Tutelonomi 12:30 - Chahta Holisso Holitopa 1886

³⁰ Ahah ish il ahnashke, yʋmohmi hosh chi tikba ai ishit kanchi ha ya̱ iakaiyʋt isht ik chi yushobo kashke, micha i̱ naholbʋt toba puta ka̱ ponaklot, Oklushi ilʋppa puta kʋt i̱ naholbʋt toba puta ka̱ katiohmit im antia tuk oh cho? ʋno ak kia yʋmmak o̱ yʋmihchi la chi̱ hoke, chik acho kashke.

Tutelonomi 12:30 Iomraidhean Croise

2 Mi̱ko 16:10

Mihma mi̱ko Ahas ʋt Assilia i̱ mi̱ko Tiklalh‐pilese ya̱ afamʋt Tamaskʋs a̱ ona mʋt, Tamaskʋs a̱ alta yʋt hikia ka pisa tok: mihmʋt mi̱ko Ahas ʋt alta yʋt kaniohmi, micha isht ʋlhtaha moma ka holba ya̱ naholitompa isht ʋtta Ulichah ya̱ pit i̱ pila tok.

2 Mi̱ko 17:15

Micha i̱ nan ʋlhpisa puta, micha nan itim apesa i̱ki ʋhleha ha̱ nan itim apesa tok, micha nan isht atokowa isht atokoli aiena ka shitilemʋt kanchi tok; micha nan ik ahobo ya̱ okla iakaiyʋt ik ahobot taha mʋt, oklushi puta apakfoyupʋt a̱sha ka, yʋmmak oka Chihowa yʋt atokolit hobacha he keyu ka i̱ miha tok ak o̱ iakaiya tok.

Eksotʋs 23:24

I̱ naholbʋt toba puta ish im akahchunola he keyu, micha ish im antia he keyu, micha nana atoksʋli ya̱ iakaiyʋt ish yʋmihcha he keyu hoke; amba hʋsh akʋchit hʋsh ʋmohmichi cha, i̱ nan in chu̱wa ya̱ kinahlichit ish kaiyancha hi oke.

Lefitikʋs 18:3

Echip yakni aiasha, yʋmma hʋsh aiasha tuk, yʋmmʋt nana a kaniohmi ya̱ hobachit hʋsh yʋmihcha he keyushke; micha Kenan yakni hʋch isht ona la chi̱ yʋmma a̱sha kʋt nana yʋmohmi ya̱ hobachit hʋsh yʋmohma he keyu hoke, micha i̱ nan ʋlhpisa ka̱ im antiʋt hʋsh noho̱wa he keyu.

Lefitikʋs 18:30

Yʋmohmi hoka a̱ nanʋlhpisa ya̱ hʋsh holitobli hosh nan isht yuwala puta hʋchi tikba aiasha tuk ʋt yʋmihchi tok achʋfa nana kia hʋchik yʋmihcho kashke, micha yʋmmak o̱ isht hʋchik ile litehlo kashke: Chitokaka hʋchin Chihowah sia hoke, ish im achashke, im achi tok.

Numbas 33:52

Yohmikmʋt yakni yash okla aiasha tuk a̱ hʋchi tikba atihlelit hʋsh kohchashke, micha i̱ naholbʋt toba puta moma ka̱ okpʋnit, bilʋt akmot naholbʋt toba puta ka̱ okpʋnit hʋsh tahlashke, micha im achahaka puta akʋchit hʋsh ʋmohmichashke.

Loman 12:2

Micha yakni ilʋppak inli ka hʋch ik hoyulbo kashke; amba hʋchim anukfila hʋt himonʋt toba pulla hatuk mak osh inlʋt hʋsh tobashke; yohmi hosh nan achukma, nan ai ʋlhpiesa, nan ai a̱hli Chihowa nan ai ahni ka hʋsh akosti ninchashke.

Efeshan 4:17

Yohmi ka ilʋppa achi li mʋt, anonti himak a pilla ma Chentail inla im anukfila ik ahobo,

Tutelonomi 11:16

Ahah, hʋsh ahni na, hʋchi chu̱kʋsh ʋt hʋchi haksichi na, fullotʋt na holbʋt toba inla puta hʋsh im antia cha, hʋchik aiokpacho kashke.

Tutelonomi 12:29

Ish isha chi̱ hosh ish ia ka̱ chin Chitokaka Chihowah yʋt oklushi puta kash chi tikba ai ishit kanchi na, ish ʋlhtoba cha, i̱ yakni ya̱ ish a̱shakmʋt;

Tutelonomi 12:31

Chin Chitokaka Chihowah ya̱ ish yʋmihcha he keyu; Chihowah yʋt i̱ yuwala puta moma, micha shitilema ya̱, i̱ naholbʋt toba i̱ yʋmihchi tuk oke; ushi ʋhleha micha ushetik ʋhleha aiena ka̱ i̱ naholbʋt toba luak isht i̱ hukmi fehna tuk oke.

Tutelonomi 18:9

Chin Chitokaka Chihowah yʋt yakni chima tok a̱ ish onakmʋt, oklushi yʋmma puta a yʋmihchi nan isht yuwala ya̱ hobachit yʋmihcha chi̱ ka̱ ish ithʋna he keyu.

Tutelonomi 20:18

Yʋmohmi hosh nan ashʋchi ishit yuwala i̱ naholbʋt toba i̱ yʋmihchi chatuk ʋt ik hʋchik hanancho ho̱: yohmikmʋt hʋchin Chitokaka Chihowah ya̱ hʋchik i̱ yoshobo kashke.

Tutelonomi 7:16

Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.