Tutelonomi 12:7 - Chahta Holisso Holitopa 1886

⁷ Micha yʋmmak o̱ hʋchin Chitokaka Chihowah itikba ya̱ hʋsh ai impa hi oke; hʋchishno, micha hʋchin chuka achʋfa hʋsh aiena kʋt nana moma ka̱ hʋchibbak onochit ishit hʋsh ahanta na, Chihowah yʋt hʋchi yukpali tuk a̱ hʋchi yukpashke.

Tutelonomi 12:7 Iomraidhean Croise

Lefitikʋs 23:40

Micha nitak ʋmmona ka̱ iti hochukma naksish, pam iti naksish, micha iti hishi chito naksish micha bok ushi ontʋlaka itoko̱wisha aiena hʋsh ishashke; micha nitak untuklo ho̱ hʋchin Chitokaka Chihowah itikba ya̱ hʋchi yukpashke.

Apostel isht Anumpa 2:46

Micha im anukfila mʋt ai achʋfʋt, Tempel anu̱kaka ya̱, nitak moma ai aha̱shwa, micha chuka taloha puta ma, pʋska a boshullichit itʋnowa aiena mʋt, chu̱kʋsh ai a̱hlit na yukpʋt im ilhpak ma ʋpʋt aiashʋt,

Tutelonomi 12:12

Mikmʋt hʋchishno, micha hʋchiso ʋhleha, micha hʋchiso tek ʋhleha, micha hʋchin tishu hatak ʋhleha, micha hʋchin tishu ohoyo ʋhleha, micha Lefait ʋhleha hʋchi̱ holihta okhissa anu̱kaka hikia aiena kʋt, i̱ kashapa micha aiisha he ʋlhpesa ʋt hʋchim ai iti takla ya̱ ik im iksho hoka; awant hʋchin Chitokaka Chihowah itikba ya̱ na hʋchi yukpashke.

Tutelonomi 12:18

Amba chin Chitokaka Chihowah ak osh kanima ho̱ ai atokolikma, chishno, micha chiso, micha chiso tek, micha chin tishu hatak, micha chin tishu ohoyo, micha Lefait chi̱ holihta okhissa anu̱kaka ahanta aiena kʋt, chin Chitokaka Chihowah itikba ish ai impa hi oke; micha nana ho̱ chibbak isht ish ishi moma chin Chitokaka Chihowah itikba na, chi yukpashke.

Tutelonomi 12:8

Himak nitak a̱ nana ilʋppa il akaniohmi ka̱, hatak moma kʋt ilap anukfilli kʋt ʋlhpesa ahni ka̱ iakaiya ka̱ hʋsh yʋmohma he keyu hoke.

Tutelonomi 14:23

Kanima ho̱ hohchifo a bohla chi̱ hosh atokolikma, yʋmmak o̱ chim onush, micha chim oka‐pa̱ki, micha chi̱ bila ishit pokoli, micha chi̱ nan ʋlhpoa hochito, micha chi̱ nan ʋlhpoa chipunta ushi ʋtta ahpi puta aiena ka̱ chin Chitokaka Chihowah itikba ya̱ ish ai ʋpashke; yʋmohmi hosh chin Chitokaka Chihowah ya̱ i̱ nukwia bilia ka̱ ish ithanashke.

Tutelonomi 14:26

Micha chimi shilombish ʋt nana ho̱ bʋnnakmʋt, wak okma keyukmʋt chukfi, keyukmʋt okapaki, keyukmʋt nan ishko kʋllo, keyukmʋt chimi shilombish ʋt nana ho̱ bʋnnakmʋt, yʋmmak o̱ Chihowah chin Chitokaka itikba ya̱ chishno micha chin chuka achʋfa aiena kʋt na yukpʋt impʋt hʋsh ma̱ha̱ya hi oke.

Tutelonomi 15:20

Afʋmmi hosh ont afʋmmikma kanima ho̱ Chihowah yʋt atokolikma, yʋmmak o̱ chishno, micha chin chuka achʋfa aiena kʋt chin Chitokaka Chihowah itikba ya̱ ish ai ʋpa hi oke.

Tutelonomi 26:11

Micha nana achukma puta chin Chitokaka Chihowah yʋt chima tok a̱ micha chin chuka achʋfa, chishno, micha Lefait, micha okla ik ithano chi takla aiasha ka̱ ima tuk a̱ isht ish aiyukpashke,

Tutelonomi 27:7

Micha iti̱ nanaiyʋchit im issa ish im issakmʋt, yʋmmak o̱ ish impa cha, chin Chitokaka Chihowah itikba ya̱ na yukpʋt ish aiashashke.

Tutelonomi 28:47

Nana moma apakna atuk mak o̱, na yukpʋt chu̱kʋsh yukpa hosh chin Chitokaka Chihowah ya̱ chik im antio tuk okʋt,

Filippian 4:4

Chitokaka ya̱ hʋsh ai yukpa na biliashke; micha anonti, Na hʋchi yukpashke, achi lishke.