Tutelonomi 12:2 - Chahta Holisso Holitopa 1886

² Oklushi puta hʋsh ishi puta kʋt, nʋnih chaha paknaka, micha nʋnih paknaka, micha iti okchamali nuta puta ka̱, i̱ na holbʋt toba puta aiokpʋchit aiasha tuk moma ka̱ ieshit kanchit hʋsh ʋmohmicha hi oke.

Tutelonomi 12:2 Iomraidhean Croise

1 Mi̱ko 14:23

Yʋmmak kia achahaka puta ikbit, micha naholbʋt toba puta, micha iti lokoli puta nʋnih chaha puta paknaka, micha iti hishi okchamali puta nuta ya̱ ai ikbi tok oka.

1 Mi̱ko 3:2

Peh okla hʋt achahaka puta ka nan ʋbit ai isht aiokpʋchi beka tok; nitak yʋmma foka ik ono ki̱sha Chihowa hohchifo ka aboha yʋt ik in tobo ki̱sha hatuk oka,

2 Mi̱ko 11:18

Mihma yakni ya̱ okla moma kʋt Baal im aboha ona cha, kinʋffi tok; micha im alta puta, micha i̱ naholbʋt toba puta aiena ka boshulliehit tahli mʋt, Baal naholitompa isht im ʋtta Mattan a̱ alta puta itikba ya̱ ai ʋbi tok: mihma naholitompa isht ʋtta yash osh Chihowa in chuka ya̱ apesʋchi puta ka atokoli tok.

2 Mi̱ko 16:4

Micha achahaka puta, micha nʋnih paknaka puta, micha iti okchamali puta nuta ya̱ nan ai ʋbit isht aiokpʋchit nabalama a hukmi beka tok.

2 Mi̱ko 23:13

Micha achahaka puta Islael i̱ mi̱ko Solomon ʋt Siton okla nan ashʋchi ishit yuwala Ashtolelh, micha Moab okla nan ashʋchi ishit yuwala Chemosh, micha Ammon im ʋlla ʋhleha nan ashʋchi ishit yuwala Milkom aiena ka im ikbi tok, yʋmmʋt Chelusalem itikba isht ai yoshuba nʋnih im ishtimpakimma aiasha tuk a̱ mi̱ko ʋt litehli tok.

Atʋloa 78:58

Yohmi kʋt im achahaka ai ayokpʋchi puttah ishit nukoʋchih mʋt, i̱ na̱ holbʋt tuba putta kak o̱ ishit nuktʋhlali tok.

Eksotʋs 23:24

I̱ naholbʋt toba puta ish im akahchunola he keyu, micha ish im antia he keyu, micha nana atoksʋli ya̱ iakaiyʋt ish yʋmihcha he keyu hoke; amba hʋsh akʋchit hʋsh ʋmohmichi cha, i̱ nan in chu̱wa ya̱ kinahlichit ish kaiyancha hi oke.

Numbas 22:41

Atuk osh ont onna ma yakohmi tok, Balak ʋt Balaam a̱ ilaueli cha Baal achahaka puta isht ona tok, yʋmmak o̱ hikia cha okla hash aiasha ont ʋhli fehna ka̱ pisa chi̱ hatok.

Tutelonomi 7:5

Amba yakohmichi hosh hʋsh yʋmihcha hi oke: im alta puta hoka okpʋnit hʋsh tahli cha, im in chu̱wʋt naholbʋt toba puta ka̱ chanlit hʋsh kinahlichashke, micha im iti lokoli puta hoka chanlit hʋsh kinahlichi cha, im i̱ chu̱wʋt na holbʋt toba puta ka̱ luak ishit hukmit hʋsh tahlashke.

Nan Apesa 2:2

Mikma okla hʋt yakni ilʋppa ai asha ka anumpa hʋsh ai itibai achʋfa he keyu; im alta puta ka kinahlichit hʋsh tahlashke: achi li tok: yohmi tok kia sʋtih ha̱ hʋchik sʋm antioshke: nanta katiohmi ho̱ ilʋppa hʋsh yʋmihchi cho? achi tok.