Tutelonomi 11:12 - Chahta Holisso Holitopa 1886

¹² Chin Chitokaka Chihowah yʋt anukfilli yakni yoke; chin Chitokaka Chihowah i̱ holhponayo yʋt onʋtoyula na, bilia, afʋmmi ishtia ʋmmona tukmʋt afʋmmi ont taha ka̱ ont ʋhli hoke.

Tutelonomi 11:12 Iomraidhean Croise

1 Mi̱ko 9:3

Micha Chihowa ʋt, Sa tikba ya̱ anumpa ilbʋsha ish anumpulit, micha is sa̱ nukha̱klokbano ahnit is sʋm asilhha ka, haiyaklo li tuk oke: chuka ilʋppa ish ikbi tuk a̱ sa hohchifo ha̱ a bohli li̱ bilia chi̱ hosh, hullochi li tuk oke: mikma a̱ holhponayo, micha sa chu̱kʋsh ʋt itoyula na bilia chi̱ hoke.

2 Mi̱ko 18:32

Atuk o̱ ant hʋch ishit iʋt yakni hʋchi̱ yakni akinli chohmi, tanchi, micha okapa̱ki aiasha yakni, micha pʋska, micha pa̱kʋpi ahollokchi aiasha yakni, micha alif bila, micha foi bila aiasha yakni yo̱ hʋch isht ona li̱ hʋchi okcha̱ya cha, ik hʋch illo kashke: micha Hesekiah ʋt, Chihowa yʋt pi hlakofficha chi̱ hoke, achit hʋchi nukfohki bʋnna ka hʋch ik i̱ haponaklo kashke.

Atʋloa 33:18

Yakeh, i̱ nukshopa ʋhlehah, isht i̱ hullo ho̱ho̱yo ʋhleha ha̱ Chihowa nishkin ʋt onuttoiyula kʋt,

Atʋloa 34:15

Chihowa nishkin ʋt ai ʋlhpiesa ʋhleha ha̱ pit o̱ tʋllohakma̱, ai i̱ pa̱ha̱ya ya̱ haksubish ʋt pit hʋponaklo hoke.

Atʋloa 65:11

A chi achukma afʋmmi ha̱ isht ish iachukolichishke; mihma̱ ish ata̱ya putta kʋt na̱ nia yo̱ et akkakohli hoke.