Tutelonomi 13:17 - Chahta Holisso Holitopa 1886

¹⁷ Mikma nana achʋfa nana kia kʋllakshi yash osh chibbak a̱ foyuka he keyu hoke: yʋmohmi ho̱ Chihowah yʋt chi̱ki ʋhleha ha̱ anumpa kʋllo im il onochi tok mak osh, ai im i̱ nukkilli libbi ka̱ shʋnaiachi cha, chi̱ nukha̱klot heh chi ahni cha,

Tutelonomi 13:17 Iomraidhean Croise

Genesis 26:24

Atuk o̱ mih nitak akinli ka̱ Chihowah yʋt i̱ haiaka cha, Chi̱ki Eblaham a̱ in Chitokaka sia hoke: chi nukshopa ná, an tishu Eblaham ak atuk pulla kak o̱ chibafoyuka lish chi yukpalit chim ishtatiaka ya̱ apaknʋchi la chi̱ hoke, achi tok.

Genesis 26:4

Micha chim ishtatiaka ya̱ apaknʋchit ʋba fochik choyuhmichi la chi̱ hoke; mikmʋt yakni ilʋppa moma ka̱ chim ishtatiaka ya̱ ima la chi̱ hoke: mikma chim ishtatiaka yak o̱ oklushi moma yakni paknaka aiasha kʋt ai yukpa hi oke.

Genesis 28:14

Mikma chim ishtatiaka yʋt yakni lukfi pushi ak o̱ choyuhma hi oke; micha fimimpa cha, hʋshi ai okatula, micha hʋshi akochaka, micha falʋmmi, micha oka mahli aiena ka̱ pit ish pataiya chi̱ hoke: mikma chishno, micha chim ishtatiaka pulla kak o̱ chuka achʋfa puta moma yakni paknaka aiasha kʋt ai yukpa hi oke.

Atʋloa 78:38

Yohmih kia yʋmmʋt nan i̱ nukha̱klo yatuk osh, nan ʋsshʋchi ya̱ i̱ kʋshuffikmʋt, okpʋnit ʋmmomihchih keyu hosh, isht i̱ nukkilli ya̱ fʋlʋmmichit eshih fehna cha, i̱ nukhubela ya̱ mominchit wʋkayʋchih keyuh beka tok oke.

Atʋloa 85:3

Chi anukhubela ya̱ mominchit kʋnʋllichit ish eshi tok; chi ʋnu̱koa nuklibbi ka̱ ish shʋnayʋchih beka tok oke.

Eksotʋs 20:6

Micha tahlepa sipokni kia sa holitobli cha, ʋm anumpa ha̱ holitoblikma i̱ nukha̱klo li hoke.

Eksotʋs 32:12

Nanta katiohmi̱ ho̱ Echip okla hʋt nan ik achukmo yʋmihchit nʋnih fohka ai ʋbit tahlit yakni paknaka ai ishit kanchit mosholicha chi̱ hosh pehlichit kohcha tuk oke, acha chi̱ cho? chim ai i̱ nukkilli libbi kʋt ish shanaiya cha, nan ik achukmo chim okla i̱ sanali ilʋppa ish issashke.

Numbas 25:4

Micha Chihowah yʋt Moses a̱ okla hash noshkobo puta moma ish ishi cha hʋshi ya̱ ichapaka Chihowah itikba ya̱ iti a̱ ish atakohlechashke, Yʋmohmi ho̱ Chihowah im ai i̱ nukkilli libbi kʋt Islael a̱ i̱ filʋmmashke, im achi tok.

1 Kolinhlian 16:22

Kʋna hoh kia Chitokaka Chisʋs Klaist a̱ holitobli keyukmʋt, mihi yosh Anahlema, Malanahla mak ashke.

Tutelonomi 13:18

Chin Chitokaka Chihowah im anumpa ha̱ ish haponaklo cha, im anumpa moma ka̱ himak nitak a̱ chi̱ miha li ka̱ ieshit chin Chitokaka Chihowah itikba ya̱, aiʋlhpiesa kak o̱ ish yʋmihchikma, chi apaknʋchashke, achi tok.

Tutelonomi 30:3

Yohmikma chin Chitokaka Chihowah yʋt chi nukha̱klokmʋt, falama cha, chi yuka tuk a̱ chi falʋmminchi cha, oklushi moma chin Chitokaka Chihowah yʋt pit chi fimmi tuk ʋt, a hoyot chitʋnala hi oke.

Tutelonomi 30:5

Micha chin Chitokaka Chihowah yʋt, yakni chi̱ki ʋhleha hʋt a binili tuk a̱ chisht ʋla na, ish a binila hi oke; micha nana achukma chi yʋmihchikmʋt, chi apaknʋchi kʋt chi̱ki ʋhleha ha tok a̱ i̱ shahlicha hi oke.

Tutelonomi 7:13

Micha chi holitobla hi oke, micha chi yukpala hi oke; micha chi apaknʋcha hi oke; micha chim oshʋto awaya, micha chi̱ yakni awaya, chim onush, micha chim oka pa̱ki, micha chi̱ bila, chi̱ wak awaya, micha chi̱ nanʋlhpoa chipunta puta aiena ka̱, yakni yo̱ chima he yash chi̱ki ʋhleha ha̱ anumpa kʋllo im ilonochi tok ʋt a na chi yukpa lashke.

Tutelonomi 7:26

Micha nan i̱ yuwala ya̱ chim aboha isht ish ona he keyu hoke; ish yohmi na kalakshi yʋmmak inli ish chohmi na: amba shitilemʋt ish kaiyanchi cha, yuwalʋt ish ʋmohmicha hi oka, na kalakshi yoka.

Choshua 22:20

Selah, ushi Achan ʋt nan i̱ hullochi atuk ash isht ashʋchi ho̱ Islael okla moma kak o̱ Chihowa im ai i̱ nukkilli ʋt onʋtola tok keyu cho? mihma hatak yʋmmʋt ilap bano hosh nan ashʋchi tuk ʋt illi tok keyu hoke, achi tok.

Choshua 6:18

Nana ka Chihowa i̱ hullochi atuk puta ka kaniohmit hʋch ik il ahalaiacho pullashke, keyukmʋt nana ka Chihowa i̱ hullochi atuk a̱ hʋsh ishi hokmʋt, il okpʋnit hʋsh tahli cha, Islael im ʋlbina ha̱ isht ai okpuloka hi a̱ onochit, yʋmma hʋsh ilbʋshala hinla hoke.

Choshua 6:24

Yohmi ma tʋmaha holihta, micha nana yʋmma anu̱kaka aiasha tuk aiena ka luak isht hukmi tok: amba tʋli hʋta, micha tʋli holisso lakna, mikmʋt tʋli, micha tʋli lakna aiena nan ai ʋlhpitta toba ak illa ho̱ Chihowa i̱ na holitopa ai asha chuka ya̱ pit apitta tok.

Choshua 6:26

Nitak yʋmma fehna ak o̱ Choshua ʋt okla ha̱ anumpa kʋllo onochit, Hatak nana hosh wakayʋt, tʋmaha Cheliko ilʋppa ikbi hokmʋt, Chihowa itikba ya̱ nana palʋmmi pisa he im ʋlhpisʋt hikia hi oke: ushi ʋttahpi ak osh isht ʋlhtoba ho̱ intola ʋmmona ka bohla he, atuk mʋt ushi ishtaiyopi kak osh isht ʋlhtoba ho̱ holihta okhissa ya̱ hiohlicha hi oke.

Choshua 7:1

Yohmi kia Islael im ʋlla ʋhleha hʋt nan i̱ hullochi atuk a̱ isht ashʋchi tok: Chutah ishtatiaka Selah ha̱ ushi, Sabti ha̱ ushi, Kami ya̱ anonti ushi Achan ʋt nan i̱ hullochi atuk ash ishi tok: yohmi ho̱ Chihowa isht anukhobela yʋt libbit Islael im ʋlla ʋhleha ha̱ onʋtoyula tok.

Choshua 7:26

Yohmi mʋt tʋli itʋnaha chito fehna ho̱ isht ompohomot hilechi tok o̱, himak nitak kia hikiʋshke. Yohmi ho̱ Chihowa im ai i̱ nukkilli libbi fehna tuk ʋt ai i̱ filʋmmi tok: yʋmohmi hatuk o̱ yakni yʋmmʋt himak nitak ant ai ʋhlika Acho okfa hohchihi̱foshke.

Choshua 8:28

Mihma chiffo̱kot ai asha na bilia he mak o̱ Choshua ʋt Ai ya̱ hukmit kanchi tok: yohmi tok o̱ aiokpulokʋt kʋniʋt himak nitak a̱ ant ai ʋhlishke.