Tutelonomi 12:8 - Chahta Holisso Holitopa 1886

⁸ Himak nitak a̱ nana ilʋppa il akaniohmi ka̱, hatak moma kʋt ilap anukfilli kʋt ʋlhpesa ahni ka̱ iakaiya ka̱ hʋsh yʋmohma he keyu hoke.

Tutelonomi 12:8 Iomraidhean Croise

Numbas 15:39

Mikma hʋchim poshota yosh hʋsh pihi̱sakmʋt Chihowah im anumpa moma ka̱ ithaiyanʋt hʋsh yʋmihcha chi̱ hoke; mikmʋt hʋchi chu̱kʋsh akinli, micha hʋchi nishkin akinli iakaiyʋt hauit hʋsh itʋnowa beka tuk ʋt hʋchik yʋmohmo kashke.

Apostel isht Anumpa 7:42

Yohmi ma ʋba fochik puta ka, okla aiokpʋcha chi̱ mak o̱, Chihowa yʋt issʋt i̱ filʋmmi tok. Hopaii ʋhleha i̱ holisso ha̱ a holihi̱so kʋt, Islael in chuka achʋfa ʋhleha hʋchia ma! afʋmmi pokoli ushta ka yakni haiaka, nan ʋlhpoba nipi puta, micha nan isht ai okpʋchi puta aiena ka, isht hʋs sʋm ahanla cho?

Tutelonomi 12:7

Micha yʋmmak o̱ hʋchin Chitokaka Chihowah itikba ya̱ hʋsh ai impa hi oke; hʋchishno, micha hʋchin chuka achʋfa hʋsh aiena kʋt nana moma ka̱ hʋchibbak onochit ishit hʋsh ahanta na, Chihowah yʋt hʋchi yukpali tuk a̱ hʋchi yukpashke.

Tutelonomi 12:9

Afoha micha aiasha he ʋlhpesa hʋchin Chitokaka Chihowah yʋt hʋchima tok a̱ hʋchik ono ki̱sha hokʋt.

Choshua 3:9

Mihma Choshua ʋt Islael im ʋlla ʋhleha ha̱, Ilʋppa hʋsh minti cha, Chitokaka hʋchin Chihowa im anumpa ha̱ hʋsh haklashke, im achi tok.

Choshua 5:5

Yohmi ka hatak puta Echip a̱ a kohcha tok okʋto hakshʋp tʋptua bano tok; amba Echip a̱ a kohcha hayosh yakni haiaka itʋnoho̱wa ho̱ ʋtta tok yʋmmak okʋno hakshup ik tʋptulo ki̱sha tuk atok.

Nan Apesa 17:6

Nitak yʋmma foka ka Islael a̱ mi̱ko ʋt iksho tok; amba hatak puta kʋt ilap nishkin ai im ʋlhpiesa aiyukali hosh yʋmohmi beka tok.

Nan Apesa 21:25

Nitak yʋmma foka hoka Islael a̱ mi̱ko ʋt iksho tok: hatak puta kʋt ilap nishkin ai im ʋlhpiesa aiyukali hosh yʋmohmi beka tok.