Tutelonomi 10:2 - Chahta Holisso Holitopa 1886

² Mikma tʋli patʋssa tuklo ʋmmona ish kobʋffi chash, anumpa a fo̱ka kash o̱ tʋli patʋssa tuklo ka̱ ai o̱ holissochi lashke; mikma itombi holitopa ya̱ ish fohkashke, ʋm achi tok.

Tutelonomi 10:2 Iomraidhean Croise

1 Mi̱ko 8:9

Micha itombi holitopa ya̱ nana hosh fo̱ka tok keyu, amba tʋli patʋssa tuklo ak illa tok, yʋmmak oka Islael im ʋlla ʋhleha hʋt Echip yakni ya̱ kohcha ma, Chihowa ʋt it im apesa na Holeb a̱sha ma, Moses ʋt a fohki tok.

Eksotʋs 32:19

Atuk o̱ yakohmi tok, binah ha̱ bili̱ka ona mʋt, wakushi yash, micha hihla aiena ka̱ pisa tok; mihmʋt Moses im ai i̱ nukkilli ʋt libbi mʋt, nʋnih nuta ya̱ patʋssa yash ibbak a̱ mokofit aka pila cha, koli tok.

Eksotʋs 34:1

Mihma Chihowah yʋt Moses a̱, Tʋli patʋssa tuklo ʋmmona tuk a̱ chohmi ho̱ ish tʋhlashke, mikma tʋli patʋssa yʋmmak o̱ tʋli patʋssa ʋmmona ish koli kash anumpa atakali tuk a̱ ai o̱ holissochi lashke.

Eksotʋs 40:20

Micha nanʋlhpisa ya̱ eshi cha, itombi holitopa ya̱ fohki mʋt, iti tʋptua ya̱ itombi holitopa ya̱ apitta tok; micha itombi holitopa paknaka ya̱ aiombinili i̱ nukha̱klo ya̱ ontalali tok.

Tutelonomi 10:5

Mihma fullota li mʋt, nʋnih ha̱ akowa li mʋt, patʋssa tuklo kash itombi holitopa ikbi li tuk ash osh fohki li tok; atuk o̱ Chihowah yʋt ʋm anumpuli tuk mak o̱, yʋmmak o̱ kaiyaha hoke.

Tutelonomi 4:13

Micha i̱ nan itim apesa hʋsh yʋmihcha chi̱ ho̱ hʋchim apesa tok, nan ʋlhpisa pokoli ka̱ hʋchim anoli tuk oke; micha tʋli patʋssa tuklo ho̱ ai o̱ holissochi tok.

Heblu 9:4

Yʋmmak oka anu̱kaka ya̱ na balama aluachi tʋli holisso lakna isht toba, micha nan it im ʋlhpisa yash im itombi yokʋt tʋli holisso lakna yosh isht ompoholmot apakfoyupa, yʋmmak o̱ tʋli holisso lakna nan ai ʋlhto manna yosh ʋlhto, micha Alon in tʋbi yʋt bikobli tok, micha tʋli patʋssa tuklo nan it im ʋlhpisa yʋt ai o̱ holihi̱so tok aiena kʋt foyuka hosh taloha tok: