Tutelonomi 13:13 - Chahta Holisso Holitopa 1886

¹³ Hatak kaniohmi kʋt Belial im ʋlla ʋhleha hʋt hʋchi̱ kohchʋt ia cha, in tʋmaha holihta okla hash pehlichit isht iʋt, Naholbʋt toba inla puta hʋsh ithana tuk keyu ya̱ ia cha, kiloh aiokpʋchi, achishke, achikma,

Tutelonomi 13:13 Iomraidhean Croise

2 Samuel 16:7

Mihma Shimei ʋt anumpa kalakshichi onochi kʋt yak achit, Kohchá, kohchá, issish hatak chia, micha Belial hatak chia ma!

2 Samuel 20:1

Mihma yʋmma Belial hatak, Bichli ushi Benchamait hatak, hohchifo kʋt Sheba yosh anta yoba tok: atuk osh ishit pu̱fa ya̱ olachit, Lewi ya̱ il ahalaia keyu, micha Chesse ushi ya̱ il ai isha he ʋlhpesa ʋt iksho hoke: hatak puta kʋt im ʋlhtipo aiyukali onashke, achi tok.

2 Samuel 23:6

Yohmi kia Belial hatak ʋhleha kʋno moma kʋt kʋti ishit kanchi ya̱ chohma hi oke, ibbak a̱ isht isha he keyu hoka.

1 Mi̱ko 21:10

Micha hatak Belial ushi tuklo ho̱ itikba hʋsh binohlichi na, atokolit Chihowa, micha mi̱ko ya̱ ik ahobalot ish anumpuli tuk oke, im achashke: mikma kocha isht onʋt, tʋli ishit hʋsh boli na illashke.

1 Mi̱ko 21:13

Mihma hatak tuklo Belial ushi yosh ona cha, itikba chieya tok: micha Belial hatak ash osh okla itikba ai atokolit, Nabolh a̱ atokolit, Nabolh ʋt Chihowa, micha mi̱ko ya̱ ik ahobalot im anumpuli tuk oke, achit okla tok. Yohmi ma tʋmaha holihta ya̱ kocha isht ona cha, tʋli ishit boli na illi tok.

2 Mi̱ko 17:21

Islael a̱ Lewi in chuka achʋfa ya̱ mokoffit im ai ishi tok okʋt; mihma Nebat ushi Cheloboam ak o̱ okla mi̱kochi tok: mihma Cheloboam ʋt Islael ʋt Chihowa iakaiya tuk a̱ issʋchi cha, nan ashʋchi chinto ho̱ ashʋchechi tok.

Chan 8:44

Setan hʋch i̱ki ak o̱ hʋsh a toba hatuk osh, hʋch i̱ki nana ai‐ahni kak o̱ ai yohma hi a̱ hʋchim anukfilʋshke; yʋmmak okʋt ʋmmona kash inli ho̱ hatak ʋbi a tok; micha ilap ak osh nan aia̱hli kʋt anukfo̱ka keyu hatuk osh, nan ai a̱hlika ya̱ a hikia keyu hoke. Holabit anumpuli kʋt ai immi ka mak okʋt anumpuli hoke; ilap ak osh holabi yokʋt anonti na‐holabi i̱ki mak oke.

2 Kolinhlian 6:15

Yohmikma Klaist ʋt Belial a̱ nanta ho̱ isht ai itiba ola achukma ho̱? mikma na yimmi yʋt nan ik yimmo ya̱ nanta ho̱ isht ai it ibai achʋfa ho̱?

Tutelonomi 13:12

Chin tʋmaha holihta kanima ka̱ yʋmmak oka ish ai a̱sha chi̱ ka̱ chin Chitokaka Chihowah yʋt chima tok a̱ ish ha̱klo ho̱ achi kʋt,

Tutelonomi 13:14

Yohmikma ish ponaklo cha, silhhit, micha achunanchit ish asilhhʋcha hi oke; atuk o̱, yakeh, na yuwala yʋmma chohmi hʋchi ai iti takla ya̱ yʋmihchi tuk ʋt a̱hlikma, micha nana kʋt ai a̱hli fehnakma;

Tutelonomi 13:2

Atuk o̱ nan isht atokowa, keyukmʋt na fehna ishit chim anumpuli tuk ʋt ont aia̱hlikma, yʋmmak oka ish ithana chatuk keyu ka̱, Naholbʋt toba inla iakaiyʋt iloh iashke, micha iloh im antiashke, achikma,

Tutelonomi 13:6

Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Tutelonomi 17:4

Atuk o̱ chim annoa cha, ish haklo mʋt, achukmalit ish asilhhʋchi tuk, atuk o̱ yakeh, a̱hli ho̱ micha nana kʋt atokowa ka̱ na yuwala yʋmma chiyuhmi kʋt Islael a̱ yʋmohmi tuk achinikma;

Tutelonomi 4:19

Micha keyukmʋt, hʋchi nishkin a̱ shutik pilla aka chakalichi cha, hʋshi micha hʋshi ninak a̱ya, micha fochik puta, ʋba nana moma fehna ka̱ hʋsh pisakmʋt, yʋmmak oka chin Chitokaka Chihowah yʋt oklushi puta ʋba moma nuta ka̱ im ita kashʋbli tok a̱, yoshoba cha aiokpʋchit hʋsh im antia na.

1 Chan 2:19

Yʋmmak ash ot a pi̱ filʋmmit kocha wiha tok; yohmi kia yʋmmʋt a hʋpibai achʋfa tok o̱ keyu hoke; yʋmmʋt pishno ak o̱ a hʋpibai achʋfa tok okmʋt, a hʋpibai afo̱ka na bilia he tuk pulla chishke: amba yʋmmʋt moma kak osh a hʋpibai achʋfa ho̱ keyu hatuk ʋt otʋna chi̱ kak osh a hʋpi̱ filʋmmit kocha wiha tok oke.

1 Chan 3:10

Ilʋppak o̱ Chihowa im ʋlla ʋhleha, mikmʋt Setan im ʋlla ʋhleha aiena kʋt isht ai otʋni hoke: kʋna hosh nan ai ʋlhpiesa ya̱ a yʋmohmi keyu, mikmʋt itibapishi ha̱ ik i̱ hullo aiena kʋt, Chihowa ak o̱ ai ibai achʋfa ho̱ keyu hoke.

Chute 1:19

Ilʋppak osh ʋbanumpuli iksa ai a̱hli ka il ai i̱ filʋmmichi kʋt, haknip nan ahni yo̱ iakaiya hosh, Shilombish Holitopa yʋt ik im iksho hoke.

Nan Apesa 19:22

Atuk osh chu̱kʋsh yukpalit chihi̱ya ma, yakeh! tʋmaha holihta hatak ʋhleha Belial ushi ʋhleha yosh chuka ya̱ a folubli cha, okhissa ya̱ boli mʋt, chuka pehlichi hatak sipokni ya̱ im anumpulit, Hatak ʋt ʋlʋt, chin chuka ant chukowa tuk a̱ isht ish kohcha na il ithanashke, achi tok.

Nan Apesa 20:13

Yʋmohmi hoka himak a̱ hatak, Belial in chipota yʋmmʋt Kibeah a̱sha ka, pibbak hʋsh fohki na e bi cha, nana ik achukmo ya̱ Islael a̱ ai isht e kanchashke, achi tok. Yohmi kia Benchamin im ʋlla ʋhleha hʋt itibapishi ʋhleha Islael im ʋlla ʋhleha im anumpa ha̱ i̱ haponakla he keyu tok.

1 Samuel 10:27

Yohmi kia Belial ushi ʋhleha hʋt, Katiohmi kak osh hatak ilʋppʋt pi hlakoficha hinla cho? achi tok. Micha okla shitilema mʋt, na hʋlbina isht ik im ono tok. Yohmi kia nana ik acho tok.

1 Samuel 2:12

Mihma Eli ushi tuklo kʋt Belial ushi atok: micha Chihowa ya̱ ik ithano tok.

1 Samuel 25:17

Yʋmohmi hoka himak a̱ ish anukfilli cha, nana ish kaniohma chi̱ kʋt ish ithaiyanashke: nana ik achukmo ho̱ pi̱ shahli, micha in chuka achʋfa aiena ka im anukfilʋt isht i̱ sanali hoka: Belial ushi ak o̱ ohmi ka kʋna hosh im anumpula he keyu hoka, achi tok.

1 Samuel 25:25

A̱ shahli hʋt Belial hatak ilʋppa Nabal fehna ka na yakohmi ik ahno kashke, chim asilhha lishke: hohchifo hʋt yʋmmak okʋt im a̱hli hoka: hohchifo kʋt Nabal atuk osh im anukfila iksho hoke: amba chin tishu ohoyo sia hokʋto a̱ shahli hʋt pit pila tuk hatak himithoa ya̱ ak peso tuk oke.