Tutelonomi 12:5 - Chahta Holisso Holitopa 1886

⁵ Amba hʋchin Chitokaka Chihowah ak osh kanima ho̱ hʋchim apehlichi puta moma ka̱ ai atokolit, hohchifo ha̱ a bohlikma, ai ahanta ak o̱ hʋsh hoya chi̱ hoke; micha yʋmmak o̱ ish ona chi̱ hoke,

Tutelonomi 12:5 Iomraidhean Croise

1 Mi̱ko 12:27

Okla ilʋppʋt Chihowa in chuka Chelusalem a̱ atalaia ka nan ai ʋbit ont isht aiokpʋchikmʋt, okla ilʋppa chu̱kʋsh ʋt anonti falamʋt i̱ shahli Lehoboam Chutah i̱ mi̱ko ya̱ im ona chi̱ hoke; mikmʋt okla sʋbi cha, Chutah i̱ mi̱ko Lehoboam a̱ anonti im ona chi̱ hoke.

1 Mi̱ko 14:21

Mihma Solomon ushi Lehoboam ʋt Chutah yak o̱ a mi̱ko tok. Lehoboam ʋt afʋmmi pokoli ushta akucha achʋfa hosh mi̱kot ishtia tok: atuk osh afʋmmi auah untuklo ho̱ Chelusalem tʋmaha holihta Chihowa ʋt hohchifo a bohla chi̱ hosh, Islael apehlichi moma ka ai atokoli tok a̱, a mi̱ko tok: mihma ishki ʋt Ammonait ohoyo hosh hohchifo hʋt Naamah atok.

1 Mi̱ko 8:16

Ʋm okla Islael a̱ pehliechit Echip a̱ a kohchi li tok, nitak yʋmma itintakla ka chuka ʋm ikbi na, sa hohchifo hʋt a foyuka chi̱ ka, Islael apehlichi moma ka tʋmaha holihta kanima kia ak atokoloshke; yohmi kia Lewi ak osh ʋm okla Islael a̱ pehliecha chi̱ ho̱ atokoli li tok oke, ahanchi tok ʋt holitopashke.

1 Mi̱ko 8:20

Atuk osh Chihowa ʋt im anumpa ha̱ anumpohonli tok ʋt ont aia̱hlichishke: micha a̱ki Lewi ya̱ ʋlhtobʋt wakaya lishke, micha Islael im ai ombinili holitompa ya̱ Chihowa ʋt miha tok mak o̱ ombinili lishke; micha Islael in Chitokaka Chihowa hohchifo ha̱ chuka im ikbi lishke.

1 Mi̱ko 8:27

Yohmi kia Chitokaka yʋt yakni ya̱ ahanta hinla mʋhli cho? Yakeh! shutik ont aiʋhli iksho, micha ʋba yakni puta moma i̱ shutik ont ai ʋhli iksho hoh kia chiesha he keyushke; aboha ikbi li tuk ilʋppak okak heto nanta isht ahoba he keyushke.

1 Mi̱ko 8:29

Yohmi cha chuka ilʋppa, ilʋppa pilla ho̱, Sa hohchifo hʋt ai itoyula hi oke, ish ahanchi tok okʋt ninak, micha nitak moyuma ka, chi nishkin a̱ onochit ish pihi̱sashke; micha chin tishu hʋt ilʋppa anumpa ilbʋsha et anumpohonlikma, ish haiyaklashke.

2 Mi̱ko 18:22

Amba, Pin Chitokaka Chihowa yak o̱ il anukchieto hoke, hʋs sʋm achi hokma, yʋmmak o̱ im achahaka puta, micha im alta puta ka Hesekiah ʋt ishit kanchi cha, Chutah, micha Chelusalem a̱, Alta Chelusalem hikia ilʋppa itikba yak o̱ hʋsh aiokpʋchashke, im achi tok keyu cho?

Atʋloa 78:68

Amba Chutah apehlichi ak o̱, Saion nʋnih i̱ hulittopa tuk ak osh ʋtokuli tok.

Eksotʋs 15:2

Chihowah ak osh ʋmi̱ hlampko, micha ʋm ilhtalowak oke, micha aiokcha̱ya li tobʋshke; yʋmmak osh an Chitokaka yoke; atuk o̱ ai ahanta im atahli la chi̱ hoke: a̱ki in Chitokaka yoke, atuk o̱ holitoblichi la chi̱ hoke.

Eksotʋs 20:24

Lukfi yo̱ alta is sʋm ikbi cha, hukmit isht aiokpʋchi, micha iti̱ nanaiyʋchi isht aiokpʋchi, chin chukfi, micha chi̱ wak aiena ka̱ ʋbit ai onochit isht ish ai okpʋchashke, Kanima moma sa hohchifo ha̱ a bohyuli likmʋt hʋchim ʋla likmʋt hʋchi yukpali la hi oke.

Eksotʋs 25:22

Mikma im ai i kanʋt aiombinili paknaka chelubim tuklo kʋt nanʋlhpisa afohka itombi holitopa paknaka a hieli ka̱ itin takla ya̱ yʋmma chi ai afamʋt nana moma anumpa ʋlhpisa ha̱ Islael im ʋlla ʋhleha imma ho̱ chima la chi̱kmʋt chitim anumpule lachi̱ hoke.

Lefitikʋs 17:4

Atuk osh okla moma im ʋlhtipo okhissa isht onʋt Chihowah im issa mak o̱ Chihowah im ʋlhtipo itikba ya̱ ont ik im ai issokmʋt hatak yʋmma issish ʋt onʋtola hi oke; issish hlatʋbli tuk oke, micha hatak yʋmmʋt im okla im ai itin takla ya̱ fiopa tʋpa hi oke.

Numbas 7:89

Atuk o̱ Moses ʋt itim anumpula chi̱ hosh okla moma i̱ binah ha̱ ont chukowa mʋt, achʋfa hosh ai i̱ nukha̱klo nan itim apesa afohka itombi holitopa paknaka ompoholmo chelubim tuklo ka̱ iti takla et ai im anumpohonli na haklo tok, mihma im anumpuli tok.

Tutelonomi 12:11

Yʋmohmikma hʋchin Chitokaka Chihowah yʋt yʋmmak o̱ i̱ hohchifo aiahanta chi̱ ka̱ atokola chi̱ hoke; yʋmmak o̱ nana moma chim ahanchi li tuk mak o̱, na hukmit ishit hʋsh aiokpʋchi, micha nan ʋbit isht hʋsh aiokpʋchi, ishit hʋchi̱ pokoli, micha i̱ walit isht aiokpʋchi hʋchibbak foyuka aiena, micha achukma i̱ shahli moma, anumpa il onochit Chihowah ya̱ hʋsh im ilonochi tuk a puta aiena ka̱ isht hʋsh la hi oke,

Tutelonomi 12:13

Ahah ish il ahnashke, yʋmohmi hosh kanima moma ish pisakmʋt na hukmit isht ish aiokpʋchi ya̱ chik ai im isso kashke:

Tutelonomi 12:18

Amba chin Chitokaka Chihowah ak osh kanima ho̱ ai atokolikma, chishno, micha chiso, micha chiso tek, micha chin tishu hatak, micha chin tishu ohoyo, micha Lefait chi̱ holihta okhissa anu̱kaka ahanta aiena kʋt, chin Chitokaka Chihowah itikba ish ai impa hi oke; micha nana ho̱ chibbak isht ish ishi moma chin Chitokaka Chihowah itikba na, chi yukpashke.

Tutelonomi 12:4

Hʋchin Chitokaka Chihowah ya̱ hʋsh i̱ yʋmihcha he keyu hoke.

Tutelonomi 14:23

Kanima ho̱ hohchifo a bohla chi̱ hosh atokolikma, yʋmmak o̱ chim onush, micha chim oka‐pa̱ki, micha chi̱ bila ishit pokoli, micha chi̱ nan ʋlhpoa hochito, micha chi̱ nan ʋlhpoa chipunta ushi ʋtta ahpi puta aiena ka̱ chin Chitokaka Chihowah itikba ya̱ ish ai ʋpashke; yʋmohmi hosh chin Chitokaka Chihowah ya̱ i̱ nukwia bilia ka̱ ish ithanashke.

Tutelonomi 14:24

Atuk o̱ hina ʋt chi̱ falaia fehna cha, isht ish ia he keyukmʋt, micha chin Chitokaka Chihowah yʋt hohchifo ha̱ yʋmmak o̱ a bohla chi̱ hosh atokoli tuk ʋt chi̱ hopaki fehnakmʋt, chin Chitokaka Chihowah yʋt na chi yukpa li mʋt;

Tutelonomi 15:20

Afʋmmi hosh ont afʋmmikma kanima ho̱ Chihowah yʋt atokolikma, yʋmmak o̱ chishno, micha chin chuka achʋfa aiena kʋt chin Chitokaka Chihowah itikba ya̱ ish ai ʋpa hi oke.

Tutelonomi 16:11

Micha chin Chitokaka Chihowah itikba ya̱, chishno micha chiso, micha chiso tek, micha chin tishu hatak, micha chin tishu ohoyo, micha Lefait ʋt chi̱ holihta okhissa anu̱ka aiasha, micha okla inla, micha i̱ki iksho, micha ohoyo ʋlhtakla hʋch iti̱n takla aiasha aiena kʋt, kanima ho̱ chin Chitokaka Chihowah yʋt hohchifo a bohla chi̱ hosh ai atokoli tukma, yʋmma a yukpʋt ish aiashashke.

Tutelonomi 16:15

Chihowah ak osh kanima ho̱ ai atokolikma, chin Chitokaka Chihowah ya̱ nitak untuklo ho̱ impʋchi holitopa isht ish im aiashashke: na chi̱ waya moma, micha chibbak na toksa̱hanli tuk moma ka̱ chin Chitokaka Chihowah yʋt na chi yukpala chi̱ hoka; yʋmohmi hoka na chi yukpa pulla hi oke.

Tutelonomi 16:2

Chihowah yʋt kanima ho̱ ai atokolit hohchifo a bohlikma, yʋmmak o̱ chi̱ nan ʋlhpoa chipunta, micha chi̱ nan ʋlhpoa hochito aiena ka̱ ai ishit ʋbanʋblit ontia ya̱ ʋbit chin Chitokaka Chihowah ya̱ isht ish ai okpʋchashke.

Tutelonomi 16:6

Amba chin Chitokaka Chihowah yak osh kanima ho̱ atokolit hohchifo a bohlikma, yʋmmak o̱ opiakma hʋshi ʋt okatula ho̱ Echip a̱ a kohchʋt ish minti tok ont ʋlhpiesakma, ʋbanʋblit ontia ya̱ isht ish aiokpʋcha hi oke.

Tutelonomi 16:7

Mikmʋt chin Chitokaka Chihowah yʋt kanima ho̱ ai atokolikma ish ai apushli cha, ish pa hi oke: atuk osh onnahinlikma falamʋt chi̱ bina ha̱ ish ona hi oke.

Tutelonomi 17:8

Issish hlatapa tuk o̱ issish hlatapa chi̱, anumpa iti onochi, micha iti fahama puta, anumpa ishit itachowa puta nana kʋt chi̱ kʋllo fehna ho̱ ish im apesa chi̱, chi̱ holihta okhissa anukaka ya̱ isht chim ʋlakma, ish wakaya cha, chin Chitokaka Chihowah ak osh ai atokoli tukma yʋmmak o̱ ish onashke.

Tutelonomi 18:6

Yohmi ka̱ Lefait osh Islael a̱ fullota moma holihta okhissa kanima ai ʋtta tuk osh kohchʋt ʋlakma, micha kanima ho̱ Chihowah yʋt ai atokoli tuk a̱, im anukfila oklu̱hʋt bʋnna hosh ʋlakmʋt,

Tutelonomi 26:2

Yakni awaya ʋmmona moma chi̱ yakni chin Chitokaka Chihowah yʋt chima tok a̱ ish ai ishi cha̱ isht a̱yʋt, kishi ish fohkikmʋt, kanima ho̱ chin Chitokaka Chihowah yʋt aiatokolit hohchifo ha̱ a bohla he ahnikma, yʋmma isht ish onashke.

Tutelonomi 31:11

Islael moma kʋt chin Chitokaka Chihowah itikba hʋsh hiela chi̱ hosh, kanima ho̱ ai atokoli tuk o̱, ʋlakma, Islael moma kʋt ha̱klo ho̱ nan ʋlhpisa ilʋppa itikba ish ai itim anumpula hi oke.

Koloshan 2:9

Klaist ak osh Chihowa yʋt akaniohmi ka isht alotowa kʋt:

Heblu 12:22

Amba hʋchishno yʋto nʋnih Saion, micha Chihowa okcha̱ya in tʋmaha chinto, Chelusalem ʋba talaia, micha enchil ʋhleha, a holhtina iksho kamohmi, itahoba chinto ai asha,

Choshua 18:1

Mihma Islael im ʋlla ʋhleha moma kʋt iti hoyot Shiloh ya̱ itʋnaha cha, okla moma im ʋlhtipo holitopa ya̱ a hilechi tok: mihma yakni ʋt itikba ya̱ i̱ nutaka tok.

Choshua 22:11

Mihma Islael im ʋlla ʋhleha hʋt, Yakeh! Luben im ʋlla ʋhleha, micha Kat im ʋlla ʋhleha, micha Manasseh ai unchololi iklʋna aiena kʋt Kenan yakni ichapaka, Chatan ʋhli, Islael im ʋlla ʋhleha akocha ya̱ alta ai ikbit hilechishke, achi ho̱ haklo tok.

Choshua 9:27

Mihma Choshua ʋt nitak yʋmma okla ha̱, micha Chihowa im alta ya̱, kanima ho̱ ai ahnit im atokolikma, iti im a chanli, micha oka im ochi aiena ka ikbi tok o̱, himak nitak a̱ imoma hoke.

Nan Otʋni 14:1

Yakohmi ma hopo̱koyo li ma, anonti yakeh! Chukfʋlhpobushi ash osh Saion nʋnih ha o̱ hikia ma, tahlepa sipokni bat tahlepa achʋfa cha pokoli ushta akucha ushta kʋt, yʋmma I̱ki i̱ hohchifo hʋt ibitakla ai o̱ holisso hosh yʋmmak ash o̱ apeha tok.