Tutelonomi 13:1 - Chahta Holisso Holitopa 1886

¹ Hʋchim ai iti takla hopaii yosh, keyukmʋt, na holhpokuna ya̱ holhpokuna yosh wakayʋt hikia cha, nan isht atokowa, keyukmʋt, na fehna yo̱ chi̱ haiakʋchikma,

Tutelonomi 13:1 Iomraidhean Croise

1 Mi̱ko 13:18

Hopaii sipokni ash osh, Chishno chohmit ʋno ak kia hopaii sia hoke: atuk o̱ Chihowa im anumpa ho̱ enchil ʋt ʋm anumpulit, Falʋmminchit chin chuka isht ish la na, pʋska ʋpʋt, micha oka ishkashke, ʋm achi tuk oke, im achi tok. Yohmi kia i̱ holabi tok.

1 Mi̱ko 13:19

Yohmi ho̱ falama cha, in chuka pʋska ont ai ʋpʋt, oka ai ishko tok.

Mahlu 24:11

Mikma hopaii ilahobi ʋt hiohli kʋt laua cha, laua o̱ yoshublicha hi oke.

Mahlu 24:24

Klaist ilahobi ʋhleha, micha hopaii ilahobi ʋhleha aiena kʋt hiohlit nan isht atokowa chinto puta, mikmʋt na fehna puta aiena ka okla otʋnicha he; yʋmohmi cha, yʋmmʋt yohma hinlakma, nan ʋlhtoka, ʋhleha fehna atuk kia yoshublicha hi oke.

Mahlu 7:15

Hopaii ilahobi ʋhleha chukfʋlhpoba i̱ na fohka fohka hosh hʋchim ai ʋla kia, anu̱kaka yokʋto nashoba isikopa ʋhleha mak oka, ahah! hʋsh im ahnashke.

Mark i̱ Holisso 13:22

Klaist ilahobi ʋhleha, micha hopaii ilahobi ʋhleha aiena tobʋt hiohli kʋt nan isht atokowa puta, micha nafehna puta aiena ka otʋnihinchit, yohma he yobakma, nan‐ʋlhtoka ʋhleha nana kia yoshublicha hi oke.

ʋBanumpa Luk Ʋt Holissochi Tok 6:26

Hatak moma kʋt ahninchit isht hʋchi anumpohonlikma, na hʋchi̱ palʋmmi mak oke: in tikba ʋhleha hʋt hopaii ilahobi puta ka yʋmmak inli ho̱ i̱ yʋmihchi tok oka.

Tutelonomi 18:20

Amba hopaii ʋt sa hohchifo pulla ho̱, yʋmma anumpula chi̱ im apesa li tuk keyu ho̱, Anumpule lih mihakmʋt, keyukmʋt, naholbʋt toba hohchifo pulla ho̱ anumpulikmʋt, hopaii yʋmma fehna kʋt illa hi oke.

Tutelonomi 4:1

Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.

Tutelonomi 4:2

Anumpa hʋchim apesa li tuk a̱ hʋsh ibafohka he keyu, micha hʋsh ola taklʋcha he keyu; yʋmohmi hosh hʋchin Chitokaka Chihowah i̱ nan ʋlhpisa puta hʋchim apesa li tuk a̱ hʋsh holitoblashke.

2 Hlessalonian 2:9

Yʋmmak okʋt Setan nan akaniohmi yo̱ iakaiya kʋt, nan isht im ai a̱hli, nan isht atokowa puta, micha na holabi isht nukhlakancha, mikmʋt nan ik ʋlhpeso isht yoshubli aiena ho̱ il ai i̱shit illi na bilia he puta ai itin takla ya̱ a̱yʋt otaiyani yʋmmak a he oke; okcha̱ya hi atuk kia ʋbanumpa a̱hlika ya̱ holitoblit ik yimmo tok okʋt.

2 Pita 2:1

Yohmi kia hopaii ai a̱hli keyu ʋhleha hʋt okla ai itin takla ya̱ ai asha ak inli beka tok a̱, anonti nan ithʋnanchi ai a̱hli keyu kʋt hʋch itin takla ai asha he ak inli; yʋmmak okʋt isht okpula he ai a̱hli isht anumpa keyu puta ka lumʋt isht hʋch iba chukowa mʋt, ilap a̱ chumpa tok, Chitokaka kanchi hosh isht ai okpulo ya̱ tu̱shpa fehnʋt isht il onocha hi oke.

1 Chan 4:1

Holitopa ʋhleha ma! hopaii ilahobi lauʋt yakni a̱ atiapa hatuk oka, shilombish a̱ u̱hʋlinchit hʋchi yimmi na; amba Chihowa yak o̱ a minti hokma, nana tukmá, shilombish puta kash imomakachit hʋsh pisashke.