Tutelonomi 10:9 - Chahta Holisso Holitopa 1886

⁹ Yʋmohmi ha tuk o̱, Lefai ʋt itibapishi ʋhleha iba fohkʋt akashapa, micha ai isha he ʋlhpesa ʋt ik im iksho hoke; chin Chitokaka Chihowah yʋt achit im issa tok mak o̱, Chihowah ak osh ai ishi ʋlhpesa immi yoke.

Tutelonomi 10:9 Iomraidhean Croise

Numbas 26:62

Micha holhtina mʋt nakni bieka hosh hʋshi achʋfa ʋba ma̱ya kʋt tahlepa sipokni pokoli tuklo akucha tuchina. Islael im ʋlla ʋhleha ha̱ takla yakni ik emo hatok. Islael im ʋlla ʋhleha ha̱ takla holhtina tok keyu hokʋt.

Apostel isht Anumpa 8:21

Chi chu̱kʋsh ʋt Chihowa ya̱ itikba ya̱ ai ʋlhpiesa keyu hokʋt; nan ilʋppa kaniohmi kia, micha ahalaia kia ik chim ikshoshke.

Tutelonomi 12:12

Mikmʋt hʋchishno, micha hʋchiso ʋhleha, micha hʋchiso tek ʋhleha, micha hʋchin tishu hatak ʋhleha, micha hʋchin tishu ohoyo ʋhleha, micha Lefait ʋhleha hʋchi̱ holihta okhissa anu̱kaka hikia aiena kʋt, i̱ kashapa micha aiisha he ʋlhpesa ʋt hʋchim ai iti takla ya̱ ik im iksho hoka; awant hʋchin Chitokaka Chihowah itikba ya̱ na hʋchi yukpashke.

Tutelonomi 14:27

Micha Lefait ʋt chi̱ holihta okhissa anu̱kaka aiasha ha̱ ish kancha he keyu; yʋmmʋt chin ta̱kla i̱ kashapa yʋt ai isha he ai ʋlhpiesa yʋt ik im iksho hoke.

Tutelonomi 14:29

Mikma Lefait ʋt (yʋmmʋt i̱ kashapa, micha ai isha he ʋlhpesa yʋt chiba fo̱kʋt ik im iksho hokʋt) micha okla inla, micha i̱ki iksho, micha i̱ hatak illi, chi̱ holihta okhissa anu̱kaka aiasha aiena kʋt ʋla cha, ʋpʋt fihopashke; yʋmohmi ho̱ chin Chitokaka Chihowah yʋt chibbak na toksa̱hanli moma isht ish ahanta ka̱ chi yukpalashke, achi tok.

Choshua 14:3

Moses ʋt ai unchololi tuklo, micha Manasseh ai unchololi iklʋna hokʋno ima na Chatan mish tʋnnʋp yakni ya̱ ishit a binili tok oka; amba Lefai ai unchololi yano yʋmma takla yakni ya̱ ai isha he ʋlhpesa ka ik imo tok.