Tutelonomi 11:23 - Chahta Holisso Holitopa 1886

²³ Yʋmohmikma Chihowah yʋt oklushi ilʋppa puta moma ka̱ hʋchi tikba a tihlelit, kocha welikma, oklushi puta hochito, micha kʋllo kʋt hʋchi̱shahi ya̱ hʋsh isha chi̱ hoke.

Tutelonomi 11:23 Iomraidhean Croise

Eksotʋs 34:11

Himak nitak a̱ chim apesa li ka̱ ish ithaiyanashke. Yakeh, Amolait, micha Kananait, micha Hittait, micha Pilissait, micha Hifait, micha Chibusait aiena ka̱ hʋchi tikba tihlelit kohcha wehli lishke.

Tutelonomi 4:38

Oklushi hochito micha kʋllo kʋt hʋchi̱ shahli ho̱ i̱ yakni ʋt hʋchimmi ha chi̱ ho̱ hʋch isht chukowʋchi mʋt, hʋchi tikba tihlelit a kohchi tok a̱ himak nitak a̱ yʋmohmi hoke.

Tutelonomi 9:1

Islael ma, ish haklashke, himak nitak a̱ oklushi hochito, micha kʋllo kʋt chi̱ shahli, tʋmaha holihta hochito, micha a holihta kʋt shutik ont ʋhli ho̱, chukowʋt ish isha chi̱ hosh Chatan a̱ ish hlopullachi̱shke.

Tutelonomi 9:5

Ish ai ʋlhpiesa, micha chi chu̱kʋsh ʋt ai ʋlhpiesa kak osh i̱ yakni ya ishit a binilit ish ia keyu; amba oklushi ilʋppa puta haksi kak o̱, micha anumpa kʋllo ya̱ chi̱ki ʋhleha Eblaham, Aisak, micha Chekob aiena im il onoch i tok anumpa ha̱ aia̱hlicha chi̱ hosh chin Chitokaka Chihowah yʋt chi tikba a tihlelit kocha weli hoke.

Choshua 23:9

Chihowa hʋt okla chito, micha okla kʋllo aiena ho̱ hʋch itikba a tihlelit kocha wehli tuk oke: amba hʋchishno yokʋno hatak nana kia hʋch itikba hikia he keyu tuk himak nitak a̱ ant ʋhlishke.