Tutelonomi 11:14 - Chahta Holisso Holitopa 1886

¹⁴ Yʋmohmikma hʋchi̱ yakni im umba ont ai ʋlhpiesakma, ʋmmona umba, micha ont ishtaiopi umba ya̱ hʋchima la hi oke; mikma hʋchim onush, micha hʋchim okapa̱ki, micha hʋchi̱ bila aiena ka̱ hoyot hʋsh ashacha hi oke.

Tutelonomi 11:14 Iomraidhean Croise

Lefitikʋs 26:3

A̱ nan ʋlhpisa hʋsh ai itʋnowa cha ʋm anumpa ʋlhpisa ya̱ ieshit hʋsh yʋmihchikma,

Lefitikʋs 26:4

Yohmikma ont aiʋlhpiesakma, umba ka̱ hʋch i̱hi̱ma la hi oke, mikma yakni ʋt na waya ha̱ hʋchi̱ waya hi oke; mikma kowi iti hikia kʋt ʋnit hʋchi̱ waya hi oke.

Apostel isht Anumpa 14:17

Yohmi kia ilap fehna isht ai atokowʋt anoli a̱ ik takohlicho hosh ahanta tok keyu; yohmi kʋt nana ka achukmali hosh umba ʋba minti, micha na waya achukma nitak aiena ka auet hʋp ihi̱ma cha, pi chu̱kʋsh a̱ ilhpak, micha na yukpa aiena ka, isht alotohonli hoke; ahanchi tok.

Tutelonomi 28:12

Chihowah yʋt im ʋlhpoyak achukma ʋba ya̱ chin tiwi cha, ont ai ʋlhpiesakma, yakni ya̱ chim umbʋcha he, micha chibbak nan toksa̱hanli tuk moma ka̱ na chi yukpala hi oke; mikma oklushi laua ka̱ ish impota cha, chishno chik poto ka hi oke.

Chemis 5:7

Yohmi hoka itibapishi li ʋhleha ma! nukchintot hʋsh hoyo na Chitokaka yʋt ʋlashke. Yakeh! hatak osapa toksʋli ʋt nan ʋni hochukma yakni a waya ka anukfillit hoho̱yo; yohmi kʋt yʋmma ahni kʋt nukchintot falaiachi hosh, ʋmmona micha ont ishtaiyopi aiena ka im on umba chatuk oke.