Tutelonomi 12:9 - Chahta Holisso Holitopa 1886

⁹ Afoha micha aiasha he ʋlhpesa hʋchin Chitokaka Chihowah yʋt hʋchima tok a̱ hʋchik ono ki̱sha hokʋt.

Tutelonomi 12:9 Iomraidhean Croise

1 Mi̱ko 8:56

Chihowa ʋt ahanchi tok mak osh, im okla Islael a̱ afoha ima kʋt, holitopashke: anumpa hochukma in tishu Moses a̱ tohno na anumpuli tok ʋt, ik aia̱hlo kʋt anumpa achʋfa kia ikshoshke.

Atʋloa 95:11

Yohmi hokʋt sʋ nukhubela hosh ʋnnumpah kʋllo il onucchit, “Ʋm afoha ya̱ chukkoa he keyu hoke,” achi li tok oke.

Tutelonomi 12:8

Himak nitak a̱ nana ilʋppa il akaniohmi ka̱, hatak moma kʋt ilap anukfilli kʋt ʋlhpesa ahni ka̱ iakaiya ka̱ hʋsh yʋmohma he keyu hoke.

Tutelonomi 25:19

Yʋmohmi hoka yakohma hi oke, yakni yash a binilit ish iesha chi̱ ho̱ chin Chitokaka Chihowah yʋt chima tok a̱, chin tʋnʋp puta fullota ka̱ chin Chitokaka Chihowah yʋt chi fohʋchikma, shutik nutaka ya̱ Amalek isht ithana ya̱ kashofit ish kanchashke, ik chim ahakso kashke. (achi tok.)

Tutelonomi 3:20

Chihowah yʋt hʋchishno a̱ hʋchi̱ yʋmihchi tuk ʋt chohmichit, hʋchitibapishi ʋhleha ha̱ fohʋchashke: micha yʋmmak kia yakni ya̱ hʋchin Chitokaka Chihowah yʋt Chatan mish‐tʋnnʋp a̱ ai ima tuk a̱ abinilashke: yohmikma hʋchima li tuk hʋchi̱ yakni a̱ hatak aiyukali kʋt falamʋt hʋsh onashke, hʋchim achi li tok.

Tutelonomi 4:21

Micha Chihowah yʋt hʋchishno ak a tuk pulla mak o̱, a̱ nukhobela cha, anumpa kʋllo anumpulit, Chatan a̱ ak hlopullo ka he, micha yakni achukma yʋmma hʋchi̱ yakni ya̱ chi̱ ho̱ chin Chitokaka Chihowah yʋt hʋchima tok a̱ ak chukowo ka chi̱ miha tok,

Choshua 11:23

Chihowa yʋt Moses a̱ im ahanchi tok mak o̱, Choshua ʋt yʋmihchit yakni ya̱ mominchit ishi tok; micha immi ha chi̱ ho̱ Islael a̱ ishtatia ka itakʋshkoa ʋlhpisa mak o̱ ima tok. Mihma yakni ʋt itin tanampi ka issʋt foha tok.