Tutelonomi 11:25 - Chahta Holisso Holitopa 1886

²⁵ Hatak nana kia hʋchi tikba ya̱ hikia he keyu ka chi̱ hoke; hʋchin Chitokaka Chihowah yʋt hʋchim achi tuk mak osh, yakni hʋsh ano̱ho̱wa moma ka̱ hʋchi̱ nukshopa, micha hʋchi̱ komunta aiena ka̱ onocha chi̱ hoke.

Tutelonomi 11:25 Iomraidhean Croise

Eksotʋs 23:27

An nukshopa ka̱ chi tikba ya̱ pila likmʋt, okla moma ish im ona ka̱ ishit kanchi la chi̱ hoke; micha chin tʋnʋp moma ka̱ chi̱ filʋmmichi la hi oke.

Tutelonomi 2:25

Himak nitak a̱ oklushi puta shutik nutaka aiasha kʋt, chi annowa ka̱ haklo puta ka̱ chi̱ komunta, micha chi̱ nukshopa onochit ishtia likma, chishno pulla kak o̱ wʋni̱hinchi cha, komi̱hincha chi̱ hoke, achi tok.

Tutelonomi 7:24

Micha i̱ mi̱ko ʋhleha ha̱ chibbak fohkikma, shutik nutaka ya̱ hohchifo ha̱ mosholichit ish kancha chi̱ hoke: hatak nana kia chi tikba ya̱ hikia he keyu ho̱, ish mosholicha hi oke.

Choshua 1:5

Chi okcha̱yʋt ish ahanta nitak moma ka hatak nana kia chi tikba hikia he keyushke: Moses a̱ awant a̱ya li tok ʋt, yʋmmak inli ho̱ chohmit chi awant a̱ya la chi̱ hoke: nana ka ak chim ai a̱hlot chissa la he keyu hoke.

Choshua 2:9

Hatak tuklo kash o̱, Yakni ya̱ Chihowa ʋt hʋch ima tok a̱ ithana lishke; yohmi ho̱ isht a hʋchi̱ nukshopa yʋt pi onʋtoyulʋshke; hʋchishno ak atuk pulla mak o̱ yakni ilʋppa okla ai asha tuk moma kʋt bihinla chiyuhmishke.

Choshua 5:1

Atuk o̱ yakohmi tok, Amolait okla i̱ mi̱ko ʋhleha Chatan hʋshi ai okatula imma aiasha tuk, micha Kenanait okla i̱ mi̱ko ʋhleha okhʋta lapalika ai asha tuk aiena kʋt, Chihowa ʋt Chatan oka ya̱ Islael im ʋlla ʋhleha itikba ya̱ a shilelit tahli na tanʋblit e taha tuk a̱ haklo mʋt, chu̱kʋsh ʋt bihinla tok; micha Islael im ʋlla ʋhleha hak a tok pulla mak o̱ himmakma hatak nana kia chilitʋt im anukfila kʋt iksho kamohmi tok.