Tutelonomi 10:22 - Chahta Holisso Holitopa 1886

²² Chi̱ki ʋhleha hʋt hatak pokoli untuklo hosh Echip a̱ ai itʋpehʋt ona tok; atuk o̱ himak a̱ chin Chitokaka Chihowah yʋt chi apaknʋchi kʋt shutik fochik ak o̱ chi chohmichishke.

Tutelonomi 10:22 Iomraidhean Croise

Genesis 15:5

Mihmʋt ilauelit kocha isht ona mʋt, Ʋba pilla ha̱ pit ish hopo̱koyo cha, fochik puta ka̱ ish hotihna hinlakmʋt, ish anolashke, achi tok: Chim isht aiunchololi hʋt yʋmmak o̱ chiyuhma hi oke, im achi tok.

Genesis 22:17

Nayukpa̱hanlit chi yukpali la hi oke, micha chim ishtatiaka ya̱ apaknʋchi hokʋno apakna̱hanchit ʋba fochik a̱ choyuhmichi likmʋt, okhʋta ʋhli shinuk aiasha kak o̱ choyuhmichi la hi oke; mikma chim ishtatiaka yʋt in tʋnʋp i̱ holihta okhissa ya̱ iesha hi oke.

Genesis 46:26

Chekob ushi ʋhleha ha̱ tekchi ʋhleha hʋto asha na haknip a toba tok shilombish moma hosh, Chekob a̱ api̱hʋt Echip a̱ ona kʋt, shilombish moma kʋt pokoli hannali akucha hannali tok.

Genesis 46:27

Mikma Chosef ushi ʋhleha Echip a̱ im ai ashwa tok ʋt shilombish tuklo tok: Chekob in chuka achʋfa shilombish moma kʋt Echip a̱ ona tok ʋt pokoli untuklo tok.

Eksotʋs 1:5

Chekob haknip a̱ a toba tok shilombish moma kʋt shilombish pokoli untuklo tok: Chosef ʋt Echip a̱ anta hatok oka.

Numbas 26:51

Ilʋppa puta kak osh Islael im ʋlla ʋhleha hosh holhtina mʋt tahlepa sipokni bat tahlepa hannali cha tahlepa sipokni achʋfa, micha tahlepa untuklo pokoli tuchina aiena tok.

Numbas 26:62

Micha holhtina mʋt nakni bieka hosh hʋshi achʋfa ʋba ma̱ya kʋt tahlepa sipokni pokoli tuklo akucha tuchina. Islael im ʋlla ʋhleha ha̱ takla yakni ik emo hatok. Islael im ʋlla ʋhleha ha̱ takla holhtina tok keyu hokʋt.

Apostel isht Anumpa 7:14

Yohmi ma Chosef ʋt i̱ki Chekob, micha i̱ kanomi ʋhleha moma kʋt, hatak pokoli untuklo akucha tahlapi ho̱, pit hoyo hosh, pit chʋffichi tok.

Tutelonomi 1:10

Hʋchin Chitokaka Chihowah yʋt hʋchi apaknʋchi tuk oke; atuk o̱ yakeh, hʋchi apakna kʋt himak nitak a̱ ʋba fochik puta ka̱ hʋsh chohmishke.

Tutelonomi 1:11

Hʋchi̱ki ʋhleha in Chitokaka Chihowah yʋt himak a̱ hʋsh kaniohmi ka̱ laua kʋt tahlepa sipokni hoh kia i̱ shahli ha̱ hʋch ikbashke; yʋmihcha he hʋchi̱ miha tok mak osh, hʋchi yukpalashke.

Tutelonomi 26:5

Mikma chin Chitokaka Chihowah itikba ya̱ ish anumpulit, A̱ki ʋt Silian illa̱ hosi a tok; atuk osh kanomosi hosh aiitʋpehʋt Echip a̱ ona cha, yʋmmak o̱ aiasha tok, micha yʋmmak o̱ aiashʋt oklushi chito, kʋllo, micha laua aiena toba tok.

Tutelonomi 28:62

Mikma apakna kʋt ʋba fochik oka ish chiyuhmi tuk oh kia, holhtina kanomosi hosh ish ahomba hi oke; chin Chitokaka Chihowah anumpa ha̱ ish i̱ haponakla he keyu hokʋt.

Heblu 11:12

Yʋmohmi hoka achʋfa, yʋmmʋt illi ak o̱ chiyuhmi kia, laua kʋt fochik ʋba shutik ai asha ka itilaui, micha shinuk a holhtina iksho okhʋta ontalaka ai asha kak o̱ chiyuhmi hosh a toba tok.