Tutelonomi 12:6 - Chahta Holisso Holitopa 1886

⁶ Micha yʋmmak o̱ nahukmit isht hʋsh aiokpʋchi, micha nan ʋbit isht hʋsh aiokpʋchi, micha ishit hʋchi̱ pokoli, micha pit i̱ walit isht aiokpʋchi chibbak foyuka ka̱, micha anumpa hʋsh ilonochi, micha ilap ahnit isht hʋsh aiokpʋchi, micha hʋchi̱ nan ʋlhpoa hochito, micha hʋchi̱ nan ʋlhpoa chipinta chelahpi puta aiena a puta ka̱ isht hʋsh ona hi oke.

Tutelonomi 12:6 Iomraidhean Croise

Atʋloa 116:17

Yakoke ahnit isht ayokpʋchi isht chi ayokpachi lish, Chihowa hohchifo ha̱ i̱ pa̱ya la chi̱ hoke.

Lefitikʋs 1:3

Mikmʋt nan im issa yʋt ʋlhpoa hochito ai ishit na hukmit im issa hokmʋt nakni yosh ai okpuloka iksho ho̱ im issashke, ilap ahni hosh Chihowah itikba okla moma im ʋlhtipo okhissa yak o̱ ai im issashke.

ʋBanumpa Luk Ʋt Holissochi Tok 11:42

Amba Falisi hʋchia ma! na hʋchi̱ palʋmmi mak oke, mint, micha lu, mikmʋt haiyu̱kpolo ilaiyuka puta waya it a kashkoa ont isht pokoli kak osh hʋchi̱ kʋnia, mikmʋt nana ai‐ʋlhpiesa ka, micha Chihowa holitobli aiena hokʋno hʋsh ʋbanʋbli hoka: ilʋppak o̱ a hʋchi yʋmohmi ha yosh, anonti yʋmmak ma hʋch ik a haksecho ka hetuk oke.

ʋBanumpa Luk Ʋt Holissochi Tok 18:12

Nitak hullo achʋfakma hitukla na hullochi likmʋt, nan ʋm a̱sha puta kʋt ont isht pokoli kʋt a̱ kʋnihi̱yʋshke, achi tok.

Tutelonomi 12:17

Chim onush isht pokoli, micha chim oka pa̱ki ishit pokoli, micha chi̱ bila ishit pokoli, micha chi̱ nan ʋlhpoa hochito ʋttahpi, micha chi̱ nanʋlhpoa chipunta ʋttahpi, micha anumpa ilonochi ish ilonochi tok, micha ilap ahnit nan im issa, keyukmʋt pit i̱ walit im issa chibbak foyuka aiena ka̱ chi̱ holihta okhissa anu̱kaka ya̱ ish aiʋpa he keyu hoke.

Tutelonomi 26:2

Yakni awaya ʋmmona moma chi̱ yakni chin Chitokaka Chihowah yʋt chima tok a̱ ish ai ishi cha̱ isht a̱yʋt, kishi ish fohkikmʋt, kanima ho̱ chin Chitokaka Chihowah yʋt aiatokolit hohchifo ha̱ a bohla he ahnikma, yʋmma isht ish onashke.

Choshua 22:27

Amba pititakla, micha pim isht atiaka piaka̱ya ka nan atokoli yosh hikia chi̱ ho̱, na hukmit isht il aiokpʋchi, micha nan ʋbit isht il aiokpʋchi, micha iti̱ nanaiyʋchi isht il aiokpʋchi aiena ka Chihowa itikba ya̱ isht il ai ahanta hi osh il ikbashke; yohmikma hʋchim ʋlla ʋhleha hʋt nitak inlakma pim ʋlla ʋhleha ha̱ Chihowa ya̱ hʋsh ahalaia keyu hoke, ik acho kashke.

1 Samuel 1:21

Mihma hatak Elkanah ash osh, micha in chuka achʋfa aiena kʋt afʋmmikma, nan ʋbit isht aiokpʋchi im issa chi̱, micha ilap im anukfila hosh Chihowa nan im issa he anumpa il onochit ai a̱hlicha chi̱ hosh ia tok.

1 Samuel 1:24

Atuk osh pishechi tuk ʋt issʋchi mʋt, ishi cha, wak hobʋk himita tuchina, micha bota tohbi efah achʋfa, micha okapa̱ki kotoba achʋfa aiena ka ishi cha, Chihowa in chuka Shiloh ya̱ isht ona tok: mihma ʋlla yash osh himita tok.