Tutelonomi 13:4 - Chahta Holisso Holitopa 1886

⁴ Hʋchin Chitokaka Chihowah ya̱ iakaiyʋt hʋsh itʋnowashke, micha i̱ nukwiʋt im anumpa ha̱ holitoblit, im anumpa ha̱ hʋsh im antiʋt, in toksa̱hanlit hʋsh asitiashke.

Tutelonomi 13:4 Iomraidhean Croise

2 Mi̱ko 23:3

Mihma mi̱ko ʋt ahikia paknaka ya̱ o̱ hikia cha, Chihowa ya̱ iakaiya he, micha im anumpa ʋlhpisa puta, micha nan isht im atokowa puta, micha nan ʋlhpisa puta aiena ka chu̱kʋsh aioklu̱ha, micha shilombish aioklu̱ha hosh holitobli cha, nan itim apesa ilʋppa im anumpa puta holisso ilʋppa takali tuk a̱ yʋmihincha he Chihowa itikba ya̱ nan itim apihi̱sa tok: mihma okla moma kʋt nan itim apesa ya̱ ʋlhpesa ahni tok.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

Loman 6:13

Hʋchi haknip moyuma ka ʋlhpesa ahnit, nan ik ai ʋlhpieso isht a yʋmohmi yo̱ chiyuhmit isht hʋsh ashʋchi ná; amba illi tok osh falamʋt okcha̱ya ho̱ chiyuhmit, Chihowa ya̱ hʋsh il im issashke; micha hʋchi haknip moyuma kʋt Chihowa yak o̱ nan isht ai ʋlhpiesa isht i̱ yʋmohmi mak o̱ hʋsh chiyumashke,

1 Kolinhlian 6:17

Amba kʋna hosh Chitokaka ak o̱ ibafokkakmʋt, shilombish achʋfa hoke.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 11:1

Yʋmohmi hoka chin Chitokaka Chihowah ya̱ ish holitobli cha̱, chi̱ miha tok a̱, micha i̱ nan ʋlhpisa bilia, micha im ai ʋlhpiesa yʋmihinchi, micha im anumpa aiena ka̱ ish ieshi na, biliashke.

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Tutelonomi 6:13

Chin Chitokaka Chihowah ya̱ ish i̱ nukwia cha, ish im antiashke, micha yʋmma hochifot anumpa kʋllo il onochit ish anumpulashke.

Tutelonomi 6:5

Yohmi ka̱ Chitokaka chin Chihowah ya̱ chi chu̱kʋsh a̱ mominchit, micha chi shilombish ma mominchit, micha chi kʋllo ya̱ mominchit ishit ish holitoblashke,

Koloshan 1:10

Micha nan toksʋli achukma puta ka isht ai ʋni, micha Chihowa nan isht im ithana ya̱ isht i̱ shahlit isht ia hosh, Chitokaka ya̱ ai im ʋlhpiesʋt nana moma ka isht yukpali cha;

2 Chan 1:6

Micha im anumpa ʋlhpisa yak o̱ ai iakaiyʋt il itʋnowa ilʋppak osh nan i̱ hullo mak oke. Ilʋppak osh anumpa ʋlhpisa mak oke; ʋmmona mak inli ho̱ hʋsh haha̱klo tok ʋt, yʋmmak o̱ hʋsh ai itʋnowa he tuk oke.

1 Samuel 7:3

Mihma Samuel ʋt Islael in chuka achʋfa moma ka im anumpulit, Hʋchi chu̱kʋsh isht ai oklu̱hʋchit Chihowa ya̱ falamʋt hʋsh im ona hokmʋt, oklushi inla i̱ na holbʋt toba, micha Ashtalolh aiena ka̱ hʋch ititakla ya̱ hʋsh a kanchi cha, hʋchi chu̱kʋsh a̱ Chihowa ya̱ hʋsh im atahli cha, yʋmmak bano ho̱ hʋsh aiokpʋchashke; mikma Filistin okla ibbak a̱ akohchit hʋchi hlakoficha chi̱ hoke, achi tok.