Tutelonomi 10:20 - Chahta Holisso Holitopa 1886

²⁰ Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 10:20 Iomraidhean Croise

2 Mi̱ko 18:6

Micha Chihowa ya̱ asitia cha, iakaiya kʋt issa keyu, amba im anumpa ʋlhpisa puta Chihowa yʋt Moses a̱ im apihi̱sa tok a̱ ieshi tok.

Atʋloa 63:11

Amba mi̱ko ʋto Chitokaka yak o̱ nan isht a yokpa chi̱ hoke; ʋnnumpah hulabi ʋnumpuli itih putta kʋt i̱ kʋma chi̱ hoka̱, yʋmmak o̱ ʋnnumpah kʋllo isht ai ʋnumpuli kʋt momʋt isht ilawʋta chi̱ hoke.

Eksotʋs 20:7

Yʋmmakfokalechit chin Chitokaka Chihowah hohchifo ha̱ ish hochifa he keyu hoke; hohchifo ha̱ yʋmmakfokalechit hochifo tukma nan ik ashacho, Chihowah yʋt ahna he keyu hoke.

Mahlu 4:10

Mihma Chisʋs ash osh, Setan ʋt kanima iashke: chin Chitokaka Chihowa hak o̱ ish ai okpahanchikmʋt, yʋmmak illa ho̱ ish im antiashke, achi kʋt holisso hoka, im achi tok.

ʋBanumpa Luk Ʋt Holissochi Tok 4:8

Mihma Chisʋs ash ot afalaminchit, Setan chia hʋt ʋm ashaka yak o̱ ish hikiashke; Chitokaka chin Chihowa yak o̱ i̱ hʋchukbihlepʋt ish aiokpahanchashke; micha yʋmmak illa ho̱ holitoblit ish im antiashke; achi kʋt holisso hoka, im achi tok.

Apostel isht Anumpa 11:23

Yʋmmak ash osh ʋla cha, Chihowa im isht il aiyukpa ka pihi̱sa mʋt na yukpa tok; micha chu̱kʋsh mʋt kʋllo hosh Chitokaka ya̱ isht asitia chi̱ ka, mominchit atonohonchi tok.

Loman 12:9

Isht i̱ hullo yʋt isht il ahobi iiksho hashke. Nan ik achukmo ka ish i̱ nukkillashke; nan achukma hoka ish asitiashke.

Tutelonomi 11:22

Anumpa ilʋppa puta moma hʋchim anumpo̱honli li ka̱ achunanchit hʋsh ieshi cha, yʋmihchit hʋchin Chitokaka Chihowah ya̱ holitoblit, i̱ hina puta moma ka̱ ai itʋnowa cha, hʋsh im antiakma;

Tutelonomi 13:4

Hʋchin Chitokaka Chihowah ya̱ iakaiyʋt hʋsh itʋnowashke, micha i̱ nukwiʋt im anumpa ha̱ holitoblit, im anumpa ha̱ hʋsh im antiʋt, in toksa̱hanlit hʋsh asitiashke.

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Tutelonomi 4:4

Amba hʋchin Chitokaka Chihowah ya̱ hʋsh asitia tok ʋto hʋsh moyuma kʋt himak nitak a̱ hʋchi okcha̱yʋshke.

Tutelonomi 5:11

Yʋmmakfokalechit chin Chitokaka Chihowah hohchifo ka̱ ish hochifa he keyu hoke; hohchifo ha̱ yʋmmakfokalechit hochifo tukma nan ik ashacho, Chihowah yʋt ahna he keyu hoka.

Tutelonomi 5:29

Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Tutelonomi 6:13

Chin Chitokaka Chihowah ya̱ ish i̱ nukwia cha, ish im antiashke, micha yʋmma hochifot anumpa kʋllo il onochit ish anumpulashke.

Choshua 23:7

Yʋmohmi hosh oklushi ilʋppa puta hʋchi takla a̱sha moma ka hʋch ik ibafohko kashke; micha i̱ na holbʋt toba puta hohchifo ha̱ anukfillit hʋch ik miho kashke; micha isht hochi̱fot anumpa kʋllo hʋch ik il onocho kashke, micha hʋch ik in toksalo kashke, micha hʋch ik im akachunolo kashke:

Choshua 23:8

Amba yʋmohmit mihinti himak nitak a̱ ant ʋhli hokʋt, Chihowa hʋchin Chitokaka yak o̱ hʋsh asitiashke.

1 Samuel 7:3

Mihma Samuel ʋt Islael in chuka achʋfa moma ka im anumpulit, Hʋchi chu̱kʋsh isht ai oklu̱hʋchit Chihowa ya̱ falamʋt hʋsh im ona hokmʋt, oklushi inla i̱ na holbʋt toba, micha Ashtalolh aiena ka̱ hʋch ititakla ya̱ hʋsh a kanchi cha, hʋchi chu̱kʋsh a̱ Chihowa ya̱ hʋsh im atahli cha, yʋmmak bano ho̱ hʋsh aiokpʋchashke; mikma Filistin okla ibbak a̱ akohchit hʋchi hlakoficha chi̱ hoke, achi tok.