʋhleha i̱ naholbʋt toba puta aiena kak o̱ aiokpʋchi cha, Chihowa ya̱ issa cha, ik im antio tok.

Nan Apesa 2:13

Mihmʋt Chihowa ya̱ issa cha, Baal, micha Ashtalolh ita tuklo kak o̱ iakaiya tok.

Nan Apesa 20:13

Yʋmohmi hoka himak a̱ hatak, Belial in chipota yʋmmʋt Kibeah a̱sha ka, pibbak hʋsh fohki na e bi cha, nana ik achukmo ya̱ Islael a̱ ai isht e kanchashke, achi tok. Yohmi kia Benchamin im ʋlla ʋhleha hʋt itibapishi ʋhleha Islael im ʋlla ʋhleha im anumpa ha̱ i̱ haponakla he keyu tok.

Nan Apesa 5:8

Naholbʋt toba himona ishi tok; yohmi ma holihta okhissa ya̱ tʋnʋp ʋt ai asha tok: telihpa yokmá, tʋbi tʋli halupa ontʋla nana kia Islael tahlepa sipokni pokoli ai ititakla ka itoyula na haiaka tok o̱?

1 Samuel 18:1

Atuk o̱ yakohmi tok, Sal a̱ im anumpuli tuk ʋt ont tahli ma, Chonahlan imi shilombish ʋt Lewi imi shilombish a̱ abonutʋt kʋnia tok; micha Chonahlan ʋt heh ahni kʋt ilap imi shilombish ak inli chiyuhmi tok.

1 Samuel 18:3

Mihma Chonahlan, micha Lewi itatuklo kʋt nana it im ʋlhpisa it im apesa tok, i̱ hullo kʋt ilap imi shilombish ak inli chiyuhmichi hatuk okʋt.

1 Samuel 20:17

Mihma Chonahlan ʋt i̱ hullo hatuk osh, anonti Lewi ya̱ anumpa kʋllo ya̱ il onochichi tok; ilap shilombish i̱ hullo kak inli kʋt i hullo hatuk okʋt.