Tutelonomi 13:5 - Chahta Holisso Holitopa 1886

⁵ Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 13:5 Iomraidhean Croise

1 Mi̱ko 13:19

Yohmi ho̱ falama cha, in chuka pʋska ont ai ʋpʋt, oka ai ishko tok.

1 Mi̱ko 18:40

Mihma Elichah ʋt, Baal i̱ hopaii ʋhleha ha̱ hʋsh ishashke: achʋfa kia ik hlakofo kashke, im achi tok. Mihma okla ishi tok: mihma Elichah ʋt bokushi Kishon a̱ isht ona cha, yʋmmak o̱ ai ʋbi tok.

Apostel isht Anumpa 13:8

Yohmi kia Ilimʋs hatak isht ahullo ash ot, hohchifo hʋt toshowakmʋt yʋmmak oka nahullo mi̱ko a̱ na yimmika ai i̱ filʋmmichi bʋnna kʋt yʋmmak ash im ataklʋmmi tok.

1 Kolinhlian 5:13

Amba kʋna hosh iksa ibafohka keyu hokʋno Chihowa yosh nan im apesa yoke. Yʋmohmi hoka hatak nan ashʋchi yʋmmak ash ai il i̱ filʋmmichit hʋsh kanchashke.

Tutelonomi 13:10

Tʋli o̱ isht ish boli na, illashke; chin Chitokaka Chihowah yʋmmak osh Echip yakni, micha aboha a yuka ha̱ apehlichit chi kohchi tok a̱ i̱ filʋmmichit chi tobli bʋnna tuk okʋt.

Tutelonomi 13:15

Tʋmaha holihta yash okla aiasha ka̱ bʋshpo falaia ishit fahamʋt, ishit kanchit hʋsh ʋmohmichi pullashke; micha anu̱kaka nana aiasha moma ka̱, micha nanʋlhpoba yʋmma aiasha ka̱ bʋshpo falaia isht hʋsh kanchashke.

Tutelonomi 13:9

Amba ish bi pulla hi oke: illichi ka̱ tikbanli hosh chishno ak osh chibbak a̱ ish onocha hi oke; mikma i̱ himmak a yo̱ okla moma kʋt ibbak onocha hi oke.

Tutelonomi 17:5

Yohmikma hatak, keyukmʋt ohoyo yʋmmʋt na yoshuba yʋmma yʋmihchi kash, hatak yʋmma, keyukmʋt ohoyo yʋmma pulla ka̱ chi̱ holihta okhissa ya̱ isht ish ona cha, tʋli ishit ish boli na, illa hi oke.

Tutelonomi 17:7

Ʋba chi̱ kʋt witnes puta ibbak ak osh ti̱kba onʋtola hi oke, i̱ himmak a yak o̱ okla moma ibbak ʋt onʋtola hi oke; Yʋmohmi hosh nana ik achukmo hʋch itin takla itoyula hash ishit hʋsh kancha hi oke.

Tutelonomi 18:20

Amba hopaii ʋt sa hohchifo pulla ho̱, yʋmma anumpula chi̱ im apesa li tuk keyu ho̱, Anumpule lih mihakmʋt, keyukmʋt, naholbʋt toba hohchifo pulla ho̱ anumpulikmʋt, hopaii yʋmma fehna kʋt illa hi oke.

Tutelonomi 19:19

Yohmikma itibapishi ha̱ nana yʋmihcha he im anukfila tuk a̱ ilap ak o̱ chohmit ish yʋmihcha hi oke: yohmi hosh a hʋch iti takla ya̱ nan ik achukmo ka̱ isht ish kancha hi oke.

Tutelonomi 22:21

Yohmikma ohoyo himita yash i̱ki in chuka okhissa ya̱ isht onakma, in tʋmaha holihta yash hatak ʋhleha hʋt tʋli ishit boli na, illashke; i̱ki in chuka ya̱ haui tobʋt ahanta cha, Islael i̱ yakni ya̱ nana makali ya̱ yʋmihchi hokʋt: yʋmohmi hosh nan ik achukmo ka̱ hʋch itin takla ai ishit ish kanchashke.

Tutelonomi 22:24

Yohmikma kohchit tʋmaha holihta, okhissa yʋmma ita tuklo ka̱ ishit hʋsh ona cha, tʋli ishit boli na, illashke; ohoyo hʋt tʋmaha holihta anta hok akosh ik pa̱yo tuk okʋt: mikma hatak ʋt in chuka a bili̱ka hatak tekchi ya̱ hofahyali hokʋt: yʋmohmi hosh nan ik achukmo ka̱ hʋch iti takla ya̱ ai ishit ish kanchashke.

Tutelonomi 24:7

Hatak osh itibapishi ʋhleha Islael im ʋlla ʋhleha aiachʋfa yo̱ hu̱kopʋt na kʋnia ikbi, keyukmʋt kanchi, yohmikmʋt hu̱kopa yʋmmʋt illashke, micha nana ik achukmo ka̱ a hʋch iti takla ya̱ ai ishit ish kanchashke.

Tutelonomi 26:14

Ya̱ya li moma kʋt ak po tuk oke; micha nana achʋfa kia na liteha isht ikbi li tuk keyu, micha nana achʋfa kia illi ya̱ ima li tuk keyu hoke; amba an Chitokaka Chihowah im anumpa ha̱ haiyaklo li mʋt, nana is sʋm apesa tuk moma ka̱ yʋmihchi li tuk oke.

Tutelonomi 4:19

Micha keyukmʋt, hʋchi nishkin a̱ shutik pilla aka chakalichi cha, hʋshi micha hʋshi ninak a̱ya, micha fochik puta, ʋba nana moma fehna ka̱ hʋsh pisakmʋt, yʋmmak oka chin Chitokaka Chihowah yʋt oklushi puta ʋba moma nuta ka̱ im ita kashʋbli tok a̱, yoshoba cha aiokpʋchit hʋsh im antia na.

Tutelonomi 6:13

Chin Chitokaka Chihowah ya̱ ish i̱ nukwia cha, ish im antiashke, micha yʋmma hochifot anumpa kʋllo il onochit ish anumpulashke.

Tutelonomi 7:4

Chiso hʋt si akaiya ya tuk a̱ fullolichi na, na holbʋt toba puta inla yak o̱ ai okpʋcha chi̱ hoke; yohmi ho̱ Chihowah im ai i̱ nukkilli ʋt chi̱ sanalit libbi cha, yakosi itin takla kia ishit chi kancha hi oke.

Choshua 23:8

Amba yʋmohmit mihinti himak nitak a̱ ant ʋhli hokʋt, Chihowa hʋchin Chitokaka yak o̱ hʋsh asitiashke.

Nan Otʋni 19:20

Yohmi ma nampoa nukshopa yash ot yuka tok; mihma hopaii ilahobi yash yʋmmʋt na fehna puta ka yʋmma itikba ai yʋmihinchi kʋt, yʋmmak o̱ yʋmihchi kak osh nampoa nukshopa isht in chu̱wa ieshi tuk ʋhleha, mikmʋt yʋmma holbʋt toba ya̱ kʋna hosh aiokpʋchi yatuk puta ka yoshuhumbli tok. Ilʋppak ash ot ita tu̱klot okcha̱ya na okhʋta hituk lakna isht ita luhu̱wa ka pit a kanchi tok.

Nan Apesa 20:13

Yʋmohmi hoka himak a̱ hatak, Belial in chipota yʋmmʋt Kibeah a̱sha ka, pibbak hʋsh fohki na e bi cha, nana ik achukmo ya̱ Islael a̱ ai isht e kanchashke, achi tok. Yohmi kia Benchamin im ʋlla ʋhleha hʋt itibapishi ʋhleha Islael im ʋlla ʋhleha im anumpa ha̱ i̱ haponakla he keyu tok.

1 Samuel 12:14

Chihowa ya̱ hʋsh holitobli cha, i̱ nutakʋt im anumpa ha̱ im antiʋt, Chihowa i̱ nan ʋlhpisa hʋch ik kobʋffo, yʋmohmikmʋt hʋchishno, micha mi̱ko hʋchi pehlichi aiena kʋt hʋchin Chitokaka Chihowa ya̱ iakaiyʋt hʋsh ma̱ha̱ya chi̱ hoke.