Tutelonomi 12:18 - Chahta Holisso Holitopa 1886

¹⁸ Amba chin Chitokaka Chihowah ak osh kanima ho̱ ai atokolikma, chishno, micha chiso, micha chiso tek, micha chin tishu hatak, micha chin tishu ohoyo, micha Lefait chi̱ holihta okhissa anu̱kaka ahanta aiena kʋt, chin Chitokaka Chihowah itikba ish ai impa hi oke; micha nana ho̱ chibbak isht ish ishi moma chin Chitokaka Chihowah itikba na, chi yukpashke.

Tutelonomi 12:18 Iomraidhean Croise

Atʋloa 32:11

Na̱ yokpʋt Chihowa ha̱ hʋsh a yokpashke, ai ʋlhpiesa ʋhlehah ma, micha chu̱kʋsh ai ʋpissali ʋt momʋt yokpʋt hʋsh shʋkapashke.

Atʋloa 68:3

Amba ai ʋlhpiesa ʋhleha hokʋto na̱ yokpashke; Chitokaka itikba ya̱ na̱ yokpah fehnʋt ishit yokpashke.

Apostel isht Anumpa 16:34

Micha pehlichit im aboha ya̱ ishit chukowa mʋt, ilhpak a̱ itikba in talohli mʋt, in chuka chʋfa ya̱ a moyumʋt Chihowa ya̱ yimmit na yukpa tok.

Apostel isht Anumpa 2:46

Micha im anukfila mʋt ai achʋfʋt, Tempel anu̱kaka ya̱, nitak moma ai aha̱shwa, micha chuka taloha puta ma, pʋska a boshullichit itʋnowa aiena mʋt, chu̱kʋsh ai a̱hlit na yukpʋt im ilhpak ma ʋpʋt aiashʋt,

1 Kolinhlian 10:31

Yʋmohmi hoka hʋsh impa, keyukmʋt na hʋsh ishko, keyukmʋt nana ho̱ hʋsh yʋmihchi hokmʋt, Chihowa isht a holitopa chi̱ ho̱, mominchit hʋsh yʋmohmashke.

Kaleshan 5:22

Amba Shilombish o̱ isht ai ʋni hokʋto, I̱ hullo, nayukpa, it i̱ nanaiya, nuktaiyalʋt nokowa sʋlaha, anukfila yohbi, nana achukma yʋmohmi, na yimmi,

Tutelonomi 12:14

Amba chim apehlichi puta ka̱ achʋfa ho̱ kanima ho̱ Chihowah yʋt atokolikma, yʋmmak o̱ na hukmit isht ish aiokpʋchi a̱ ish ai im issa chi̱ hoke, micha yʋmmak o̱ chi̱ miha li tuk moma ka̱ ish ai yʋmihcha chi̱ hoke.

Tutelonomi 12:19

Ahah ish il ahni cha, yakni paknaka ish ahanta moma kʋt Lefait ʋhleha ha̱ chik kancho kashke.

Tutelonomi 12:5

Amba hʋchin Chitokaka Chihowah ak osh kanima ho̱ hʋchim apehlichi puta moma ka̱ ai atokolit, hohchifo ha̱ a bohlikma, ai ahanta ak o̱ hʋsh hoya chi̱ hoke; micha yʋmmak o̱ ish ona chi̱ hoke,

Tutelonomi 12:7

Micha yʋmmak o̱ hʋchin Chitokaka Chihowah itikba ya̱ hʋsh ai impa hi oke; hʋchishno, micha hʋchin chuka achʋfa hʋsh aiena kʋt nana moma ka̱ hʋchibbak onochit ishit hʋsh ahanta na, Chihowah yʋt hʋchi yukpali tuk a̱ hʋchi yukpashke.

Tutelonomi 14:23

Kanima ho̱ hohchifo a bohla chi̱ hosh atokolikma, yʋmmak o̱ chim onush, micha chim oka‐pa̱ki, micha chi̱ bila ishit pokoli, micha chi̱ nan ʋlhpoa hochito, micha chi̱ nan ʋlhpoa chipunta ushi ʋtta ahpi puta aiena ka̱ chin Chitokaka Chihowah itikba ya̱ ish ai ʋpashke; yʋmohmi hosh chin Chitokaka Chihowah ya̱ i̱ nukwia bilia ka̱ ish ithanashke.

Tutelonomi 15:20

Afʋmmi hosh ont afʋmmikma kanima ho̱ Chihowah yʋt atokolikma, yʋmmak o̱ chishno, micha chin chuka achʋfa aiena kʋt chin Chitokaka Chihowah itikba ya̱ ish ai ʋpa hi oke.

1 Samuel 1:4

Atuk o̱ Elkanah ʋt nan ʋbit isht ai aiokpʋchi nitak ʋt ʋla ma, tekchi Peninnah, micha ushi ʋhleha moma, micha ushetik ʋhleha aiena ka i̱ hopela tok.