Tutelonomi 13:16 - Chahta Holisso Holitopa 1886

¹⁶ Micha na wehpoa moma ka̱ tʋmaha holihta iti takla ai itʋnowa iklʋnna hʋsh itʋnahli cha, tʋmaha holihta, micha na wehpoa aiena kash ant isht aiopi moma ka̱ chin Chitokaka Chihowah itikba ya̱ luak isht hʋsh hukmashke; micha chiffi̱kot chieya na biliashke; anonti ikba he keyu hoke.

Tutelonomi 13:16 Iomraidhean Croise

Eksotʋs 22:19

Kʋna hosh nanʋlhpoa ya̱ iba tʋshkikmʋt illi pulla hi oke.

Tutelonomi 7:25

I̱ na holbʋt toba, in chu̱wʋt toba puta ka̱ luak ishit hukmit hʋsh tahlashke: tʋli hʋta, micha tʋli lakna aiena alapali ka̱ ish ahna he keyu, micha ish il ai isha he keyu, ish yohmi cha, ishit ish yoshoba na; chin Chitokaka Chihowah nan i̱ yuwala yoka.

Tutelonomi 7:26

Micha nan i̱ yuwala ya̱ chim aboha isht ish ona he keyu hoke; ish yohmi na kalakshi yʋmmak inli ish chohmi na: amba shitilemʋt ish kaiyanchi cha, yuwalʋt ish ʋmohmicha hi oka, na kalakshi yoka.

Choshua 6:21

Mihmʋt nana moyuma tʋmaha holihta aiasha tuk, nakni, micha ohoyo moma, himithowa, micha sipokni moma, mikmʋt wak, micha chukfi, mikmʋt issuba haksobish falaia aiena moma ka bʋshpo falaia halupa yo̱ isht okpʋnit okla kaiyanchi tok.

Choshua 6:24

Yohmi ma tʋmaha holihta, micha nana yʋmma anu̱kaka aiasha tuk aiena ka luak isht hukmi tok: amba tʋli hʋta, micha tʋli holisso lakna, mikmʋt tʋli, micha tʋli lakna aiena nan ai ʋlhpitta toba ak illa ho̱ Chihowa i̱ na holitopa ai asha chuka ya̱ pit apitta tok.

Choshua 6:26

Nitak yʋmma fehna ak o̱ Choshua ʋt okla ha̱ anumpa kʋllo onochit, Hatak nana hosh wakayʋt, tʋmaha Cheliko ilʋppa ikbi hokmʋt, Chihowa itikba ya̱ nana palʋmmi pisa he im ʋlhpisʋt hikia hi oke: ushi ʋttahpi ak osh isht ʋlhtoba ho̱ intola ʋmmona ka bohla he, atuk mʋt ushi ishtaiyopi kak osh isht ʋlhtoba ho̱ holihta okhissa ya̱ hiohlicha hi oke.

Choshua 8:28

Mihma chiffo̱kot ai asha na bilia he mak o̱ Choshua ʋt Ai ya̱ hukmit kanchi tok: yohmi tok o̱ aiokpulokʋt kʋniʋt himak nitak a̱ ant ai ʋhlishke.