Tutelonomi 10:8 - Chahta Holisso Holitopa 1886

⁸ Nitak yʋmma Chihowah yʋt Lefai apehlichika Chihowah nan itim apesa afohka itombi holitopa shola chi̱ ho̱, Chihowah itikba ya̱ hieli cha, nan isht im ahanta chi̱, micha yʋmma hochifot, anumpa yukpuli isht onohoncha chi̱ ho̱, filʋmmi̱hinchi ho̱ himak nitak a̱ yʋmohmi hoke.

Tutelonomi 10:8 Iomraidhean Croise

1 Mi̱ko 8:6

Mihma naholitompa isht asha ʋhleha hʋt Chihowa nan it im apesa afoyuka itombi holitopa ya̱ atalaia, Chihowa ai ile haiakʋchi aholitopa moma i̱ shahli ya̱ isht onʋt, chelubim tuklo kash i̱ sanahchi nuta ya̱ talali tok.

Atʋloa 134:1

Yakeh, Chihowa i̱ tishuh ʋhleha hʋt ninakma̱ Chihowa im ʋboha hʋsh hieli kʋt, momʋt Chihowa ha̱ hʋsh ayokpʋchashke.

Atʋloa 134:2

Ai a̱ha̱tta hulittopa ya̱ hʋch ibbak ʋba pit hʋsh ai o̱ wieli cha, Chihowa ha̱ hʋsh ayokpʋchashke.

Lefitikʋs 8:9

Micha iahlipa hash noshkobo ha̱ on talali tok, micha iahlipa ha̱ ibitakla fehna ka̱ tʋli lakna patʋssa bitah holitopa yo̱ lapalichi tok. Chihowah yʋt Moses a̱ i̱ miha tuk mak o̱ yohmi tok.

Lefitikʋs 9:22

Mikmʋt Alon ʋt ilap ibbak a̱ okla ha̱ ʋba pit i̱ weli cha yukpali tok; nan ashʋchi im issa, na hukmit im issa, micha itin nanaiya im issa imi̱hi̱sʋt tahli mʋt ai i̱ filʋmmit akowa tok.

Numbas 3:31

Micha nana aiatoni ieshi kʋt itombi holitopa, micha ai impa, micha pʋla ai o̱ hikia, micha alta puta, micha nan isht toksʋli nan aiʋlhto ʋlhtipo holitopa aiasha, micha natakali, micha nan isht toksʋli puta kak a hi oke.

Numbas 3:6

Lefai apehlichi yo̱ bili̱ka isht ishla cha, naholitompa isht ʋtta Alon itikba ya̱ isht ish onashke; yohmi na yʋmmak o̱ nana isht im ahantashke.

Numbas 4:15

Atuk o̱ Alon micha ushi ʋhleha aiena kʋt ʋlhtipo holitopa, micha ʋlhtipo holitopa i̱ nan ai ʋlhto puta aiena ka̱ ompohomot ont im ʋlhtaiyaha na, binah hʋt iakma, yohmikma Kohalh ushi ʋhleha hʋt shala chi̱ hosh ʋla chi̱ hoke; amba nana holitopa ya̱ potola he keyu, yohmikmʋt illa chi̱ hoke. Ilʋppa puta kak osh okla moma i̱ binah aiasha kʋt Kohalh ushi ʋhleha i̱ shapoh ha chi̱ hoke.

Chan 15:16

Hʋchishno ak osh hʋs si atokoli tok o̱ keyu; amba itʋnowʋt ʋnit hʋsh waya he ak atuk oke; yohmikma hʋchi a waya kʋt aiasha na A̱ki a̱ nana ho̱ a̱ hohchifo pulla kak o̱ isht hʋsh im asilhhakma, hʋch ima he mak o̱, ʋno ak osh ai atokolit hʋchim apesa li hatuk oke.

Apostel isht Anumpa 13:2

Okla Chitokaka pit aiokpʋchit nahullochit ma̱ya ma, Banabas, micha Sal ita tuklo ka, a toksʋli im ai atokoli li tuk isht a̱shwa chi̱ ka, hʋs sʋm atokolashke, Shilombish Holitopa yʋt achi tok.

Loman 1:1

Pal, Chisʋs Klaist in tishu, apostel toba kʋt, Chihowa im ʋbanumpa isht ʋtta hi osh ʋlhtoka tok ʋt,

Loman 12:7

Mikmʋt chʋch nan isht im ʋtta isht ai ʋtta ya̱ e habena hatok mʋt, yʋmmak o̱ isht il ahantashke; micha nan ithʋnanchi yokmʋt, yʋmmak o̱ isht ahantashke.

2 Kolinhlian 6:17

Yʋmohmi hoka yʋmma a kohchʋt hʋsh mintashke; yohmi cha oh i̱ filʋmmí, mikmʋt nana kʋt ik kashofo ka hʋsh potoli ná; yohmik mak o̱ hʋch i̱ kanʋt hʋchi ieshi la chi̱ hoke, Chitokaka yʋt achishke.

Kaleshan 1:15

Yohmi tok kia Chihowa yʋmmak osh hʋshki im oshʋto ya̱ ai ishit sa kohchi cha, isht i̱ kana isht sa hoyo tok,

Tutelonomi 17:12

Mikma hatak kʋna hosh ilapunla cha, naholitompa isht ʋtta yʋt chin Chitokaka Chihowah itikba ya̱ hikiʋt, yʋmmak o̱ nan isht ai ahanta ka̱ ik i̱ haponaklo, keyukmʋt nan apesa yo̱ ik i̱ haponaklokmʋt, hatak yʋmmʋt illi pulla hi oke; micha Islael a̱ nan ik achukmo ya̱ ishit ish kancha hi oke.

Tutelonomi 18:5

Chihowah hohchifo pulla ho̱ hikiʋt nan isht im ahanta chi̱ ho̱, yʋmma, micha ushi ʋhleha aiena kʋt bilia chi̱ ho̱, chim apehlichi moma ka̱ akohchit chin Chitokaka Chihowah yʋt atokoli tuk oke.

Tutelonomi 21:3

Yohmikma yakohma hi oke, hatak illi yash et i̱ bili̱ka tʋmaha holihta ak osh tʋmaha holihta yʋmma im asʋnonchi ʋhleha fehna kʋt wak tek himmita ishit toksʋli chatuk keyu, micha ikunla abanʋt nana shali chatuk keyu ka̱ ish ashke.

Tutelonomi 21:5

Mikma na holitompa isht asha ʋhleha, Lefai ushi ʋhleha hʋt bili̱ka onʋt (yʋmmak osh nan isht im ahanta he, micha hochifot aiokpa̱hancha he, chin Chitokaka Chihowah yʋt atokoli tok oka,) yʋmmak ash im anumpa ho̱ anumpa itachowa puta, micha isso tok moma aiena ka̱ nana kʋt ʋlhpesa hi oke.

Tutelonomi 31:9

Mihmʋt Moses ʋt nan ʋlhpisa ilʋppa holissochi cha, Lefai ushi ʋhleha naholitompa isht asha Chihowah nan itim apesa a fohka itombi holitopa sholi tuk a̱, micha Islael im asʋnonchi moma ka̱ ibbak fohki tok.