Tutelonomi 12:25 - Chahta Holisso Holitopa 1886

²⁵ Ish pa he keyu hoke; yʋmohmi hosh Chihowah itikba ya̱ aiʋlhpiesa ho̱ ish yʋmohmikmʋt, chishno, micha chim ʋlla ʋhleha et chi akaiya aiena kʋt chim achukmashke.

Tutelonomi 12:25 Iomraidhean Croise

1 Mi̱ko 11:38

Atukma yakohma hi oke, nana chi̱ miha li moma ka ish haiyaklo cha, a̱ hina puta ka ish a noho̱wʋt aiʋlhpiesa kak o̱ sa tikba ish a yʋmohmi cha, a̱ nan ʋlhpisa puta, micha ʋm anumpa ʋlhpisa puta ka an tishu Lewi atok a̱ chohmit ish ieshikma, chibafoyuka lish, Lewi im ikbi li tok a̱ chohmichit, chin chuka kʋllot hikia ho̱ chim ikbi lish, Islael a̱ chima la hi oke.

Atʋloa 112:2

Im ishtatiaka yʋt yakni paknaka ya̱ huchitot aiyasha hi oke; ʋpissali ʋhlehah ai unchululi hʋt na̱ yokpa hi oke.

Eksotʋs 15:26

Micha Hʋchin Chitokaka Chihowah im anumpa ha̱ achunanchit hʋsh i̱ haponaklo cha, itikba ya̱ ai ʋlhpiesa kak o̱ yʋmihinchit, im anumpa ʋlhpisa ha̱ hʋsh i̱ haponaklot, i̱ nanʋlhpisa puta ka̱ hʋsh holitoblikma ililli ilʋppa puta ka̱ Echip okla ha̱ onochi li tok ʋt hʋchi onochi la he keyu hoke; Chihowah sia hosh hʋchi hlakofichi li hoka, achi tok.

Tutelonomi 12:24

Ish pa he keyu; oka chohmichit aka ish hlatʋbla hi oke.

Tutelonomi 12:28

Yohmi ahnit ish anukfilli cha, anumpa ilʋppa moma chi̱ miha li ka̱ ish haklashke; yʋmohmi hosh chishno, micha chim ʋlla chi akaiya aiena kʋt chin Chitokaka Chihowah itikba ya̱ achukma ho̱ micha ai ʋlhpiesa ho̱ ish yʋmihchikmʋt achukma hosh ish ma̱ha̱ya na biliashke.

Tutelonomi 13:18

Chin Chitokaka Chihowah im anumpa ha̱ ish haponaklo cha, im anumpa moma ka̱ himak nitak a̱ chi̱ miha li ka̱ ieshit chin Chitokaka Chihowah itikba ya̱, aiʋlhpiesa kak o̱ ish yʋmihchikma, chi apaknʋchashke, achi tok.

Tutelonomi 21:9

Yʋmohmi hosh Chihowah itikba ya̱ ai ʋlhpiesa ish yʋmi̱hinchikmʋt, nan okpʋni tuk keyu issish hlatapa ya̱ ishit ish kanchashke.

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

Tutelonomi 5:16

Chitokaka chin Chihowah yʋt chim achi tuk mak o̱, chi̱ki, micha chishki ya̱ ish holitoblashke; yʋmohmi ho̱ yakni Chitokaka chin Chihowah yʋt chima tok a̱ ish aiahanta he a̱ nitak ʋt chin lauashke, micha chim ai achukma̱kashke.

Tutelonomi 5:33

I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Tutelonomi 6:18

Micha Chihowah itikba ya̱ nana ai ʋlhpiesa micha achukma kak o̱ ish yʋmihchashke; yohmi hosh hʋchim achukma̱kashke, micha yohmi hosh Chihowah yʋt chi̱ki ʋhleha ha̱ anumpa kʋllo ilonochit im issa tok yakni achukma ya̱ chukowʋt ish abinilashke,