Tutelonomi 11:19 - Chahta Holisso Holitopa 1886

¹⁹ Micha yʋmma hʋchim aboha hʋsh a binilikmʋt isht hʋsh anumpohonlashke; micha hina takla hʋsh a̱yakmʋt, hʋsh itoyulakmʋt, micha hʋsh wakayakmʋt, hʋchim ʋlla ʋhleha ha̱ hʋsh im aba̱hanchashke.

Tutelonomi 11:19 Iomraidhean Croise

Atʋloa 34:11

Intáh! ʋlla ʋhlehah ma, hʋs sa̱ hʋponaklashke; Chihowa i̱ nukshopa mak o̱ hʋchim abʋche lashke.

Atʋloa 78:4

Im ʋlla ʋhleha ha̱ il i̱ luhma he keyuh, amba Chihowa hulittoblichit isht ʋnumpo̱ho̱li, micha imi lhampko, micha na̱ fehna yʋmi̱hi̱chi tok a̱ isht ai unchululi himmak mi̱hinta chi̱ ka̱ il im ʋno̱ho̱la chi̱ hoke.

Efeshan 6:4

Mikma i̱ki hʋchia hʋt hʋchim ʋlla ya̱ hʋch ik nokowʋcho kashke: amba Chitokaka yak o̱ anukfohkí, micha nan ai ahni yak o̱ a fohkit hʋsh hofantihinchashke.

Tutelonomi 32:46

Micha anumpa moma himak nitak a̱ hʋch iti takla ya̱ ai atokoli li ka̱ hʋchi chu̱kʋsh a̱ hʋsh onochashke, micha hʋchim ʋlla ʋhleha hʋt nan ʋlhpisa ilʋppa anumpa moma ka̱ ithanʋt yʋmihcha chi̱ ka̱ hʋsh i̱ mihashke.

Tutelonomi 6:7

Yohmi ka̱ chim ʋlla ʋhleha ha̱ achunanchit ish im abʋchashke; micha chin chuka ish binilikmʋt, micha hina takla ish ayakmʋt, micha ish itoyulakmʋt, micha ish wakayakmʋt isht ish anumpo̱honlashke.