Tutelonomi 13:3 - Chahta Holisso Holitopa 1886

³ Hopaii yʋmma, micha na holhpokuna holhpokuna yʋmma im anumpa ha̱ ish haponakla he keyu; hʋchi chu̱kʋsh a̱ mominchit, micha hʋchimi shilombish ma mominchi hosh hʋchin Chitokaka Chihowah ya̱ ishit hʋsh holitoblikma, nanakma, isht akostinincha chi̱ hosh i̱moma ka̱ hʋchi pisa hoke.

Tutelonomi 13:3 Iomraidhean Croise

1 Mi̱ko 13:19

Yohmi ho̱ falama cha, in chuka pʋska ont ai ʋpʋt, oka ai ishko tok.

Atʋloa 119:2

Nan isht im ai ʋlhtukkoa putta ka̱ hulittobli, chu̱kʋsh ai oklu̱hʋt Chihowa ha̱ ho̱ho̱yo, nan ik ai ʋlhpeso ma̱ yohmi keyu, im ata̱ya puttah ʋpesa tok a̱ ai ittʋno̱ho̱wa yʋt na̱ yokpa yoke.

Atʋloa 66:10

Yohmi kʋt imomaka ish pi pesa tok; tʋli hʋta yʋt kʋshofa kak o̱ chomihchi hosh ish pi kashuffi tok oke.

Atʋloa 81:7

“Na̱ chi̱ pʋlʋmmi hosh ish pa̱ha̱yah ma̱, chi kohchi li tok; hilohah ai ʋlomaka ya̱ et a chim ʋnumpo̱ho̱li li tok; Melibah oka ya̱ imomaka a chi pi̱hi̱sa li tok oke. [Yukopa.

Eksotʋs 20:20

Mihma Moses ʋt okla ha̱, Hʋchi nukshopa ná, hʋchi tikba ya̱ Chitokaka im anukshopa yʋt takali na, ik hʋchi yoshobo ka chi̱ ho̱ imoma ka̱ hʋchi pesʋt ʋla hoke, im achi tok.

Mahlu 24:24

Klaist ilahobi ʋhleha, micha hopaii ilahobi ʋhleha aiena kʋt hiohlit nan isht atokowa chinto puta, mikmʋt na fehna puta aiena ka okla otʋnicha he; yʋmohmi cha, yʋmmʋt yohma hinlakma, nan ʋlhtoka, ʋhleha fehna atuk kia yoshublicha hi oke.

Apostel isht Anumpa 17:11

Yakohmi kʋto hochukma kʋt Hlessalonika ma̱ya ka i̱ shahli tok, im anukfila mominchit isht aiokpanchit anumpa ha̱ ishi hatuk osh, micha yʋmmʋt yohmi ho mʋhli ho̱ chishba, nitak moma Holisso Holitopa ya̱ a hoho̱yo tok.

1 Kolinhlian 11:19

Yohmi ka hʋch ik itibachʋfo kak o̱ pulla chi̱, yohmik mak o̱ kʋna hosh ai a̱hli hok mak osh hʋch itin takla ya̱ otaiyana hi oke.

2 Kolinhlian 8:8

Nan ʋlhpisa yo̱ isht anumpuli li keyu, amba inla tu̱shpʋt anukfohkʋt nan achunanchi yak oke; yohmi kʋt na hʋshi̱ hullo ai a̱hli kak o̱ otʋninchi la he ak atuk oke.

Efeshan 4:14

Yʋmohmi hosh himak a pilla ma ʋlla pia keyu hosh, oka piakʋchi ka chohmit, anumpa il aiyukali mahli chohmi hatak ʋt nan isht i̱ kostini o̱ isht haksicha chi̱ kʋt, isht im aiihinchi ka ibafohkʋt ke fullokahancho kashke.

Tutelonomi 6:5

Yohmi ka̱ Chitokaka chin Chihowah ya̱ chi chu̱kʋsh a̱ mominchit, micha chi shilombish ma mominchit, micha chi kʋllo ya̱ mominchit ishit ish holitoblashke,

Tutelonomi 8:16

Yʋmmak osh yakni haiaka ya̱ chi̱ki ʋhleha hʋt ithana tuk keyu ho̱ manna ya̱ chipeta kʋt, chi chu̱kʋsh a̱ akanlosechi, micha imoma ka̱ chi pesa cha, ont chim ishtaiopikma, chim achukmala chi̱ hosh yʋmihchi ma;

Tutelonomi 8:2

Mikmʋt chu̱kʋsh akanlosecha chi̱ hosh, micha im anumpa ha̱ ish iesha chi̱ hokmá, keyu hokmá, nana ka̱ chi chu̱kʋsh foyuka ka̱ akostinincha chi̱ hosh, imomaka chi pesʋt afʋmmi pokoli ushta ilʋppa yakni haiaka hina hlopulli moma ka̱ chin Chitokaka Chihowah yʋt chisht a̱ya tuk a̱ ish ithaiyanashke.

2 Hlessalonian 2:11

Mikma yakohmi kak o̱ Chihowa yʋt nan isht a yoshuba kʋllo kʋt ik onʋtula im ahni na na‐holabi kia i̱ yimma he:

1 Chan 2:19

Yʋmmak ash ot a pi̱ filʋmmit kocha wiha tok; yohmi kia yʋmmʋt a hʋpibai achʋfa tok o̱ keyu hoke; yʋmmʋt pishno ak o̱ a hʋpibai achʋfa tok okmʋt, a hʋpibai afo̱ka na bilia he tuk pulla chishke: amba yʋmmʋt moma kak osh a hʋpibai achʋfa ho̱ keyu hatuk ʋt otʋna chi̱ kak osh a hʋpi̱ filʋmmit kocha wiha tok oke.

1 Chan 4:1

Holitopa ʋhleha ma! hopaii ilahobi lauʋt yakni a̱ atiapa hatuk oka, shilombish a̱ u̱hʋlinchit hʋchi yimmi na; amba Chihowa yak o̱ a minti hokma, nana tukmá, shilombish puta kash imomakachit hʋsh pisashke.

1 Chan 4:4

Ʋlla chipunta ma! Chihowa ak o̱ immi hʋchia; yohmi hosh yʋmmak ash hʋsh imaiyachi tok; hʋchishno a̱ a hʋchi anukfoyuka kak osh yakni paknaka ya̱ anta kʋno i̱ shahli hatuk okʋt.

Nan Otʋni 13:14

Yohmi hatuk osh yʋmmak ash ot nan im ai a̱hlit nampoa nukshopa itikba ya̱ na fehna puta ka a yʋmihchi kak osh yakni pakna ai asha puta ka yoshublihinchi mʋt; bʋshpo falaia isht baha tok kia, anonti okcha̱ya tok nampoa nukshopa yʋmma na‐holbachit okla im ikba chi̱ ka, yakni pakna ai asha ʋhleha ha̱ im ahanchi hoke.

Nan Apesa 2:22

Micha yʋmmak o̱ Islael ʋt Chihowa i̱ hina ya̱ holitoblit a noho̱wa he i̱ki ʋhleha hʋt holitobli tok mak o̱ chohmikmá, keyukmá, nana ka isht imomaka pisa lashke, achi tok.

1 Samuel 26:19

Yʋmohmi ka himak a̱ a̱ shahli mi̱ko yʋt in tishu im anumpa ha̱ haklashke, chim asilhha lishke. Chihowa ak osh is sʋm asanala chi̱ ho̱ chi nukfohki hatuk okma, nan isht aiokpʋchi ya̱ aiokpʋchashke: amba hatak im ʋlla ʋhleha ak atuk okmʋt, Chihowa itikba ya̱ na palʋmmi kʋt onʋtolashke: Chihowa im ai isha he ʋlhpesa ya̱ ahanta la hetuk a̱ himak nitak a̱ kohchit sa chʋffichi cha, Iʋt okla inla i̱ naholbʋt toba puta yak o̱ im antiá, ʋm achi hokʋt.