Tutelonomi 13:11 - Chahta Holisso Holitopa 1886

¹¹ Mikma Islael moma kʋt haklo cha, nukshopakmʋt, himmakma yoshuba fehna ilʋppa chohmi kʋt a hʋch iti takla ya̱ ik a yʋmohmho kashke.

Tutelonomi 13:11 Iomraidhean Croise

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Lefitikʋs 20:2

Anonti Islael im ʋlla ʋhleha ha̱ im anumpulit, Kʋna hosh Islael im ʋlla ʋhleha hosh, keyukmʋt okla inla Islael takla ʋtta yosh im isht atiaka yo̱ Molek a̱ imakmʋt illi pulla hi oke, yakni yash okla hʋt tʋli ishit bola hi oke.

Numbas 25:4

Micha Chihowah yʋt Moses a̱ okla hash noshkobo puta moma ish ishi cha hʋshi ya̱ ichapaka Chihowah itikba ya̱ iti a̱ ish atakohlechashke, Yʋmohmi ho̱ Chihowah im ai i̱ nukkilli libbi kʋt Islael a̱ i̱ filʋmmashke, im achi tok.

Tutelonomi 13:12

Chin tʋmaha holihta kanima ka̱ yʋmmak oka ish ai a̱sha chi̱ ka̱ chin Chitokaka Chihowah yʋt chima tok a̱ ish ha̱klo ho̱ achi kʋt,

Tutelonomi 17:13

Mikma okla moma kʋt haklokmʋt nukshopa cha, himmakma nana ka̱ ilapunlʋt ik yʋmihcho ka hi oke.

Tutelonomi 19:20

Mikma inla aiasha yʋt haklo cha, nukshopakmʋt, himmakma nan ik achukmo yohmi ka̱ a hʋch iti takla ya̱ ik yʋmihcho kashke.

Tutelonomi 21:21

Mikma in tʋmaha holihta hatak moma kʋt tʋli ishit boli na illa hi oke: yʋmohmi hosh ahʋchi iti takla nan ik achukmo ka̱ ishit ish kanchashke, mikma Islael moma kʋt haklokmʋt nukshopashke.

1 Timohli 5:20

Amba ashʋchi hatuk o mʋhli hokmʋno, momʋt pi̱sa ho̱, ish im alʋmmichashke, yohmi na inla a̱sha kʋt nukshopa mak inlashke.

Choshua 7:25

Yohmi ma Choshua ʋt, Nanta katiohmi ho̱ ish pilbʋshali tuk oh cho? himak nitak a̱ Chihowa yak osh chishno ma chilbʋshala chi̱ hoke, achi tok. Mihma Islael okla hʋt momʋt tʋli isht boli tok: yohmi cha tʋli isht bolit okla issa hayʋt, luak isht hukmi tok.