Tutelonomi 11:13 - Chahta Holisso Holitopa 1886

¹³ Atukma yakohma hi oke, achunanchit ʋm anumpa himak nitak a̱ hʋchim anumpo̱honli li ka̱ hʋsh haiyaklo, hʋchin Chitokaka Chihowah ya̱ hʋsh holitobli, micha hʋchi chu̱kʋsh a̱ mominchit, micha hʋchimi shilombish ma mominchit hʋsh im antiakma,

Tutelonomi 11:13 Iomraidhean Croise

1 Mi̱ko 3:3

Mihma Solomon ʋt Chihowa ya̱ holitobli cha, i̱ki Lewi ʋt nanʋlhpisa puta ka a noho̱wa beka tok a̱ anoho̱wa tok: yohmi kia achahaka puta ka nan ʋbit ai isht aiokpʋchit nabalama a hukmi beka tok.

Atʋloa 119:2

Nan isht im ai ʋlhtukkoa putta ka̱ hulittobli, chu̱kʋsh ai oklu̱hʋt Chihowa ha̱ ho̱ho̱yo, nan ik ai ʋlhpeso ma̱ yohmi keyu, im ata̱ya puttah ʋpesa tok a̱ ai ittʋno̱ho̱wa yʋt na̱ yokpa yoke.

Atʋloa 119:4

Chishno ʋt chi̱ nan ʋlhpisa putta ka̱ hʋttak ʋt ʋcchukmalit hulittobla he ish ʋpesa tok oke.

Lefitikʋs 26:3

A̱ nan ʋlhpisa hʋsh ai itʋnowa cha ʋm anumpa ʋlhpisa ya̱ ieshit hʋsh yʋmihchikma,

Lefitikʋs 26:4

Yohmikma ont aiʋlhpiesakma, umba ka̱ hʋch i̱hi̱ma la hi oke, mikma yakni ʋt na waya ha̱ hʋchi̱ waya hi oke; mikma kowi iti hikia kʋt ʋnit hʋchi̱ waya hi oke.

Tutelonomi 10:12

Yohmi ka̱ himak a̱ Islael ma, nanta ho̱ chin Chitokaka Chihowah yʋt chim ahoyo cho? amba chin Chitokaka Chihowah ya̱ i̱ nukwiʋt, i̱ hina moma ka̱ ano̱ho̱wa, micha holitoblit, micha chin Chitokaka Chihowah ya̱ chu̱kʋsh ai oklu̱hʋt, micha chi shilombish ai oklu̱hʋt isht ish im antia ho̱.

Tutelonomi 11:1

Yʋmohmi hoka chin Chitokaka Chihowah ya̱ ish holitobli cha̱, chi̱ miha tok a̱, micha i̱ nan ʋlhpisa bilia, micha im ai ʋlhpiesa yʋmihinchi, micha im anumpa aiena ka̱ ish ieshi na, biliashke.

Tutelonomi 11:22

Anumpa ilʋppa puta moma hʋchim anumpo̱honli li ka̱ achunanchit hʋsh ieshi cha, yʋmihchit hʋchin Chitokaka Chihowah ya̱ holitoblit, i̱ hina puta moma ka̱ ai itʋnowa cha, hʋsh im antiakma;

Tutelonomi 11:8

Yʋmohmi hoka anumpa ha̱ himak nitak a̱ hʋchim anumpo̱honli li ka̱ hʋsh ieshashke; yʋmohmi hosh hʋsh kʋllo cha, yakni hʋsh isha chi̱ hosh yʋmma pilla ia kʋt ont chukowʋt hʋsh ishashke.

Tutelonomi 28:1

Atukma yakohma hi oke, chin Chitokaka Chihowah im anumpa ha̱ achunanchit ish i̱ haponaklo cha, im anumpa moma ka̱ himak nitak a̱ chi̱ miha li ka̱ ithaiyanʋt ish yʋmihinchikma, chin Chitokaka Chihowah yʋt oklushi moma yakni paknaka ai asha ka̱ i̱ shahlechit a chaha ka̱ chi binilicha hi oke.

Tutelonomi 4:29

Yohmi tuk kia yʋmma a̱shʋt chin Chihowah Chitokaka ya̱ ish hoyokmʋt, chi chu̱kʋsh a̱ mominchit, micha chi shilombish a̱ mominchit hʋsh hoyokmʋt, hʋsh ahayucha hi oke.

Tutelonomi 6:17

Hʋchin Chitokaka Chihowah im anumpa ʋlhpisa puta, micha i̱ nan isht atokoli puta micha i̱ nan ʋlhpisa bilia aiena chim anumpuli tuk a̱ achunanchi hosh hʋsh ieshashke.

Tutelonomi 7:12

Yʋmohmi kak o̱ yakohma hi oke, aiʋlhpiesa yʋmi̱hinchi ilʋppa puta ka̱ haklot hʋsh ieshi cha, hʋsh yʋmi̱hinchikma, chin Chitokaka Chihowah yʋt chi̱ki ʋhleha anumpa kʋllo im ilonochi tok ʋt nan itim apesa, micha isht i̱ nukha̱klo aiena ka̱ hʋchim iesha hi oke.