Tutelonomi 10:5 - Chahta Holisso Holitopa 1886

⁵ Mihma fullota li mʋt, nʋnih ha̱ akowa li mʋt, patʋssa tuklo kash itombi holitopa ikbi li tuk ash osh fohki li tok; atuk o̱ Chihowah yʋt ʋm anumpuli tuk mak o̱, yʋmmak o̱ kaiyaha hoke.

Tutelonomi 10:5 Iomraidhean Croise

Eksotʋs 25:16

Micha itombi holitopa ya̱ nan atokowa chima la chi̱ ka̱ ish fohkashke.

Eksotʋs 25:21

Micha im ai i̱ kanʋt aiombinili ya̱ itombi holitopa paknaka ish ontalalashke, micha itombi holitopa ya̱ nan atokowa chima la chi̱ ka̱ ish fohkashke.

Eksotʋs 32:15

Mihma Moses ʋt filema mʋt, nʋnih ha̱ akowa tok, mihma nanʋlhpisa ai o̱ holisso patʋssa tuklo kʋt ibbak a fo̱ka tok; patʋssa yʋt tahlakla̱ka a holisso ha tok; in tʋnnʋp achʋfa ka̱ a holisso mʋt, in tʋnnʋp achʋfa ka̱ a holisso ha tok.

Eksotʋs 34:28

Micha yʋmma nitak pokoli ushta, micha ninak pokoli ushta ho̱ Chihowah takla ahanta tok, pʋska ya̱ ikpo, micha oka ya̱ ik ishko tok; micha nan ʋlhpisa anumpa nan ʋlhpisa pokoli yash tʋli patʋssa ya̱ ai o̱ holissochi tok,

Eksotʋs 34:29

Atuk o̱ yakohmi tok, Moses ʋt Sinai nʋnih ha̱ nanʋlhpisa tʋli patʋssa tuklo kʋt Moses ibbak a̱ fo̱ka ho̱ akowa mʋt nʋnih ha̱ akowa mʋt, im anumpuli ma, nashuka yʋt shohmalali ka̱ ik ithano ki tok.

Eksotʋs 40:20

Micha nanʋlhpisa ya̱ eshi cha, itombi holitopa ya̱ fohki mʋt, iti tʋptua ya̱ itombi holitopa ya̱ apitta tok; micha itombi holitopa paknaka ya̱ aiombinili i̱ nukha̱klo ya̱ ontalali tok.

Tutelonomi 10:2

Mikma tʋli patʋssa tuklo ʋmmona ish kobʋffi chash, anumpa a fo̱ka kash o̱ tʋli patʋssa tuklo ka̱ ai o̱ holissochi lashke; mikma itombi holitopa ya̱ ish fohkashke, ʋm achi tok.

Tutelonomi 9:15

Yohmi ho̱ fullota li mʋt, nʋnih ha̱ akowa li tok; mihma nʋnih hʋt luak ishit lu̱hu̱wa tok; mihma nana itim apesa tʋli patʋssa tuklo kʋt sʋbbak tuklo ka̱ a̱lhto tok.

Choshua 4:9

Mihma Choshua ʋt Chatan iklʋna na holitompa isht asha Chihowa nan it im apesa ʋt afoyuka itombi holitopa shoyuli iyi yʋt a hieli tuk a̱ tʋli auah tuklo ho̱ hiohlichi tok: yohmi tok o̱ himak nitak kia yʋmma aiashʋshke.