Tutelonomi 11:2 - Chahta Holisso Holitopa 1886

² Micha himak nitak a̱ hʋsh ithaiyanashke; hʋchim ʋlla ʋhleha ha̱ im anumpule li keyu hoka; yʋmmak osh hʋchin Chitokaka Chihowah yʋt na hotopa onohonchi tuk, im aholitopa, ibbak a kʋllo, micha shakba ashatapa,

Tutelonomi 11:2 Iomraidhean Croise

Atʋloa 136:12

Ibbak kʋllo ho̱, micha shakba ʋba pit ishit wieli hosh ishit kohchi tok a̱ yakoke hʋsh im achashke; im isht i̱ hullo yʋt abillia yoka̱.

Eksotʋs 6:6

Yʋmohmi hoka Islael im ʋlla ʋhleha ha̱, Chihowah sia hoke, micha Echip okla hʋt naweki hʋchi onochi tuk a̱ a hʋchi kohchi la chi̱ hoke, micha hʋchi yukachi tuk a̱ hʋchi hlakoffichi la chi̱ hoke; micha shakba wieli hosh, micha napalʋmmi chinto onochi hosh hʋchi kohchit isht hʋchi hlakoffichi la chi̱ hoke.

Apostel isht Anumpa 26:22

Chihowa yʋt si apelahanchi hatuk mak o̱, hopaii ʋhleha, micha Moses aiena kʋt nan a kaniohma he, Klaist ʋt illʋsha he, micha yʋmmak osh illi tani ka ti̱kba he, micha okla hash, mikmʋt okla nan ik ithano ʋhleha aiena ka tohwekeli ka i̱ haiakʋcha he a̱, ahanchi tok a̱, yʋmma nan isht inla yo̱ miha keyu hosh asʋno, micha chipunta aiena ka im anohonli kʋt, himak nitak a̱ sa moma hoke, ahanchi tok.

Tutelonomi 29:10

Himak nitak a̱ hʋsh moma kʋt hʋchin Chitokaka Chihowah itikba ya̱ hʋsh hielishke, hʋchim apehlichi puta i̱ kʋpotʋni ʋhleha, hʋchim asʋnonchi ʋhleha, micha na hʋchim ʋlhtoka ʋhleha Islael hatak ʋhleha moma aiena,

Tutelonomi 3:24

Chitokaka Chihowah ma, a chi chito, micha chibbak akʋllo ka̱ chin tishu ha̱ im otʋninchit ish wakaya tuk oke: Chitokaka nanta hak osh ʋba ahantakmʋt, keyukmʋt yakni ahanta kʋt a chi kʋllo ka̱ yʋmohmit, ish a toksʋli ya̱ yʋmihcha hinla hotuma?

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 5:24

Micha, Yakeh, pin Chitokaka Chihowah yʋt im aholitopa, micha nan isht im aia̱hli ataha iksho pi pesʋchi hoke; mikma luak iklʋnna ya̱ im anumpa ha̱ il a ha̱ha̱klo tuk oke; Chitokaka yʋt hatak a̱ im anumpuli kia okcha̱ya hinla ka̱ himak nitak a̱ e pisʋshke.

Tutelonomi 7:19

Imomaka pisa puta chi nishkin ʋt pisa tok, micha nan isht atokowa puta, nan isht a fehna puta, micha ibbak kʋllo, micha shakba ashatapa hosh chin Chitokaka Chihowah yʋt ishit chi pehlichit kohcha tok a̱ ish ithaiyanashke: yʋmma chi yuhmi hosh chin Chitokaka Chihowah yʋt okla ish i̱ nukshopa puta ka̱ yʋmihcha hi oke.

Tutelonomi 8:19

Atukma yakohma hi oke, chin Chitokaka Chihowah ya̱ peh chim ahaksikmʋt, micha na holbʋt toba inla puta iakaiyʋt ish itʋnowakmʋt, micha im antiʋt ish aiokpʋchikmʋt, ont ish moshola he ya̱ himak nitak a̱ atokolit chim anoli lishke.

Tutelonomi 9:26

Yʋmohmi ha tuk o̱ Chihowah ya̱ im ilbʋshʋt, Chitokaka Chihowah ma, chim okla, micha chimmi, yʋmmak oka a chi holitopa pulla hosh ish okchalinchi tuk; micha chibbak kʋllo hosh pehlichit Echip a̱ ish kohcha tuk okʋt, ishit chik kancho kashke.

Choshua 24:31

Mihma Islael ʋt Choshua ʋt okcha̱ya nitak moma, micha hatak asʋnonchi ʋhleha hʋt Choshua ʋt illi haya, okcha̱ya moma, Chihowa yʋt na fehna Islael i̱ yʋmihinchi ka, pi̱sa tok ʋt okcha̱ya nitak moma kʋno Chihowa ya̱ im antia tok.