Tutelonomi 12:26 - Chahta Holisso Holitopa 1886

²⁶ Peh na chi̱ hullochi chim asha, micha anumpa ishi lonochi ak illa ho̱ ish ishi cha, Chihowah yʋt kanima yo̱ ai atokoli tukma ish ia hi oke.

Tutelonomi 12:26 Iomraidhean Croise

Genesis 28:20

Mihma Chekob ʋt anumpa il onochit, Chitokaka yʋt sʋbafoyukʋt ilʋppa pilla ia li ka̱ sa halʋlli cha, ʋpa la chi̱ ka̱ pʋska, micha fohka la chi̱ ka̱ nafohka ʋma,

Numbas 18:19

Pit i̱ walit im issa holitopa Islael im ʋlla ʋhleha hʋt Chihowah ya̱ im issa tuk moma ka̱ chishno, micha chiso ʋhleha, micha chiso tek ʋhleha chibafoka aiena ka̱, nan ʋlhpisa bilia yo̱ chima lishke; Chihowah itikba hʋpi nan itim apesa kʋt chishno, micha chim isht atiaka aiena bilia ya chi̱ hoke, achi tok.

Tutelonomi 12:11

Yʋmohmikma hʋchin Chitokaka Chihowah yʋt yʋmmak o̱ i̱ hohchifo aiahanta chi̱ ka̱ atokola chi̱ hoke; yʋmmak o̱ nana moma chim ahanchi li tuk mak o̱, na hukmit ishit hʋsh aiokpʋchi, micha nan ʋbit isht hʋsh aiokpʋchi, ishit hʋchi̱ pokoli, micha i̱ walit isht aiokpʋchi hʋchibbak foyuka aiena, micha achukma i̱ shahli moma, anumpa il onochit Chihowah ya̱ hʋsh im ilonochi tuk a puta aiena ka̱ isht hʋsh la hi oke,

Tutelonomi 12:21

Chin Chitokaka Chihowah yʋt kanima ho̱ yʋmmak o̱ hohchifo ha̱ a bohla chi̱ hosh atokoli tuk ʋt chi̱ hopaki fehnakmʋt, yohmikmʋt, chi̱ nan ʋlhpoa hochito, micha chi̱ nan ʋlhpo chipunta aiena Chihowah yʋt chima tuk a̱ chi̱ miha li tuk mak o̱, nana ho̱ chi chu̱kʋsh ʋt bʋnnakmʋt chi̱ holihta okhissa anu̱kaka yak o̱ ish ai ʋpashke.

Tutelonomi 12:6

Micha yʋmmak o̱ nahukmit isht hʋsh aiokpʋchi, micha nan ʋbit isht hʋsh aiokpʋchi, micha ishit hʋchi̱ pokoli, micha pit i̱ walit isht aiokpʋchi chibbak foyuka ka̱, micha anumpa hʋsh ilonochi, micha ilap ahnit isht hʋsh aiokpʋchi, micha hʋchi̱ nan ʋlhpoa hochito, micha hʋchi̱ nan ʋlhpoa chipinta chelahpi puta aiena a puta ka̱ isht hʋsh ona hi oke.